هنا فيه بنات مخببات لييييش خافوا الله بردودكم

السلام عليكم ورحمة الله وبركاته

صبحكم الله بالنور والسرور

كم مره ادخل موضوع اشوف بعض البنات يخببون بين الزوجه وزوجها
لييييه !!!!!؟؟؟

المفروض تصلحون بينهم مو تزيدين الطينه بله
يابنات
يالمخببات

اتقن الله بكل كلمه تكتبونها
المخببه ملعونه

تجي وحده وتزيد النار حطب
راعية الموضوع تكون مشتعله من النار بسبب زوجها غلط بشي بسيط وهي من قوة الغيره تسوي غلط فضيع والله كذا موضوع تافهه تافهه مايحتاج زعل من الزوجه تسويها موضوع
يجونك اباليس الانس بدال ماتقول يابنت الحلال استغفري ربك
ومن الكلام اللي تهديها وتبين انها غلطانه وان هذا زوجها وتعالي بالاسلوب الراقي كذا وكذا

لا يجون بنات يردن
لالا زوجك غلطان ليش يقول هالكلمه ردي عليه ووقفيه عند حده
ولا الثانيه تقول ماله دخل بشعرك ولبسك البسي اللي يعجبك ليش وهو طيب يبي يشوف اللي يعجبه بزوجته خببي عليها وبعدين تسوي اللي انتم تنفخون راسها فيه واذا تزوج عليها وحده فيها المواصفات اللي تعجبه
تجي تكتب موضوع انا ماخليته يحتاج شي كل اللي يبيه عطيته وسويته له وش اللي ناقصني يدور غيري ...
من المخببات يخيتي�� ��

يابنات اشوف مواضيع تنزل تافهه قمه بالتفاهه يجونك مو الاغلبيه لا ولله الحمد
قله هالمخببات ياليتهم يندثرون

يجون ويعبون راس هالانسانه اللي راسها فاضي يعبونه ويحشونه لها بالشر
هي تدور شر لو تبي خير مانزلت مواضيع تافهه بينها وبين زوجها شي والله العظيم تقهر
كم مره اشوف موضوع يرفع الضغط ��

ولا هي ناقصها مشاكل
يابنات الحلال اتقن الله

اولا صاحبات المواضيع التافهه زوجي قال هالكلمه وزعلت هل ترعل هالكلمه يابنات... يعني قولوا ايه
ولا زوجي ماعجبه لبسي وانا ماحب ذوقه واختياره ياشيخه يبيك تلبسينهن قدامه متي!!!
ولا مشكلة لبس العباة وشدخل اللي هنا يعطونك اراهم ب عباتك تنزلين مواضيع ذي ليه ..!!
البسي اللي تلبسينه بس لاتجين هنا ويخببن هالصغار العقول بينك وبين زوجك

ولا اللي يخببن بين خوات الزوج ولا ام الزوج هذولي يارب يعيشن بقريه مافيها اتصالات

والله يابنات اتقن الله
اتقن الله بالتخبيب
ماعجبك زوجها لا تكبرين السالفه يانك تكونين حكيمه وتهدين الوضع وتبسيطين الامر
يانك تنطمين وتسكتين قل خيرا او اصمت
بس تشيشينها على زوجها الله ياخذ الاجهزه والانترنت عنك ياشيخه


توي قاريه موضوع لوحده وشفت عدد من الردود جدا جدا جدا بعيد عن العقلانيه


اتقن الله في التخبيب

قال رسول الله صلى الله عليه وسلم " ليس منا من خبب امرأة على زوجها أو عبدا على سيده " .
قال الشيخ الألباني : صحيح


ليش تبون الوحده تقابل السيئه بالسيئه
هذا مو من تعاليم ديننا
ناس اساءوا لك لاتقابليهم الا بالاحسان

قال تعالى ( ولا تستوي الحسنة ولا السيئة ادفع بالتي هي أحسن فإذا الذي بينك وبينه عداوة كأنه ولي حميم )
واعلم أنك إن فعلت ذلك فإن أجرك عند الله عظيم
قال تعالى ( فمن عفى وأصلح فأجره على الله)
وما تجده في قلبك تجاههم من الكره بسبب إساءتهم ليس عليك فيه شيء.
قابل السيئه بالحسنه تحسن العلاقة ولو بعد حين

قال رسول الله صل الله عليه وسلم قال : (اتق الله حيثما كنت ، وأتبع السيئة الحسنة تمحها ، وخالق الناس بخلق حسن) رواه الترمذي وقال

وينكم عن حديث الرسول يامعشر النساء



وزي ماقلت قله جدا
مو النص ولا الربع اقل من الربع ان شاءالله الله لايزيد منهن




وبس

اللهم اني بلغت اللهم فشهد


صل الله عليه وسلم

��
--------




تعديل تحت



لكل مدرعمه بردها
انتن تقرون موضوعي زين ولا معكوس عندكم الله يصلحكن


انا جبت فوووووق طاري مواضيع الخيانه
اذا جبته انسخنه الحين ونزلوه بقتباس

والله اني ماعدلت بالكلام اللي فوق شي بس زدت هالكلام الاحمر اللي تحت


يابنات انا ماقول مواضيع الخيانه لاني انا مارد على هالمواضيع بالاساس
مواضيع خيانة الزوج انا نفسي مارد ليش لاني لست باهل الاختصاص بهذي المواضيع
لو رديت ارد بدعوه لها فقط
اما اعطيها رايي لا والله ماعطي لاني مدري وش الصح بهالمواضيع



انا اقولكم مواضيع تافهه وجبت امثله عليها فوق لقروا انواع المواضيع التااااافهه
بدن المدرعمات هههههههههه ياخيااي اقرن الله يصلحكن
والله شفت ردين ضحكت من قلب
وش جاب طاري مواضيع الخيانه بموضوعي



قلت مواضيع تاااااافهه
هل اللي ردوا علي يشوفون مواضيع الخيانه تافهه
بنات رجاءً

مواضيع الخيانه لاتجيبون طاريها
لاننا لسنا اهل المشوره
هي مواضيع جاده وتحتاج ناس جادين