انا ياقلبي نفس الشي شقتي تقريبا بمواصفات شقتك بالضبط بس الحمدلله تقدري تسيطري عالوضع ماراح اقول لك غيري اثاث ويمكن وضعكم مايسمح ولا راح اقول لكم انقلوا شقه ايجار لا ياقلبي حاولي قد ماتقدري تنظمي البيت وانا اقول لك اكثر شي يحوس الشقق الصغيره هي لعب الاطفال واكثر شي كان معذبني بس الحمد لله اختفت تقريبا هالمعاناه

اختي نصيحة والله ان كثر العفش هي الي تضيق
اللعاب الاطفال خففي منها لايكون الا لك واحد منهم لعبتين ومثلا كل اسبوعين طلعيهم ملاهي ينبسطون بدون شراء قرابيع بس تضيق عليك

ومن ناحية الملابس انا مع اعرف كثرتها والله من عيالي صغار اخلي لك واحد فيهم 5ملابس طلعات و3بجايم يعني ما اشري حق بيت وخرابيط في البيت لبسيهم البجامه واذا طلعتي اين كا ن طلعتك او جاكي احد بالبيت لبسيهم لبس زين لاتقولين حسافة الملابس بالعكس خلينا نكرف الملابس للاسف نشريه غالية والله يصلحهم يكبرون عليها

ومن ناحية الاثاث لاتشترين تحف وماتحف تتحط على الارض والله مافيها الا حوسة وددبلت كبد في التنظيف

اتمنى اني افدتك يالغلا

شوفي حبيبتي كانت امي الله يحفظها لنا
( الوسع في القلوب )
وانا بقولك شيء اذا البيت ملك لكم يعني يمديكم تغيرون فيه بالراحة يعني في تنظيمه الاساسي
ممكن تقلبون المطبخ مكان الغرفة الصغيرة وتخلون المطبخ في الغرفة الصغيرة لأن المطبخ عادي لو كان اضغر لأنه ما فيه الا انت لكن الغرفة كلكم فيها وممكن هذه الغرفة تخلونها كنب بسيط وصغير او جلسة ارضية نظيفة ممكن انك تستقبلين فيها اخواتك وخلي المجلس ساعتها للرجال
وتجيبي كراتين متوسطة الحجم ممكن انها تدخل تحت السرير حقك وتحطين فيها العاب العيال و كل مرة تطلعين كرتون واحد يلعبون بالالعاب اللي فيه الين يملون منها رجعيه مكانه وطلعي كرتون غيره وهكذا

وبالنسبة للعمود اللي بغرفة النوم تقدرون انكم تهدوه لأن البيت ملك لكم ولكم حرية التصرف فيه ...
وبالنسبة للصاله تقدرين تحطين شبك قدام باب الشقة يعني اللي يدخل مايشوف البيت كله بيكون الشبك هذا مغطي عليه

واذا الشقة في قدامها مدخل صغير او شيء تقدرين تستفيدين منه يلعبون اولادك الله يحفظهم فيه

والله ياغاليتي انا مثلك بيتي صغير لكن سويت فيه اللي اقدر عليه
واتمنى اني اكون افدتك لو بجزء بسيط

مشكلتك حبيبتي في الأثاث
صعبه تحطي أثاث فخم في شقه صغيرة
المفروض تاخخذين أثاث موديرن بألوان هادية وفرايحية اشرح للمكان
وخذي علب بلاستيكية كبيرة لحفظ ألعاب الأطفال

انا عايشه في قرقور او صندوق شقه صغيرة وثلاث غرف صغار ومطبخ وحمام

وعيالي كبروا وضاق البيت عليهم وام زوجي محرمه الحوش عليهم ومحللته على غيرهم
الله كريم