السلام عليكم ورحمة الله وبركاته..
كيفكون؟؟

اليوم طبختنا وبناءً على طلب اختي hot chocolate 99 هي الكبة المشوية يممممممممممممي وان شاء تنال اعجابكم...:27:


- مقادير العجينة :
كيلو برغل ناعم منقى ومغسول جيداً



كيلو لحم هبرة مدقوقة للكبة ( جاهزة من عند اللحام )



2 بصلة كبيرة، مقشرة و مقطعة أرباع


1 ملعقة صغيرة ملح
نصف ملعقة صغيرة قرفة مطحونة
نصف ملعقة صغيرة بهارات مشكلة
نصف ملعقة صغيرة جوزة الطيب

مقادير الحشوة::

- مقادير الحشوة :

2 ملعقة كبيرة سمن او زيت
بصلة مفرومة ناعم
جوز مفروم و محمص
ربع كيلو شحم الخروف مفروم ناعماً ( أو أقل لتخفيف الدسم )
ملح
بهار مشكل
ملعقة كبيرة فليفلة حمراء ناعمة
دبس رمان

ملاحظة::الجوز الموجود بالحشوة غير عن اللي بالعجينة هذاك جوزة الطيب ....

الطريقة::

- تحضير العجينة :
جيبي البرغل و انقعيه بماء و اغسليه جيدا حتى ينضف تماما من البحص و الرمل و كل ما طاف على وجه الماء من قش و اشياء اخرى

ـ افرمي البصلة المقطعة و البرغل بماكينة فرم اللحم على دفعات و كرري فرم البرغل ثلاث مرات ثم ارفعي الخليط وضعيه جانباً .


ـ تبلي اللحم بالبهارات ثم اخلطيه مع البرغل و اعجني الكبة بيديك مع تكرار تبليلها بالماء البارد وذلك حتى تصبح العجينة لينة و متماسكة. غطيها بقطعة قماش وضعيها في البراد لمدة نصف ساعة حتى ترتاح .

الان العجينة اصبحت جاهزة تستطيعين تشكيلها كيفما شئت و هذه هي::




تحضير الحشوة::

حطي البصل مع كمية الزيت او السمن بقلاة لحد ماتذبل بعدين طفي النار واضيفي باقي مكونات الحشوة واخلطيهم مع بعض

الحشوة طعمها بيجننننننننن بس كلها سعرات حرارية




يتبع...

تحضير الكبة::
كوري العجينة حتى يسهل عملها كأقراص متل هيك::




حطي 2 من الكور او ثلاث داخل كيس نايلون وجيبي صحن مستوي من تحت


واضغطي فوق الكور لحتى تصير قرص رقيق



بناخد اول دائرة وبنحط فيها الحشوة

ونبلل ايدنا بالماء وبناخد الدائرة التانية وبنحطها فوق الاولى


ومن ثم نسكرها من كل الجوانب



ونضل نستعمل الماء يعني كم نقطة حتى لا تتشقق


وهيك بيطلع عنا قرص من الكبة على هذا الشكل


يتبع...

وهيك ليصير عنا كمية كبيرة متل ما شايفيييييييييين






اكيد نكون مشعلين الفحم ونحط الشواية ولما تحمى كتير منيح نحط عليهااا الكبة الاقراص وهذا شكلها


وما فيني خبركم على الطعم يمي يمي :p


وفينا كمان اللي حشيناها باللحمة والجوز انو نحطها بالفرن بنفس الطريقة السابقة انو نحط شوية زيت ونحطها بالصينية وبالفرن
متل هيك::



عندما تنضج نخرجها و اصبحت جاهزة للاكل يمي يمي




بس اكيد على الفحم اطعم


تنويعات سورية :
تختلف كل مدينة من مدن سوريا بطريقتها في الكبة المشوية :

- هناك نوعين من الحشوة الشحمة زي اللي اللي فوق وفي نوع اخر باللحم
بس الشحمة اطيب وكل واحد وذوقه..

- في بعض المدن يضيفون حبتان من البصل المفروم ناعماً مع قلية اللحمة للحشوة .

- في مدن أخرى يضعون مع الحشوة القليل من دبس الرمان مع حبات الرمان لكسر دسامة الشحمة .

-في بعض المدن يذوبون الشحم على نار هادئة ثم يصفونها و بعدها يضعونها مع اللحمة و البهارات .

- و أخيرا في حلب , بعض ستات البيوت يضعون صحن من السمن الذائبة بجانبهم أثناء شوي الكبة , و يغمسون كل قرص من الكبة بعد نضجه في السمن لإضفاء المزيد من النكهة للكبة .



بالصحة و العافية و أي استفسار أنا بالخدمة

اختكم::
مـــــــــــــــــــــــــاســـه...

يسلمووووووو

شكرا لك ياماسة النادرة شكرا لك يعجز لساني عن الشكر لك عزيزتي ماسة والله يسعدك مثل ماأسعدتيني برساتك الرائعة والمميزة وتلبية طلبي من أول مرة على وجه الخصوص شكررررررررررا لك وأدخلك الجنة من أوسع أبوابها وأبعدك عن النار أنت ومن تحبين فشكرا بإذن الله راح أطبق كل وصفاتك وأجربها وأخبرك بما يحدث معي لكن ليس الأن لأني مشغولة بإستقبال الضيوف بهذه الإجازة شكرا حبيبتي وصديقتي الغالية والجميلة يشهدالله كم أحببتك من قلبي شكررااااا :7_2_103v: