هموم امرأه محطمه (لا تخافون باقي احلم)

هموم أمرأه محطمه وما زالت تحلم بالمستحيل

طبعا بالبدايه اعرفكم بنفسي

انا طالبة ادرس بقسم اللغه العربيه بتستغربون ليش كتبت هالملعومه

بكل اختصار لاني بكتب بالعاميه وانا والفصحى متخاصمين

اتمنى القى تجاوب



بدايتي/

كنت فتاه (دلوعة البيت) اعيش مع اهلي زي باقي البنوتات والدلع كان محاصرني من جميع افراد الاسره وكمان بين صاحباتي كنت ملقبه بالدلوعه,

كان لي صيت بالعائله كبير كنت مشهوره والكل يتناقل اخباري!!!

طبعا هذا الشي خلاني (فتاه مغروره ومحد يحاكيني انا الحلوه وبس)

يوم من الايام وكنت بثالث متوسط

تقدم لخطبتي ولد خالي الكبير وانا من عرفت بالخبر رفضت رفضا شديد

وهذا اليوم اللي ما بنساه بحياتي لما دخل خالي عندي وقال (يابنتي ليش ماتبغين ابني ؟؟ رديت عليه بكل هدوء..!! قلت: ابغى اكمل دراستي وانا لسى صغيره

خرج خالي وقال للكل البنت موافقه بس لا خلصت ثالث ثانوي بجي واخذها لابني وسوو خطوبه وانا مصدومه

سكتت ,,

مرت الايام وانا ما ابغى الولد

رحت صارحت امي قلت لها: ماما انا ما ابغاه,,


قالت وش نقول للناس بنتنا بطلت؟

قمت اخذ دقيقه وقلت الطامه الكبرى اللي قلبت حياتي ,,

قلت: انا احب اخوه الصغير شلون تزوجوني الكبير وجلست ابكي

طبعا كنت وقتها ابغى بس افتك من الكبير بأي عذر كان

مع الايام وصلني خبر ان اصلا الكبير ما يبيني ومغصوب من ابوه وتركني,

وقتها انا قررت انتقم

مرت الايام ..........................



صرت ثالث ثانوي يا سبحان الله على قولت ماما (صغير الدنيا يجي)

دايم اسمعها تكرر هالمثل ولليوم مو فاهمته

تقدم لخطبتي الاخ الصغير

قلت لنفسي وقتها: مافيه فكه من خالي وعياله الا ملزم ياخذني لواحد منهم

المهم خفت ارفض ويجي بعد كم سنه يخطبني للأصغر وان خلصو عياله يروح لعيال عياله المهم (ماكو فكه)

<<<ترى وافقت عالصغير عشان انتقم من الكبير اللي تركني بدون سبب

ودخلت الكليه وصار تفكيري كل ماهو يتغير واحس بروحي اني عايشه لكابوس بيوصلني

(اللي هو زواجي من الصغير والناس كلها عارفه انه خطيبي )

مرت اول سنه

وجات السنه الثانيه

وباقي ماتزوجت وانا مبسووووووووطه

قد ايش كنت احلم بالحب وبفارس احلامي واللي بيخطفني بليله مافيه الا ضوء القمر

بس خطيبي ما كان حلمي ابدااااااااا

كان مجرد انتقام من الكبير اللي كسر قلبي

لدرجة اني كنت مفهمه الكل اني احبه حب جنوني عشان ما يضحكو علي

احيان كنت اجلس اصلي وأدعي انو اتزوجه ويكون نصيبي عشان اقهر الناس واوريهم اني انا اللي تركت الكبير واني ابي الصغير

للأسف كان تفكيري محدود وعلى قدي واللي اليوم اعض اصابع الندم على قرار مراهقه هدمت حياتها بيديها

جات الايام وقرورا موعد زواجي اقصد موعد (انتقامي)

وجاني وقت الملكه وقالوا الناس (الف مبروك) صرتي لولد خالك حليله يابخته فيك والكل حاسده علي

وقتها بالليل ناداني ابوي

قال تعالي زوجك يبي يشوفك ,, دخلت وجلست معه لوحدي

ما كنت احس بشي

كنت شارده واهو يتكلم وانا مو معه (والله قلبي ما يبيه)

