السلام عليكم ورحمة الله وبركاته
من اكثر الجمل الي تحسسني انه كل النساء مجرد كائنات فرض عليها الذل في حاجات كتير جملة هم كدا الرجال اذا جات وحدة تبغى نصيحة من وحدة تانية عشان زوجها وتقولها النصيحة وتختمها مشي حالك هم كدا الرجال يعني الرجال مهما بدر منه يكون في الاخير هذا طبعه وطبع الرجال كلهم ومو شي غريب عليه والمفروض الزوجة تسكت وتمشي- في طباع معروفة عند الرجال والمراة تحترمها مثلا انه هو مايحب زوجته تنزل سوق لحالها طيب هذا طبع حلو جدا لكن في طبع مو حلو مثلا انه مايحب يروح عند اهلها واذا جات تدور على حل لازم تلاقي احد يقولها هم كدا الرجال واحنا بالمقابل كل طبع مايعجب الرجال فينا مايقولوا هم كدا الحريم لا يقولوا ناقصات عقل ودين مع انه الرجل داخله طفل وهذا ما اثبتته دراسات وخبرات كثيرة
بجد اكره جملة هم كدا الرجال يعني يسوي الي يبغاه براحته لانه هو كدا
انا ماباتكلم عن نفسي لكن في الحياة الواقعية لازم تصادفني دي الجملة واحزن على الي بتسمعها يعني سلمي امرك لله هو كدا وبالفعل هذا الي بيحصل
حبيت نتناقش مين سبب نشر دي الجملة وترسيخها في بيئتنا بالذات وانتي لمن تسمعيها ايش ردة فعلك وهل انتي مع انه الزوجة تسلم امرها لله وتقتنع انه بجد هم كدا الرجال
ولكم جزيل الشكر
عشق القهوة @aashk_alkho
كبيرة محررات
يلزم عليك تسجيل الدخول أولًا لكتابة تعليق.
بصى حبيبتى ساعات كتير لازم الست تفوت وتكبر علشان تعيش مع زوجها وهى مبسوطه والا هندقق على كل حاجه المشكله لازم تكبر لازم نصبر بعض عادى كلمه مش هتعمل مشكله وبعدين لازم الست تبقى ضعيفه قدام زوجها علشان فعلا هو القوى وهو القوام يعنى حاجات بسيطه وبتعدى
الله يسعدك
الله يسعدك
الصفحة الأخيرة
الاعلام/الوالدين / الاقارب /الاصدقاء