هالأيام الولد هو اللي صار هم لما يدرس و يدور علي وظيفة مو لاقي او لما يجي يتزوج الأولد همهم اكبر برأيي
عموما اكره الشخص اللي ما يحب البنات و لو يعدمونه افضل بعد

الله يخليلي امي شايله همنا وانا في بيوت أزواجنا وأخواتي كبار وبناتهم وعيالهم كبار مع كذا بس تفكر فينا وشايله همنا وانا بعد جربت اني اشيل هم بنت الي هي اخت زوجي مابعد تزوجت وأمها الله يرحمها متوفيه وهي صغيره وموصيتني عليها ومره اهتم لها كلت شربت جت من الجامعه معها فلوس زعلانه معصبه افرح اذا شفتها مستانسه وتضحك واتضايق اذا ضايق صدرها حتى اذا رحت لبيت اهلي أدق عليها اشوف تعشت ولا لا لو انها بنتي مااهتميت فيها كذا الله يستر عليها ويوفقها وتتزوج ويرزقني الذريه الصالحه المقوله صحيحه بس في شيل هم البنت مو في كرهها بالعكس البنت تصيرين مرتبطه فيها اكثر ومعك في البيت عكس الولد غير ان المفروض الام تعامل البنت معاملة الصديقه لصديقتها وماتخلي بينها وبين بنتها حواجز مع فرض الاحترام ان ام ام والبنت بنت بس تعطيها جانب الثقه وجانب الحنان وتتقرب منها انا كذا اعامل اخت زوجي بينا احترام بس معطيتها الثقه لدرجة اي شي يصير لها تعلمني عنه وماتخبي عني شي وانا أحاول اسمع لها اكثر من مااتكلم لو الموضوع يستأهل تدخلي تدخلت وتكلمت لو هو بس فضفضة أسمعها وأسكت لانها تدري اني بوقف معها مو ضدها ضدها بس في الخطاء وأحاول أوجهها وانبها بشي من النقاش مو صراخ وعصبيه اذا الشي زايد عن حده لاني مالي دخل في تربيتها.بس أحاول أصير الصدر الحنون الي تحتاجه والموجه الي يوجهها صح وقت ماتحتاج توجيه صحيح والحين هي تجي تقولي كل شي وتقولي اشياء ماتقدر تقولها لاختها لان أختها عصبيه وكل شي عندها ضرب وتهزيء مع شده على غير سنع وصايره أختها الصغيره تخاف وسوت لها حاجز كبير بينها وبين أختها بسب معاملتها لها ولاحظت شي انه هالشده ماتزيدها الا عناد لان القسوه تولد العناد والحنان والتقرب منها مايزيدها الا ثقه في نفسها  

هم البنى للممات معنه ان البنت تشارك امه في كل شي ولا تغبي عليها شي علشان كذا تكون الام تشيل همه لكن الولد ما تدري عنه ولايعلمها بلي يصير له

بالعكس اللين احسن شي

الواحد يصير وسيط افضل شي

وفعلا البنت هم هم على اهلها الين تتزوج

اكيد هذا من حبهم لها يبون يضمنون مستقبلها مع الرجال اللي يستأهلها

على قواتهم لا تششششد الحبل ولا تررررخيه