همي مامر على احد

السلام عليكم
بختصر الموضوع كثر الإمكان بس أقسم بالله أحس أن قلبي خلاص بينفطر
انا زوجي أهمل فينا فوق الوصف رمانا على أمه وأخوه يصرفون علينا وهو قلبه قوي علينا يدخل مغامرات مايدخلها عاقل وهو أبو عيال ورواه مسؤولية
أقصد مغامرات في رزقه عادي يترك وظيفته ويمشي ورا ربعه يفتحون شركه ويوقع على نفسه شيكات وكمبيالات وكل هذا ربعه لاعبين عليه انت المدير حاطينك المدير
فالآخر تكدست عليه الكمبيالات والديون قال بسافر دولة ثانيه لأن هنا صار عليه وقف خدمات. المهم سافر دولة خليجيه وله سنه ونص ولا مرة توفق
المصيبة انا اجنبيه وعندي 3 اطفال ولدين وبنت . الكارثة أن البنت ماعندها شهادة ميلاد ولا مضافه في بطاقه الأحوال تخيلو أمه اللي كانت تصرف علينا توفت شفت بعد موتها أيام اسود من ظلام الليل حاولت أسجل في الضمان في الجمعيات الخيرية ولاحد عبرني والوظائف اول مايعرفون اني زوجه مواطن يسحبون علي. انا تعبت من المرمطه والبهدله والوحدة خلاص بفقد عقلي الأشهر الأخيرة زوجي وقفوه بقضيه وطلع بكفالة وللحين مانتهت القضية
عايشين في هم وسجن وخنقه استغفر الله العظيم
ابي أسافر ابي ارجع ديرتي المصيبة في البنت اللي ماعندها أوراق ثبوتيه غير تبليغ ولادة ودفتر تطعيم
زوجي سوا توكيل لإخوه رجع أخوه يقلنا رحت ورفضوا قالو لازم الأب نفسه ورحت الإمارة من كم شهر حولوني للمحكمة وحصلت لي مشاكل ولا اقدر اروح المحكمه مامعي أجرة ليموزين ولا اقدر اجرجر عيالي وراي
وش الحل تكفون شلون اقدر أغادر بعيالي