هم قلبي ودي أفضفضه

السلام عليكم ورحمة الله أعذروني اخواتي إذا بطول عليكم بس ودي أفضض وارشدوني متزوجة وعندي بنوته وحامل الآن في شهوري الاخيرة الحمد لله حياتي الزوجية مستقرة والفضل لله مشكلتي بأختي وأخوي ووالدي متوفى ووالدتي تعيش ، بيئتنا اللي عشت فيها فيها تعجرف غريب من لما صغيرة عذاب وتعب وعدم انصاف وحقنا مهضوم كله مالنا حق نعبر عن اللي بداخلنا أخواني يتحكموا فينا بشكل رهيب صار ينزل عندي الضغط من كثر الكتمان والتعب تزوجت اختي الكبيرة من الثانوية وكانت تدرس بعد - على فكرة انا موصغيرة عمري 34 ربيت عيال اختي وقمت على رعايتها بكل ولادتها ما اقصر بخدمتها ابدا صرت من كثر الارهاق والتعب افقد حتى ذاكرتي وانسى اسمي ، كنت مثل الخدامة ببيتنا إلى ان من الله علي بعد الثانوية جبت نسبة كويسة ودخلت الجامعة وبعد الجامعة جلست ابحث عن وظيفة لمدة ثلاث سنوات شفت فيها التعب بعيني من بيتنا ، والدي كان مريض طريح الفراش اخواني المتحكم الاول والاخير عادي يضربوا بكل اريحية ملي حق ارد عليهم ولو رديت ارجع اعتذر لهم لانهم اولياء امري حسب قواعد البيئة اذكر دعيت ربي ، نحن كنا نعيش فقر وحتى لو معهم كانوا مايعطوني اي شي من راتب ابوي التقاعد صبرت صرت أشك اشياء مثل الاساور احيانا احصل واحيانا لا بسعر زهيد عشان اخذ بالمبلغ رصيد اتصل بوزارة التوظيف ولله الحمد بعد معاناة حصلت الوظيفة في العاصمة ورحت واشتغلت وصرت اصرف على بيتنا ومابخلت على اخواني ولا اخواتي بشي والحمد تعدل حال بيتنا ومازلت ما احصل اي احترام لانهم يشوفوا ان الحرمة كلامها بالاخير ، عندهم الحرة تنفذ واجباري عليها تعطي اخوانها مضت الايام وربي وفق اختي الصغرى بوظيفة ولله الحمد وصرنا نتعاون بالبيت بعدها توفى والدي الله يرحمه مرت الايام وكبرت وصل عمري 31 سنة صارت اختي تعيرني بالعنوسة صرت اسكت ولا ارد عليها كنت انخطب بس ما يصير نصيب ، جاني واحد متزوج وخطبني اربع مرات المرة الاخيرة ترددت فيها وعلى الضغط النفسي وافقت لكن كنت ادعي ان ربي يهون على زوجته بعدها ما قدرت اتحمل وبطلب وصارت سالفة ومرت الايام وتجاهلت كل التعب صرت املأ وقت فراغي بالحفظ والقراءة والتدارس والدروس العلمية وارتاحت نفسي واحد من اخواني لما يشوفني ماسكة مصحف يصير يسخر ويتهزأ ولما ارفع يدي بالدعاء بوقت الفطر صار يسخر ، حقيقة اشفق عليه وادعيله بالهداية تزوجت اختي الصغرى وبأول ايام زواجها اختي كانت تبي تتحكم فيها والسبب ان زوج اختي طلب من اختي ان ياخذ اختي لبلدته باليوم الثاني لان هناك بتكون العزومة الكبيرة وهي رفضت قالت له كيف تاخذ اختنا بعد الزفاف مباشرة وكانت تسعى لطلاقها من يوم زفاف للعلم اختي عانت نفس معاناتي لاننا نحن اصغر شي في الاسرة (العائلة مختلة شوي) وقفت عند اختي وقلت لها مايجوز تتطلقي منه وتسمعي كلامها لان اختي كانت تصر على اختي تاكل حبوب منع الحمل لان ناوية على طلاقها وقامت لاحد اخواني وتبلت على الرجال انخطبت انا بعدها كنت ادعي ربي ان يغنني بحلاله عن حرامه يرزقني من فضله انا صار لي مركز في العمل والفضل لله ما انكر ان امي كانت سندي بالدعاء واني ابرها ولو على رقبتي ، الا بر الوالدين لكن كنت اصمت كثير مع اهلي ولا ادخل بنقاش قوي على طول انسحب او اسمع وانا ساكته ولو انسبيت واجب علي اسكت ولا انطق بحرف بعد الخطبة تم الزواج وزوجي يحترمني يقدرني يقول لي احمد ربي عليك كل وقت جبت بنوته نسيت الماضي بكل ما فيه وافكر فقط احمد ربي على العوض في زوجي لقيت كل القوانين البالية ببيتنا وبيتهم غير فيه كل الود بين الاخوات والاخوة قلت بفتح صفحة جديدة بحياتي صارت حياتي شي خاص بيني وبين زوجي ما ادخل اختي الكبيرة فيه صارت تتكلم علي ان ماصدقت ان تزوجت وان خلاص كنت مشتهية الزوج وكلام ما ينقال صرت اسكت طبعا هالكلام من وراي ما تتجرأ علي على فكرة انا شخصيتي تغيرت جذريا صرت اقوى من قبل بكثير وعلى فكره اختي ما قصرت عليها بشي حتى بعد زواجي وزوجي ما يدري ان اعطيها مصروف حتى لو ما معي ادبر لها واي شي تحتاجه انا اضطر ان اتسلف اقول يمكن خيري يبين فيها شي ولعل تذكر لي هالشي بيوم وقبل كل شي عسى ربي يقبله مني.من خمس شهور صارت مشكلة كبيرة كانت معي بنتها وسبحان الله كل شجرة اوراقها منها أختي صارت تسألها اذا زوجي معي او لا يعني جالس معي اولا وبنتها تخبرها وهي تكلم امي عني ان ما اكتم شي على زوجي من اسرار اهلي ولا حياة اخواني وزوجاتهم هي تفكرني فاضية للتفاهات اللي تعيشها بنتها لما رجعت من عندي قالت لها خالتي صارت تهيني وانا ما صرت اكل معهم وعذبوني وانها تتكلم عليك وتقول عنك ان زوجها اعز منك وباقي الكلام ما ادري عنه راحت اختي وبلغت امي صارت امي تلعن فيني وتسبني وانا والله مو فاهمة اي شي تقول لا تجيني ولا تزورني ولا شي بالعادة اروح للاهل كل اسبوعين او كل اسبوع وانام دايم ببيت امي وزوجي يروح لبيته ، لما ادخل على امي ماتكلمني اسألها وش فيك تقول قبل اطلعي لبيت اختك واعتذري منها طيب وشو سويت اختك اكبر منك ولازم انتي تروحي لها رفضت قلت لها امي انتي فاهمة البر غير لا تجبريني على شي انا ما اقدر له اختي من بداية حياتي وهي تبي تتدخل في حياتي الزوجية وتدمرها والحين جايه تتبلى علي وصار الزعل هي بيتها قريب من بيت امي وصارت ماتجي لامي اذا انا موجودة تروح لاخواني تشحنهم علي وانا مادري إلى ان جاء وقت العيد (عيد الفطر ) قالوا ليش ماجات انا اقول لهم مدري ما ادري ان هي قايله علي كلام المهم بعد ما جلست مع امي وقلت لها قصرت فيك بشي؟ رفعت صوتي عليك ؟ ليش كذا تعامليني ترا ما يجوز حامل وجنيني بيتعب من مشاكلكم ومن التعب اللي تسببيه لي انا اجي لك واترك زوجي من محبتي لك وقلبك ما يحن علي ليش وكيف تسمعي من طرف واحد ولا تهتمي كيف شعور الطرف الثاني الكبير يغلط والصغير ماله قدر عندكم انا مو صغيرة عمري 34، لو متزوجة من الثانوية كان عندي عشرة عيال اذا تحسبوها على كثرة العيال ما قصرت فيها ولا فيكم وساكته وكاتمه همي وغمي ..قاموا اخوانيعملوا صلح عابر وقالوا مانبي كلام تصالحوا وبس طيب انا ودي اعرف وش هو ذنبي اذا بنتها جايبه لها كلام عليها البينه انا كنت اظن ان بنتها بنتي ماتنقل عني كلام وتصدقوها وانتوا ما شفتوا مني شي يشين ماعطونا فرصة ابدا للعلم اختي الصغيرة دخلوها السالفة وما فيها بنتها ترا عمرها 17 سنة تكلم شاب من سنتين واظن تبادله الصور وامها عرفت وبلغت اختي الاصغر وقالت لها لا تقولي لفلانة لانها بتعلم زوجها ولا حول ولا قوة الا بالله يعني حابه تشوهني بأي طريقة اختي لما صارت السالفة بنتها بلغت ابوها ان خالتي الصغيرة تقول ان انا بنزل لك راسك بدون عن تخبره السبب وهي كانت ببتي طبعا الام حبت ان ترمي هالبلاء علي وتقلب السالفة عشان ما يصير نبش في الموضوع وينشغلوا بموضوعي معها بعد الصلح المعفن صارت الكبيرة تتواصل مع اختي الصغيرة وانا ولا شي لا وبعد تعمل لي حظر وتقول لاخواني انا اتواصل معها واختكم مسويه لي حظر وكبر هالشي في راسهم في عيد الاضحى بديت انا اسلم وحتى قبل العيد لما تجي بيت امي اقوم انا اسلم ورغم ان بقلبي زعل قوي عليها لان عرفت كثير كلام متبيله علي لدرجة ان لما كنت حامل ببنتي الاولى راحت لزوجي تدردش معها ان اختي كانت ترغب بواحد متزوج وتبيه وان هي عارضت ما اقول الا حسبي الله ونعم الوكيل زوجي بالبداية صدق لكن لما عرف شخصيتي ومو راعية سوالف لله الحمد لغى التفكير بهالامر واعترف لي خبرتكم ان شحنتهم لين صاروا يقولوا ان انا سبب المشاكل وانا اللي ما اتواصل معها جاء اخوي هذا اللي ما يرد لسانه عن اي كلمة قذره وكانت معي اختي الاصغر قال ليش ماتتواصلي مع اختك قلت بينا سلام قال كنت راسل لكم مسج ليش مارديتي قلت له طلبت مني ارد وما رديت رسالتك عادية هو يبي يتمشكل قال تفو على وجهك وانتي قليلة ادب واحترام ومو متربية قلت له مالك حق تتلفظ علي قال تفو عليك قلت له محد قليل ادب الا انت ولا قليل احترام الا انت وانت اللي مو متربي ولا عندك اسلوب في التعامل ولا تفكرني بسكت طول عمري على تفاهتك قال خلاص اكتفيتي مننا صرتي متزوجة قلت له ما جيتك ادق بابك اطلب تزوجني انا كنت حاملة بنتي بكتفي انيمها وهو يسب قلت له ما احتجت لك اول ولا بحتاج لك باذن الله قال ما بيني وبينك كلام ولا تدخلي بيتي واعتبري نفسك مو اختي قلت له لا ارجوك عاد انا خسرت الجنة لما بتقطع وصلي وقال زوجك كذاب وابوه كذاب طبعا ابو زوجي له مكانة في قبيلته رجع يبي يضربني ومسكته اختي قالت مالك حق تمد يدك عليها ، على فكرة انا لي اسبوع ما كنت نايمة وانهارت اعصابي ورسلت لزوجي تعال خذني لبيتك هو زوجي مسبقا يدري بالسالفة لانهم دخلوه فيها لما جاء كان ملتقي بأمي امي ماتدري بالموضوع اللي صاير هو قالها زوجتي بتصفي الامور وهي مو بقلبها شي على اختها لما دخل لقاني تعبانة وكان يقول لي لازم تتنازلي وتعتذري لاختك حتى اذا مو غلطانة بس عشان امك لانها تعبانه وتبيكم حوليها قلت له انت تدري شو صاير ان اخوي قام يسبني ويتفل بوجهي وانا حقي برقبتك لو ما طلعته منه وباقي يدوس ببطني ويقتل اللي ببطني وصارت عندي حالة تشنج واغماءه على قلة النوم وارهاق الحمل وتعب هالمشلكة امي خافت علي زوجي اتصل بأخوي وفتح سبيكر اسمع اخوي يقول له الكلبة هذي كلبة - الله يعزكم _ قال بجي اضربها زوجي تعامل معه ببرود مادريت ان هالبرود بيثور مارضى اخوي يجي للبيت لما صار كلام كثير انا اختي والعاملة اخذوني لبيت اختي عشان ارتاح وجلست فترة ومازلوا يتكلموا وزوجي كان معصب وقال ما يرضيني في زوجتي انا وين حشمتي ماله حق اخوكم يتطاول عليها ترا والله لغير اطلع حقها انا لما رجعت قلت له يله نروح وانا تعبانة يادوب امشي انا اختي قالت لي ان زوجك قال انت اخوها ولك حق تضربها بعد قلت وش بقى بعد اذا زوجي يسمح له جيت معصبه على زوجي وقلت باخذ اغراضي وبطلع بروح بيت زوجي قالت امي لو طلعتي ماتدخلي يا امي انا بمووووت احس روحي تطلع من التعب ذيك الساعة كان الضغط عندي ينزل لما راحت امي هو يقول لي كيف بتزعل امك قلت له انا تعبانة بس اخذ ابي انام ابي ارتاح ساعات بس وعصبت عليه قلت له يقول عنك كذاب وابوك كذاب تسكت له انا من التعب والضيق اللي احسه لان لما رديت على اخوي مفي احد انصفين ابدا لا وبعد يبوا اعتذر صرت اضربه ع صدره اقوله اي سند بستند عليه اذا انت بهالشاكلة هو شاف شكلي تغيري وعيوني تغيرت وانقطع النفس قام هو يصرخ يقول خلاص ماتت ماتت طلع برا البيت ينادي امي خاف علي توقفت حركة الجنين من صارت المشكلة ياقلبي عليه اسعفوني للمستشفى ولقوا الضغط نازل وكان انهيار ارتحت شوي ورجعت البتي اخذ بعض اغراضي وجاء اخووي الكبيييير علمته بالسالفة وقال لو مارديتي عليه قلت له كل مره اقول لك يتلفظ علي حتى كلمة الزانية يقولها لي ولا واحد منكم يردعه واختي ضربها مرة لين طلع الدم من فمها ولا احد عاقبه ولا شي طبعا زوجي اشتكى عليهم عند اخوي الكبير وقال انتظر حق ابوي وزوجتي وحقي ولا بدخل البيت دام ماخذتوا لي حقي انتظر لين الليل وهم كذا بالعادة ما يهمتوا يفكروا الامور هينه راح وعلم ابوه بالسالفة طبعا ابوه شخصيته قوية جدا جدا ولا احد يقدر له وخبره باللي صار لي ومن التعب اللي سببوه لي جاء لاخوي الكبير وقال له اطالبك بحق ولدي وكيف زوجته تنهان واطالبك بحق الكذب اللي تكلم فيه اخوك المهم كلام كثير تفشل اخوي الكبير وقام نادى على اخوي اللي راعي المشاكل انصدم ماتخيل ان توصل هالمرة هالمواصيل وتدخل فيها قبايل وتدخل فيها خصومات بين الرجال الكبار لان معروف ابو زوجي هو يفك النزاعات بين القبايل او بين افراد القبيلة تفشلوا كلهم وجاني عمي ابو زوجي قال اشهد بك ماشفنا منك الا كل خير وحشمتي ولدنا ابي اسمع منك السالفة واخوك وش قالك ووش قال عننا وخبرته قام اخوي اللي سبني يعتذر من ابو زوجي ويقول انا اقول عنها هي تكذب بعدها ربي اراد يكشفه وطلع كلام غير زوجي وبلغ زوجي ابوه على فكرة لما اخوي الكبير راح لاختي قالت خلاص ما ارضى عليها الا لما تعتذر من اخوي قلت يا بعد سماي عنكم وقثلت اسفه ما اعتذر من اي احد وحقي باخذه قالي عمي لو شفتي غلط من ولدي تعالي وانا بطلع حقك ولو اخوانك سبوك كأنهم سبوا ولدي ومسبتك من مسبة ولدي ولا يرضيني فيك من بعد وفاة والدك لان ابوي كان معروف الان هم متحاملين علي ليش انا خبرت زوجي بالموضوع هذا اللي صار يا رب لطفك ورحمتك بس اعذرووووووني طولت كثير عليكم