هنا اخر شي في موضوعي المشهد المرعب اللى اشوفه من شباكي

السلام عليكم يابنات حوا عساكم بصحه وعافيه اولا باعتذر عن تاخير عليكم وادري انكم مشغول بالكم على موضوع الولد وللبنات اللى مايعرفوا السالفه هو اني من تقريبا شهر او اقل اتكرر مشهد اشوفه من شباكي انه رجال يمسك ولد صغير يخرجه من الشباك ويهدده بانه يرميه والولد يصيح ويبكي ويستغيث المهم بعد مازوجي كلم صاحب العماره صرنا نستنى يتكرر الموقف لكن مااتكرر وماشفت شي من وقتها الين يوم السبت الماضي الا نفس صرخة الولد مره تانيه اسمعها ولكن كنت توي راجعه من اختباري وتوي عيني بتروح في النوم فمافتحت شباكي ولا شفت شي المهم اننا على طول في نفس اليوم دقينا على صاحب البيت لكن مايرد ونرسل رسايل ولا سال المهم انه اتكرر نفس الموضوع يوم الاربعاء نفس صرخة الولد الا فتحت شبكي بسرعه واللى قدرت اشوفه هو الولد ويد الرجال اللى ماسكه ولا بس شي باكمام سودا صراحه ماقدرت قلت انا نازله ادق الباب واشوف ايش راح يصير مين في الشقه مين اللى يساوي في الولد زي كدهالشرطه مااهتمت صاحب العماره مااهتم لكن صرخة الولد كل يوم والتاني عورت قلبي المهم حطيت عبايتي عليا ونزلت دقيت والحمدلله فتحوا الباب حوالي خمس او6 اطفال قولت لهم فين ماما المهم ان جنسيتهم باكستان الاطفال خايفين يحسبوني باشتكي منهم يقولو لي ايش تبغي تقولي لماما انت في زعلان المهم خرجت لي حرمه قولت لها انا جارتكم اللى فوق قالت مرحبا قولت لها مين في رجال عندك في البيت قالت انا في سكن هنا مع اخو انا لكن زوج في شقرا عمل هناك طبعا انا وقتها على طول فهمت انه اللى يساوي كده في الولد هو خاله المهم اتكلمت وقولت لها على كل اللى اشوفه والحرمه كانت راح تطيح من الفجعه وتقول لي انت شوف كده اكيد كيف طيب كم مره وانا قولت لها كل شي بالضبط وحسيت ان لسانها اتربط قولت لها شوفي انت لا تخافي فهميني ايش يصير بالضبط وانا الحين اتصل على زوجي ونجيب الشرطه اذا في احد ياذيكم لانه حرام ولدك يصرخ صرخه تقطع القلب من الخوف والرعب قالت لي انا مايدري اخو انا مافي كده طريقه هو يحب بزوره كيف ساوي كده المهم اخر شي طلعت لي من عندها اختها اصغر منها يمكن عمرها 19 المهم جات تقول ايش في قامت ام الولد تحكيها بلغتهم الاالبنت كمان تنفجع قمت انا قولت للبنت كمان لا تخافوا اذا في شي اتكلموا انا اساعدكم اصلا كل الجيران يسمعوا وبيجيبوا الشرطه لاخوكم لانه هدا ظلم للولد قامت البنت ردت عليا بكل برود لا لا خلاص مافي كدا تاني مره يمكن ولد بس مافي اكل مافي نوم في ساوي غلط كثير عشان كده اخو انا كلام انا حط عند شباك قولت لها لا حرام عليك وعلى اخوك مايصير تساوا كده في الولد هدا طفل قامت قالت لي طيب خلاص مافي مشكله مافي كده طريقه مره تانيه وقفلت الباب يابنات هدا اخر اللى صار ودحين انارايحه اذاكر لان بكره عندي اختبار احياء ويارب اكون سبب سببه ربي لرحمة الولد