دق الباب ودخل ابوي وقمت طلعت من عندهم وطوالي لغرفتي

(ودموعي ما وقفت ابد والكل مبسوط اني اخيرا تزوجت هاللي احبه او مدري هاللي مفكريني احبه)

كانت ليله طويله

كان ظلام

غرفتي تخوووووف لوحدي ومحد جنبي

أسئله براسي يدور ولا لقيت اجابه

ليش يابنت سويتي كذا؟

ليش تسرعتي؟

ليش وليش وليش

دموعي ما وقفت

وكبريائي وغروري وانتقامي كلهم تخلو عني وقتها

نسيت اقولكم شغله .....

ابوي كان رافض الزواج لكن انا عصيته والله ما اهتميت لكلامه ابد قلت له اذا ما زوجتني ترى ماعاد اتزوج ابد انا احبه وابيه

وافق عشاني

وافق!!

لا والله كان مو موافق

يوم ملكتي ما بارك لي كان يطالعني بنظرات حزن

( آآه يا أبوي ياليتك ضربتني ولا وافقت على زواجي والله كنك كنت حاس باللي راح يصير لي)

ياليت وش تفيد الحين

عموما تزوجت

ويوم العرس

ياناس ليله الدخله وباقي امثل الحب عالكل

لييييييييييييييييييييييييش؟؟؟؟؟؟؟

وصلت من الكوافير

سؤال

من احلى مني هالليله؟؟

اتحدى بنت بجمالي

اتحدى زوجي يلتفت لغيري

اتحدى واتحدى واتحدى ..... غرور

المصوره تصورني ودخل عريس الغفله

وطلبت المصوره الكل يطلع برى عشان التصوير

بقيت انا وعريسي مدري حبيبي لوحدنا

بدت المصوره تقول لي اشياء كنت رافضتها

تقول قربي منه
(بس انا مابي اقرب خلوه بعيد)

تقول امسكي يدينه
(بس انا مابي امسك يدينه خلوه يترك يديني)

تقول طالعي بعيونه
(لا بيدري اني اكرهه مو هذي العيون اللي احبها سافرت والله وتركتني)

قالت لزوجي اركع وامسك ورده وانتي خليك واقفه وطالعي بالورده
(والله تخيلت لونها اسووووووووود بس كانت حمرا والله مو انت حلمي حرام خلاص بطلت مابي اتزوج)

<<<هو دخول الحمام زي خروجه

اخيرا قالت لي حطي راسك على صدره
(وقتها صرخت قلت الوقت تأخر وقت الزفه نكمل بعد الزفه كان هرووووووووب)

جات امي وخالتي <<ام العريس

ومسكو ايدي ووقفت قدام الباب عشان تبدى الزفه وادخل

كنت اطالع بأمي

واختي وينها بقول لها مابي اتزوج هونت والله

اختي تضحك مبسوطه (انا اقول لها بس ماتسمعني )

(يافاطمه مابيه والله اكرهه ساعديني )

بس هي كانت تأشر لي بالزفه ومستغربه اني ما اضحك

وتصفق وتقول لي (ابتسمي)

بس انا متضايقه كيف اضحك

اشوف الناس تضحك

وانا ضايعه

واخيراا

وقفت على الكوشه

اسمع قصيده تقول اسمي واسم العريس

بس بنفسي كنت اقول (لا مو هذا اسمه انتوا غلطانين هو واحد ثاني بالله ردوا علي صدقوني الاسم غلط!!)

جلست شوي

جات لي المصوره وقالت لي (مدام يالله نطلع باقي نكمل التصوير)

قمت مشيت

اطالع يمين ويسار وين امي

وينك يمه؟

يمه , يمه , يا يمه تعالي بقولك شي

طيب اخواني وينهم؟؟

طيب مو اخواني رغد بنت اختي الصغيره وينها هي اللي تفهمني

كانت تخاف من زوجي تستغربه

اي احد ياناس

المهم محد رد علي

خلاص السياره برى والعريس بالسياره

ورحت معاه خلاص راح عمري

راحت احلامي

,,,,,,,,,,,,,,,,,,

الحمدلله على كل حال



منه المال ومني العيال<<احلفي بس

ياليت تتابعوني


يتبع