الله يفرج همك حبيبتي ادعي ربك واستغفري

ومأجورة

ويرزقك الزوج الي يحطك بعيونه وقلبه

وكل البنات

عليكن بالدعاء والله يرزقنا بازواج يعوضونا حنانهم

كلمة هزتني من الأعماااااق ..



يالغالية.. مهما كان ابوج قاسي عليج.. فكلامك أقسى بكثييييير...

معقولة تتمنين الموت ل.. لأبوج..؟؟!!!! صدقيني بيي اليوم اللي بتندمين ندم عظيم على كل كلمه قلتيها..

أخيتي الحبيبة... كل بيت له مشاكله.. و اكثر العلاقات الاسرية فيها حساسيات و صعاب.. بس من الأكيد هناك علاقات مهما كانت صعبة بيظل صعب جدا فقدها..

اعـــــــــــذري ابوج.. يمكن شايل هموم كبيرة و خايف عليكم.. يمكن ما يبي يكدركم بمشاكله بس شخصيته صعبة.. يالغالية.. الطباع تغلب الانسان.. هو شو ذنبه.. اذا طبايعه صعبة..؟؟؟
لــو كان اي انسان ثاني اكرهيه على راحتج.. بس ابوج لا و الف لاااااااااا..

ادعيله فديتج.. وتقربي من ربج .. و صدقيني في النهاية بتعرفين انه محد غالي فحياتج كثر ابوج.. و اتمنى ما يكون هالشي بعد فوات الاوان... لأن صعب الندم,, وااااااايد صعب..

و السمووووحة منج الغالية.. >>> سامحيني لان كلامي متلخبط,, بس صدق والله العظيم.. صدمني كلامج بقوة..


والله من وراء القصد..

ادعي له بالهدايه ... انا عمري 25 مثلك ..ابوي ما يكرهني لكن ما يعرف يتعامل معاي .. وصحيح ما يصيبني منه أذى جسدي لكن جاني أذى نفسي كثييييييير .. وجرحني كثييييير ... لدرجه مره خطبني واحد وخلال النقاش قال انا احس بنار في عيوني لما أشوفج لانه شايل همي اني للحين ما تزوجت كأني أنا اللي رافضه ..

وأنا مافي أحد ممكن يساعدني إلا ربي وثقتي بربي كبيرة .. وكل يوم أدعي في صلاتي وفي قيام الليل ان ربي يحنن قلب أبوي علي..

والحمدلله نفسيتي في تحسن.. وفي تحسنت معاملتة لي .. ولازلت أدعي لين ما أحصل المعاملة اللي أبغيها منه ولين ما ألقى الحنان اللي أتمناه والعطف اللي أشوفه منه على باقي أخواتي.. ومثل ماقالت فرفوشه بديت أتغير من الداخل عشان ما يصير عندي تراكمات نفسيه ولا أتعس نفسي

:)