هموم صغيره لكنها كثيره

السلام عليكم
بنات والله اني من ولدت وانا ضايق صدري حتى بنتي ما اعطيها ويه لان ضايق صدري..ادري اني لما اقول لكم همومي يمكن ما تلقون لي الحل لكني محتاجه افضفض ومالي غيركم يا خواتي....
زوجي دايما مشغول ولاهي عني ومن ولدت زادت اشغاله قام يداوم صبح وعصر و بوقت راحته يروح النادي وبالليل بالدوانيه يعني يطلع من 7 الصبح ما يرجع الا بالليل الساعه11 تافل العافيه ويبي ينام على طول...
ماله خلقي ولا له خلق البيت اذا ابي شي منه اكلمه بالتلفون(والله ما اجذب عليكم) كل هذا وانا اقول ميخالف واصبر بس المشكله اني انا بعد ما قمت اطلع من البيت لاني ارضع بنتي طبيعي وصارت طلعتي من البيت وايد ثقيله والله ان اسناني تعورني وماني قادره ولا عندي وقت اروح الطبيب...اغراض الجمعيه اترجاه يجيبهم لنا كاني اطر منه ماله خلق يروح الجمعيه وانا ما اقدر اطلع من البيت بنتي الكبيره ما قام يوصلها المدرسه لانه دايما يقعد الصبح متاخر وما عنده وقت يوصله قبل ما يروح الدوام ويخليها عندي في البيت اتحمل مسؤليتها زياده على المسؤوليات الي عندي
طبعا العلاقه الزوجيه بينا فاتره الى اخر الحدود ولا كاني غبت عنه اربعين يوم بالنفاس استقبلني بفتور وخلى دمعتي على خدي
ولكن احيانا الواحد ينفجر ولا يقدر يتحمل اكثر ..فانفعلت امس وقعدته من نومه علشان اناقشه بالوضع فعصب وصارخ علي وقال لي لذا مو عاجبج روحي بيت اهلج!!!
انا ادري ان هالكلام مو من قلبه لكن انا ما عدت اتحمل اسمع مثل هالكلام نفسيتي تعبانه حيل حيل
وما ادري شسوي:44: