احب اضيف على الكلام اللي ذكرتوه
اذا كان عندك اطفال من خمس سنوات وفوق
دائما احرصي انك تفاجئيهم بحاجه جديده في الطياره
يعني اشتري شنطه,,, باك باج ,,, واشتري لها عروسه صغيره وكم قطعه حلاوة ,,,,بس انتبهي من الشوكليت سريع الذوبان علشان مايحوس ملابسها واستبدليه بالبسكويت او اي شيئ ثاني يحبه الطفل
كتاب تلوين صغير مع علبه الوان خشبيه ,,, ستيكرز وطوابع لشخصيات كرتونيه تحبها,,, فرشاة اسنان وعلبه مويه صغيرة مع عصير.... كيس صغير مناديل معطره
وطبعا الخيار مفتوح امامك بانك تختاري الاشياء اللي يفضلها طفلها و اللي اهم شيئ انها تشغله وتسليه
وطبعا لاتشيلين هم التكلفه بامكانك تمري محلات ابو ريالين وغيرها وتشتري لها اللي تحبه
اما الاطفال الاكبر سن شوي من 7 الى 9 سنوات .... لعبه البزل ,,, وكتاب الكلمات المتقاطعه الخاص بالاطفال ....ومجلات الاطفال والقصص تسليهم وينبسطوا فيه
ولعبه الجيم بوي او البي اس بي .... تخلي الوقت يمر ولا يحسوا بيه
وحلو انك تفاجئي الطفل بشريط جديد للعبه علشان التشويق والاثاره تكون احلى و احلى ,,,بس نصيحه جسي نبض الطفل عن الشريط اللي حاب يشتريه مستقبل ,,,,,,,,,,,,,
ولامانع من المسكنات من بسكويت وتسالي .............
اما الاطفال الاكبر سن 10 سنوات وفوق....بامكانه تشغيل الاب توب الخاص بالعائله اذا كان فيه انترنت على الطائره
او تشغيل DVD ,,,,,,,, وتقدري تحملي لهم من الانترنت العاب فلاش تشغلهم ... كمان الــ ipod اذا حملتي عليه اناشيد او مقاطع صوتيه لاصدقائهم ..تخليهم يسرحوا ويروحوا بعالم ثاني
مثلا .... تعملي تسجيل صوتي لاصدقائهم واهلهم ... يعبرون فيه عن مشاعرهم لسفر الطفل وتمنياتهم له بحياه سعيدة ونصائح حلوة تفيده في غربته من اشخاص يحبهم
وتحمليه على الايبود وتخليها مفاجئه للطفل يسمعها اول مره على متن الطائره
طبعا نقطه مهم للام اللي عندها اطفال ورحلتهم طويله ,,,,,لازم تجلسي مع الاطفال وتعطيهم درس في الاخلاق والاداب على متن الطائره ....
وان الطائرة ماهي زي البيت نلعب فيها ونحوس على كيفنا ونتكلم بصوت عالي ونزعج العالم
واهم نقطه ان الطائره فيها ناس كثير لازم نحافظ على الهدوء علشان مانضايق اللي جالس بجمبنا او قدام كرسينا او خلفنا.... وتخليهم يتنافسوا بين بعضهم في من اللي يخلي مكان جلوسه نظيف ومرتب
واهو نقطه لازم تناقشيها مع الاولاد ,,,,نقطه ,,,,مين راح يجلس بجمب النافذة,,,هالموضوع لازم يكون محسوم من البيت وقبل ركوب الطائر ...وممر الطائره ماهم مكان مناسب للتناقش في هالموضوع,,,,,,, وعن تجربه قولي للاولاد قبل يوم السفر انوا في مكان واحد للجلوس بجمب النافذة ,,, تناقشوا مع بعضكم بهدوء مين راح يجلس في رحلة الذهاب ومين راح يجلس في رحله العودة,,,, وهم بدورهم يحلوها بمعرفتهم ....... وبها الطريقة يكون الموضوع محسوم من قبل ومافي داع لنشر الغسيل والتفاوض قدام العالم
وطبعا لايخفى عليكم مبدء الثواب والعقاب ,,,اللي مايسمع الكلام او يتشاغب يعاقب عقاب حالي او مؤاجل
وانا افضل مبدء الحرمان و تجاهل الطفل طوال الرحله ,<<<<< يمكن يحس بتانيب الضمير شوية
وللامهات عموما ,,,,حاولي تتحلي بالصبر وتمسكي اعصابك في تعاملك مع اي موقف من اطفالك
ورحله موفقه يارب للجميع
بس من جد الموضوع محير ......حتى اشوف الحريم اللي معهم اطفال يتبهذلون ارحمهم بصراحه قلق اصلا جلسة الطياره تملل وكيف ومعك بزر؟؟؟؟؟؟
آآآآآآآآآآآآآآآآآآآآآآآآخ الله يكون بالعون بس