هم العالم كله على راسي من بنتي وسواياها بالامتحانات

بي هم العالم كله بنتي أكبر عيالي الله يهديها وعيال المسلمين جميع ذبحتني ماأدري الوقت اللي تقضيه بالدراسه وقت الاختبارات وش تسوي
اليوم تقريبا وصلنا للنص ومواد الأسبوع الأول ثنتين رسبت على الورق الله ييسرها بالمعدل وتعديها
باقي هم مواد الأسبوع الثاني وكلها دسمه يارب فرجك
والله اللي يشوفني يقول حملها مايقل عن الشهر الرابع كله من القولون بطني منفوووووخ من همها
احس مافيه حماس ولا اهتمام ماتقوم تبادر من نفسها بالمذاكره وتسع المسا تقفل الكتاب لو ماله إلا ساعه من يوم تفتحه أهم ما عليها راحتها وعاااادي تروح تختبر وهي ما خلصت المنهج
ويوم تجي أقول وش سوفيتي مات رد غير الحمدللللللللله والله كل اللي ذاكرته بس هو اللي جانا ولا طلعت النتائج من جنبها