جزاك الله كل خير أختي على الإفادة

للرفع .. بانتار الرد على أسئلتي

هلا أختي بريداويه واعتذر على التأخير تعرفين عاد اجازه نهاية الأسبوع ..
ولاثقلتي ولا شيء بالعكس حنا هنا نفيد بعضنا .. وانا مستعده لأي سؤال ...

الرد على اسئلتك على السريع وبنزل الليله او بكرا باذن الله موضوع كامل عن غسالة اريستون بالصوررر ..

بالنسبه للملمع صحيح هو مكانه الدائري وتصبينه حتى تحسيه قرّب يمتلي وهذا يكفيني غسلتين او ثلاث غسلات ..

اللي حق التصريف لازم يرفع شوي وهذا السبب في انك فتحتي الغساله ولقيتيها مبلوله وفيها مويه الماء مايتصرف كامل اذا مارفعتيه ولاتنشف الصحون تمام

بالنسبه للريحه .. هي ريحة الصابون حق الغساله ( فنيش) مو مره حلوه بس مو شينه يعني ريحة مسحوق غسيل ومواد كيميائيه :) بس بسالك اذا غسلتي صحونك اول ماتخلص الغساله تفتحيها او تجلس فتره بعد ماتخلص ؟؟
لأنه لازم اول ماتخلص تفتحيها وطول مانتي ماتستخدميها لازم تكون مفتوحه شوي .. عشان ماتطلع لك ريحه مررره كريهه لو تطول مقفله ..

بالنسبه لفتحة الصابون .. على حسب الغسيل اللي تختارينه انا استخدم غسيل سريع واحط الصابون في الحجرة الكبيره فقط .." وبالموضوع بتشوفي تفصيل أكثر "

وبالنسبه للبلل مثل ماقلت لك عشان لي التصريف لازم يرفع ... والنفضه اكيد ماس كهربائي وخاصة اذا كنتي بدون جزمه( وانتي بكرامه ) او يدك مبلله او رجليك ...

وانتظري موضوع عن غسالة اريستون الليله او بكرا بالتفصيل والصووور باذن الله :)

شكرا لك اختي عروسه دلوعه على الرد :)

مشكوووووووووووووووووووووووووووووووورة أم لبنوتة الحلوة

الله يجزاك ألف الف الف خير

ماتصدقين كيف انا متضايقة بسببها .. وأنا وزوجي نقول : (( يا من شرى له من حلاله علّة !! ))


طبعا الريحة الي قلت لك مو ريحة كيماويات ... لا

وأقرب شي لها ريحة الماء الآسن !!!

وأنا اخلي بابها مفتوح شوي عشان تتهوى وماتنكتم

لكن بالنسبو للي التصريف ... الآن رفعته ونزلته في وسط حوض الغسيل لكن مستواه أحسه أعلى من مستوى الغسالة !!! والله بلشة !!!

ساجربها الآن ...


أنا متحمسة جدا لموضوعك عن اريستون ..

ياليت يكون مفصّل جدا ياغالية

وجعل الله تعبك وعملك في ميزان حسناتك عظيما ياغالية

مرحبا انا الصور مو ظابط عندي ياريت تلاقوا طريقه او تحكيني علي الخاص اما بالنسبه بدي اسال من وين اجيب الزيت والملح وشو مكتوب عليهم انا سكان جده ورحت علي بنده والدانوب مافي غير الصابون شو بكون مكتوب علي العلبه بالنسبه للزيت والملح وياريت تنزللي صور ووين الاقيها شكرا الك