السلام عليكم أختي الفاضلة أسوار كيف حالك شوفي أنا طبقت برنامجك للسحر اول يوم أثناء الرقيه والتفليس حضر العارض وقال انه سحر مشروب ومجدد وانه من وحده قريبه مره وهي حساده لي وانه بيحب الأرحام وخرج مني من فمي شوي رغوه ولعاب اخضر اللون وأنا كان معي إسهال لأني شربت بنفس اليوم سنامكي لأني انتهيت من تطبيق الطب النبوي ودخلت بعده مباشره برنامجك وسبحان الله خرج معي إسهال لونه اسود وبولي اصفر مره أكرمك الله اليوم الثاني لم التأثر فقط تنميل الاقدام.



اليوم الثالث حضر العارض وقال خلص بطل السحر ومافيه عقد وأنا راح اخرج بس اصبر شوي واخرج ورجلي اليسار تهتز بقوه ثم توقفت عن الاهتزاز وأصبحت يدي اليسرى تهتز وكل شوي يقول يا الله شوي واخرج ثم بدأت يدي اليمنى تهتز وتكلم عارض آخر وقال ياالله نخرج مع بعض خلاص حتى أنا تعبت وعندما وصل الشيخ لايه يخرجون من الأجداث كأنهم جراد منتشر بدأت يديني تهتز بقوه وجلست من قوه الاهتزاز وهو يقول هيانخرج جراد منتشر ثم فجاه توقف الاهتزاز وسكنت شويه ثم بدأت يدي اليسار تهتز مره أخرى وحضر عارض آخر وقال خلاص باقي أنا واحد راحوا وخلوني أنا تقطعت تقطيع سوف اخرج وبدأت يدي مره تهتز ثم فجاه وقف الاهتزاز وأنا أصبحت لمده يومين أعاني من ثقل شديد بيدي اليمنى ورجلي اليسار طبعا أنا وزوجي صابتنا خريعه من اللي شفنا وبنفس اليوم رحت حجمت حجامه الرقيه لانها بعد الطب النبوي وطلع مني بلاوي خصوصا الظهر ولما جت تحجم ووصلت للرجلين صابتني ضيقه ويدي طلع كدمه بنفسجية مكان الحجامة


والايام الباقية أصبحت أتنهد من صدري عند الرقيه وعند الوصول لآيات الخروج أحس بنبض وثقل بالقدمين وتنميل. مدري هل هو خرج ولا لا طمنيني عن وضعي الله يطمنك ويفرحك يارب لان هللثقل والتنميل محيرني

للعلم أنا لي ٤سنوات أعالج بمنتدى الخليفة وحالته كانت سحر ماكول للتفريق وكنت كل ما أجيب طفل يولد مريض ويتوفى بعد الولاده ومس عاشق وعين وحملت قبل ٣ سنوات وربي تمم لي ومن بعد ولادتها وأنا بالنفاس تعبت نفسيا. بالمره ومنها وأنا ماادري وش علتي لحد ماطبقت برنامجك وعرفت السر بس وش أسوي باللي سحرتني كيف اعرفها واتجنبها لاني انا مااروح لاحد الا اهلي واهل زوجي وانا مسالمه مره ودائم ضني حسن بالناس لأكن باحلامي دائم اشوف أختي أنها هي المتسببه وبفترة علاجي حلمت بإخوانه زوجي يقرأ عليه زوجي إيه السحر وهو يتعب وزوجي عرف بالحلم أن مرته هي اللي سحرته وزوجي شاف بفتره العلاج انه يطرد ٣ أو ٤ ذيابه وأنا شفت جنين ميت وشفت كمان قطع بيضاء كثيره لها رائحته كريهه تخرج من رحمي بمكان عام تقل حوش مدرسه واطلع برا قلت شوي وأجي اشيله بكيس يوم رجعت لقيت مره عمي تقول هذا التسقيط لك قلت لا لأني مستحيه من رائحته قالت إلا لك وشلته وحلمت أني بعد اتبرز براز كثير بغرفتي النوم وزوجي يقول لا تتبرزي هنا روحي برا آسفه على الاطاله بس حبيت انك تكونين ملمه بحالتي كلها وش الخطه القادمة اللي تنصحيني بها

جزاك الله خير اختي بسالك خالتي فجاه تعبت ومعها انتفاخ ف البطن شديد والمستشفيات يقولون سليمه مافيك شي واستمرت على الرقيه ولا تاثرت حالتها غريبه لها اكثر من سنه تعاني هل ممكن تكون مسحوره !!؟؟

رائع موضوعك استفدت منه كثير ،،

اسئلتي

انا اول ماحط الخطه الرباعيه الاحظ تبدا الغازات هل هذا شي ايجابي او سلبي،؟

حاليا انام علي رقيه الانفال السحر المس الاخراج العضويه لي 10 ايام غاسله من الدوره بس الاحظ صدري متورم هل لهااا علاقه ،؟

النبض باستمرار خاصه اذا سمعت دعاء السحر للخليفه ،، رغم اني مخلصه برنامج البقرة المكثف والملين وبشرني المعالج بخروج كلي ،، بس مع الدعاء النبض مستمر ؟ ارجع اخذ ملعقه زيت حبه البركه ع الريق ؟

جنه
اختي...نبض وبس؟ طنشيه..يحسوا به الي تشافوا
وبعدين يختفي...

شي غيره؟

شوكلاته:-
خلي خالتك تشرب ماي مقري وعقب كل صلاة..تشرب كاس...وتاكل الظهر قفشة عسل....وتنام ع رقية الامراض العضوية...
اسبوع..ثم تحجم فجوانب البطن..ثم تعالي خبريني


بسبوسه:-
الله يهنيك بالعافية....
اختي كلامهم بناخذه ع محمل الجد وكمان
بنكون حذرين...

بحيث نتابع علاج

الان اعتبر السحر طلع
بس كملي كاس مقري فيه عقب كل صلاة
وتنامي ع رقية الاخراج..تدهني العصعص...
..تقري 3اجزاء فاليوم
..كان تقدري طبطبة عصر...بدون شرب ملينات...

واريدك تشتري جهاز تدليك..وتستعمليه فجسدك

ميخالف ثقلت عليك بس انتي فمرحلة ممتازه من الشفاء...يعني ما نقلل علاج بل نكثفه

بسبوسه حاره:-
دهن العصعص...والتحصين يحفظك من كل سوء....
خيحفظك الله من كل سوء
خاصة دعاء اللهم احفظنا من طوارق الليل والنهار.....


وااكد ع جهاز التدليك ورح انزل صورة...رائع..لمناطق الماكول فالظهر ولنقاط الحسد..جربته مريضة...يعني بدل الطبطبة استخدمته فظهرها كله تصدقي نزلت مواد السحر
ياماانته كريم يا رب...