كل اللوحات تقول عني إني مغرورة . .
أنا مو مغرورة ولا شي ، بس هي هنايا لما رسمتني
بأقلام الباستيل سمتني ملكة جمال اللوحات . . !!
********************************************************************************
يعني ألحين اللوحة الأولى هي ملكة جمال اللوحات . .
شنو هالغرور . . ، ما أعتقد هذا الكلام يرضيكم
أكيد وبدون شك الجمال كله عندي . . وبس . . !!
*******************************************************************************
تدرون يا بنات شنو أحلى شي فينا . . ، مو بس
إن إحنا توأم في الشكل والعمر . . ، أحلى شي
إن إحنا توأم بالروح والأطباع وحب الأشياء
نحس في بعض بكل شي . .
والأشياء إللي نحبها مشتركة بيننا . .
جايفين أثنينا نحب اليوغا . . نحس إنها تجدد فينا
الأفكار وحب الحياة وتخلينا نتأمل في هالكون
العظيم . . .
********************************************************************************
عيوني أحلى عيون . .
وأكيد لولا عيوني . . ما للكون لون . . .
********************************************************************************
تدرون شنو إللي مزعلني ومكدر خاطري . .
إن هنايا سوت لي عجايف في شعري . . ،
صج إنها حلوة ، بس أحس إني كبرت عليها
أنا ماني صغيرة علشان تسوي لي عجايف
ودي بتسريحة حلوة . .
الله يسامحج يا هنايا ، ألحين شنو بيقولون
علي البنات . . ؟!
********************************************************************************
مثل الحمامة البيضه . . ، موبس شكلي ولون ملابسي
حتى روحي حلوة . . ، أحب الخير والسلام . .
********************************************************************************
كل الأطفال إللي مثلي مستانسين وقاعدين
يلعبون ما عدا أنا ، حابستني هنايا في هاللوحة
تقول علشان بنات عالم حواء يجوفوني . . !!
تقفون يا بنات فكوني من هنايا قولولها تخليني
أروح ألعب . . !!
********************************************************************************
لا يغركم يا بنات إللي على راسي عبالكم ذهب ،
ترى كله فالصو . . !!
هنايا ما يطلع منها ولا ذهب ولا شي . . ؟!
عموما البنت تصير ذهيبة بروحها الحلوة
وبأخلاقها العالية . .
وأنا الحمدلله جمال ودلال . .
********************************************************************************
يتبع ...............
كل عمري ألف في هالورد . . أدور إللي يحبه ويسأل عنه
بس للأسف ما عاد في أحد يهتم للورد . .
قلوب الناس صارت من الحجر . . !!
********************************************************************************
هنايا لبستني لون أصفر . . ، مثل لون الشمس ، والشمس
تعطي الأمل . . التفاؤل . .
شلون أبتسم وأتفاءل ونظرتي حزينة . . ؟!
********************************************************************************
على خدي أحط إيدي . . وأحاسب روحي بروحي
واقول بيدي جرحت إيدي . . وزدت جروحي بنوحي . . !!