السلاام عليكم دكتورة .. جزاك الله خير عالمجهود اللي تقدميه لنا ..
انا اعاني من اكزيما في يديني ونتج عنها اثار لها واثار حبوب واستخدمت مرهم ايديل من دكتور جلدية بعد ماشخصها بانها اكزيما وراثية والحمدلله خفت الاثار كثير وراحت الاكزيما ولكن بسبب الجفاف وعدم اهتمامي بالترطيب رجعت مررة ثانية ومع الاثار في وجهي واي مكان يعني لو طلعت حبة مايروح اثرها تجللس فترة طووييلة ورحت عند دكتور جلدية ثاني واعطاني مرهم advantan
بمجرد ماتركته بدات ترجع الاكزيما
ايش النصايح والكلام اللي ممكن اتبعها عشان الاكزيما واثار الحبوب اللي تطلع بسببها ؟

وبالتووفيق

الله يجزاك خير دكتوره
انا حابة اسالك كم سوال تحمليني
اول شي كيف اعرف نوع بشرتي بالضبط ؟ لاني قاعده استعمل غسولات ومو عارفه وش الزين وش الشين
ثاني شي انا قبل كم سنة استخدمت كريم للتبيض اسمه كريم اغادير كنت استخدمه ع كامل الوجه حتى تحت العينين كانت النتيجه بالاول حلوه جدا بس بعد ماعرفت ان الكريم كله كورتيزون وناس تقول فيه زئبق وقفته من بعدها بشرتي خربت وطلعلي زي الاوردة الصغيرة في وجهي ومنتشرة باكثر من مكان وتحت عيوني بشكل واضح يعني ماعاد وجهي صافي زي اول احس بشرتي جدا رقيقه ودي توصفيلي كريم يصفي بشرتي اهم شي انا مايهمني التبيض
السوال الثالث
انا عندي المنطقه الحساسه اذا جيت احط عليها اي كريم او زيت ع طول تصير المنطقه رطبه عندي ويصير عندي افرازات وساعات يكون في موياا
فمني عارفه وش اسوي حتى لو فكرت اشتري كريم تبيض هالمشكله مرره متعبتني وش تنصحيني فيه ابي شي يبيض المنطقه ولا يسبب لي هالافرازات والمويا
اخر سوال
انا شعري مرره خفيف من قدام وعندي تساقط بشكل مو طبيعي لدرجه اني بس امسك او افرك فروة شعري يطلع الشعر بيدي انا حاليا اسوي رجيم وادري ان قل الغداء يطيح الشعر بس انا عندي التساقط من قبل لااسوي رجيم وزاد بعد الرجيم
هل في حبوب او فيتمينات اقدر اخذها تقوي الشعر مع الرجيم من غير ملتزيد الوزن او تاثر عليه او تفتح شهيتي ؟
والله يجزاك الف خييير ويوفقك يارب

جزاك الله خيرا على ما تقدمينه
أبغى علاج لاسمرار الشفتين
السؤال الثاني
عندي اختلاف في لون ذراعي
الجزء الخارجي أغمق من الجزء الداخلي للذراع
أبغى طريقة لتوحيد اللون
مع العلم إني ما أتعرض للشمس مباشرة

دكتوره انا استخدمت لركبي خلطات طبيعيه وفتحت وبعدين استخدمت كريم افالون وكريم افكوين وكريم الرتن آي لمدة اسبوعين ولكن اثناء المعالجه سمرررررررررت جدآ ‏
ماهو السبب وابغى شئ يفتحها خلال فتره بسيطه جدآ ‏
جزاك الله خير

السلام عليكم ورحمة الله وبركاته ... صح جيت آخر يوم لاكن اتمنى تردي علي اذا ما بآخذ من وقتك كتب الله لك الاجر ... ومشاكل الجلديه عندي كثير الحمد لله على كل حال لاكن اكثر شئ هو اني ما ناسبني اي مكياج للعيون والوجه هل عندك ماركه مكياج طبيه ماتحسس للبشره ..
السؤال الثاني هو ان فيه شئ طلع فجئه في فخذ رجلي الايسر وهو عباره عن نقط سودا وبنيه مساحاتها كبيره ومنتشره ما ادري اش اسمها كلف نمش ماعرفت ... المهم ابي حل ..عمري الحين 21 سنه . وهذي النقط لها تقريبا 8سنوات ..وانا بنت مو متزوجه