هنا تجمع اللي دخلو أو بيدخلون الاختبار الشامل للمعاهد الأهلية..

والله انا زيك باقي لي ترم ولما اسال الابله ماتقولي ياريت احد يفيدنا

السلام عليكم
//
اختي ياليت توضحين لنا أكثر عن هذا الاختبار
أنا أدرِّس بمعهد اهلي لكن بمدرسة حكومية (أجيال و سيتا كان سمعتي بهم)
فما ادري اذا هالاختبار يشملنا و لا كيف << داخله عرض شكلي بس ما تدرين يمكن نستفيد منك ^_^ و نفيدك بالمستقبل *-*
//
موفقين احبتي

هذا اختبار لبنات الدبلوم والدورات القصيره للحاسب الآلي يكون في كل المواد اللي درستيها ويكون في المعهد التقني العالي وبدونه ماتصدق شهادتك وهو اجباري لكل المعاهد في الرياض لكن ما أدري عن المدن الثانيه..
وفي بنات دخلوه لكن ما أعرف أحد منهم

وانا بعد باقي لي ترمين واخلص
وابي اعرف كيف اسلوبهم في الامتحان

الإختبار الشامل
يكون من المؤسسه العامة للتدريب المهني
حتى تصدق شهادت دورات الحاسب التي اخذتيها من أي معهد ويعترف بها في المملكة.

بتكلم عن *الرياض*
*بالنسبة للدورات التاهيليه:
_ ثلاث شهور
_ ست شهور
_ سكرتارية
يختبرونك في جميع المواد لمدة ساعتين بس (المقدمة لا)هذا بالنسبة لمجموعة بنات دخلوا الإختبار وماجاهم شي عن المقدمة ، ولو حصل وكان فيه( مقدمه) فالأسئله راح تكون موضوعية ... وبقية المواد العملية تطبيق على الجهاز .
وترى الموضوع سهل جدا بس ركزوا على الطباعة مشددين عليها ، وإذا اجتزتي كل المواد ماعدا الطباعة لاتمنح لك الشهادة .
وإذا حصل فشلتي اول مرة يمنحونك فرصة اخرى للإعادة.

*بالنسبة للدبلومات :
_ دبلوم تقنية مكاتب (لمدة عام)
يختبرونك بأغلب المواد لمدة ثلاث ساعات
ماعدا (اللغة الإنجليزية)مافيه اسئله عنها بس تأكدوا منهم يمكن رجعوا يدققون فيها
الواد النظرية بصورة موضوعية ، والمواد العملية تطبيق .
وأعيد واكرر ركزوا على الطباعة مشددين عليها ، وإذا اجتزتي كل المواد ماعدا الطباعة لاتمنح لك الشهادة .
وإذا حصل فشلتي اول مرة يمنحونك فرصة اخرى للإعادة.
_ دبلوم برمجة (لمدة سنتين)
ماادري عن طبيعة اسئلتهم بس سمعت إنها مثل دبلوم العام.

نصاااااااااائح لكم يابنااااااااااات وتحذيييييييييييييير
* تأكدي إذا كنت في الرياض لازم فيه اختبار شامل في المؤسسة وإذا كان المعهد اللي تدرسين فيه ينكر هالشي فأعرفي انهم ماعندهم سالفة وإن شهاداتهم غير معترف فيها.

* إذا معهدك طالبك برسوم تدفعينها عشان يرفع اسمك للمؤسسة وتختبرين عندهم
على طوووووووووووول خبري المؤسسة عنهم لأن الإختبار مجاناً للجميع
بس ترى صارت هالسالفة في معاهد وماودي اذكر اسمائها فلاتسمحين لهم يستغلونك مادياً .

*على فكرة طالبات الدورات التأهيليه الدرجات تمنح كامله من المؤسسه ولايؤخذ أي نسبة من إختباراتك ودرجاتك في المعهد ،،، بس إختبارات المعهد مفيده لك حتى تتعودي على سرعة التطبيق والتنفيذ فلا تتهونين فيها
واعرفي إنك إذا اجتزتيها سهل تجتازي الإختبار الشامل.
بينما طالبات الدبلوم تحسب النسبة كالتالي:30%من درجات المعهد
70% من درجات المؤسسة.

*ادخلي موقع المؤسسة واطلعي على نماذج قديمة للإختبارات.

تمنياتي للجميع بالتوفيق ،،، لاتحرموني دعوة في الشهر الفضيل بظهر الغيب