السلام عليكم ورحمة الله وبركاته
راح اعرف عن نفسي بالبداية :متخرجه من الجامعه صارلي سنه ونص وعمري 24 ومو متزوجه
انا بصراحه مو عارفه من وين ابدا...بس راح اقول كل اللي في بالي ,,لاني والله محتاجتكم ومحتاجه ارتاح
انا والله صارلي اسبوعين ماني عارفه كيف انام صايبني الارق بسبب التفكير الدائم
انا سالفتي هي:
اني انقبلت بالابتعاث للمرحلة السادسه ولله الحمد
واحس ذا الشئ حلم لكل انسان يبي يحقق طموحه ...وانا والله عندي طموح اني اخذ الماستر واواصل الدكتوراه اذا ربي كتبلي ان شاءالله....بس المشكله ان امي خوفتني بخوفها علي
من يوم طلع اسمي وهي قلقانه حتى لو ماتكلمت يبان عليها ,قبل يومين اقولها ببدا اجهز اغراضي والا القى وجهها اعتفس ,,,,امي تبيني اتزوج واطلع مع زوجي بس المشكله كل مايصير موضوع خطبه او احد ينوي يخطبني تتفركش السالفه والله اني تعقدت مع اني الحمدلله مو ناقصني شي بس مدري وش يصير لدرجه ان امي شكت اني محسوده ومااقتنعت بكلامها
طيب انا مو رافضه سالفة الزواج يعني مو بيدي ذالشي فهل من المعقول احط يدي على خدي واقعد استنى الخطيب ؟؟؟
من يوم تخرجت وانا ادور على وظيفه رحت معهد ودرست فيه 7 شهور وبعدها قدمت ماستر هنا وماانقبلت لان ماعندي (فيتامين واو)...طيب ايش اسوي !!
العام كنت بقدم ع الابتعاث وتراجعت بسبب كلام الناس اذا البنت خرجت برا البلد بدون زوجها مع ان صحباتي خرجو مع اخوانهم بس انا هبله اخاف من كلام الناس وقلت يابنت استني سنه يمكن تتزوجي وتروحي مع زوجك
وتقدمو لي 3 وتفركشو كلهم من دون سبب
والحين المفروض اني افرح زي الناس لاني بديت احقق حلمي ...بس والله اني راحمه امي من الهم اللي هي شايلته ...تقولي يابنتي اذا رجعتي بيكون عمرك 28 سنه ومابتسلمين من كلام الناس انها خرجت مع اخوها بلاد الكفر وكل شي مباح عندهم والغربه كربه ومن ذالكلام اللي تعرفونه...حاولت افهمها ان الغربه انك تعيشي ببلدك بدون علم ودراسه مو الغربه انك تروحي 3 سنين وتجيبي شهاده كبيره
بس مو مقتنعه وحتى لو ماتكلمت الهم باين عليها....آآآه ياااااربي ارحمني
بالله عليكم قولولي كيف افهمها ؟؟كيف اريحها؟؟؟
طيب وش رايكم ابطل من البعثه مع اني لو انسحبت منها الحين راح احرم منها طول عمري ولا يحق لي الالتحاق بها نهائي!!!
وبيني وبينكم والله خايفه اني اذا طلعت ماعاد احد يتزوجني ...لان اكيد نظرة الشباب للبنت المبتعثه غير
والله خايفه اصير عانس واندم بسبب البعثه
تـــــــــــكــــــــــــــــــفــــــــــــــــــــــــــــــــــــــــــــــــــــــــــون ريحوني
محتاره بموضوعي @mhtarh_bmodoaay
عضوة جديدة
يلزم عليك تسجيل الدخول أولًا لكتابة تعليق.
الحلا 25
•
استخيري الله وروحي كملي دراستك ,,,,,,,,,,,والله زميلتي انخطبت قبل ما تبدا بعثتها وسافرت و بدات تدرس بعدين رجعت ملكت و بعدها رجعت وسوت زواجها و الحين زوجها معاها .
شوفي يااختي والله انا حاسه فيك بس اقولك شي( من ترك شي لله عوضه الله خير منه) وانتي اتركيه لله حتى تكسبي رضى امك ...تخيلي انك رحتي وامك تعبت نفسيتها وتمرض لاسمح الله هل بتنفعك البعثه !!! وبعدين انتي عارفه مجتمعنا ونظرته للبنت اللي تسافر للدراسه بدون زوج!!!
والحل انك تكملي دراستك هنا وعند اهلك ولا تقولين واسطه اعرف كثير قدموا وانقبلوا ويدرسون الان دكتوراه
اتمنى ساعدتك بالتفكير والله يوفقك لكل ماهو خير ويرزقك بابن الحلال اللي ياخذك وتكملين دراستك يارب
والحل انك تكملي دراستك هنا وعند اهلك ولا تقولين واسطه اعرف كثير قدموا وانقبلوا ويدرسون الان دكتوراه
اتمنى ساعدتك بالتفكير والله يوفقك لكل ماهو خير ويرزقك بابن الحلال اللي ياخذك وتكملين دراستك يارب
يا اختي ما عندي كلام الا الاستخاااااااااااااااره وربي يسيرك استخيري كم مرهيا اختي ما عندي كلام الا الاستخاااااااااااااااره وربي يسيرك استخيري كم مره
الصفحة الأخيرة
استخيري كم مره