حبيبتي انتي حاولي توفرين لومبلغ بسيط مثل جيبي حصاله وتحطين فيها 25 ريال لمده 28 يوم طلع 700انا راح اسوي كذا عشان اجمع راتب الشغاله حتئ لو ريال جمعتي ريال علئ ريال تفك زنقاتك مو لاز كل شي نفسك فيه تشترينه امسكي يدك واتقصدي حتئ في الطبخ اطبخي علئ قدكم بس

و***** الله البنات يسون لك جدوال

موضووووووع رووعة واتمنى انه ما يوقف

امووت في التوفير صار لعبتي بعد ماكان يبقى معي ولا هلله واتسلف من الخدامة بعد بنص الشهر :biggrinlo

والفلوس هي نفسها لا زادت ولا نقصت بس عرفت ادبر اموري

اولا لازم يجي شهر ماراح يبقى معك ولا شي لانه راح تصرفينه على اساسيات تقعد معك شهور

اتمنى انكم كا تملون من كثره كلامي

اولا شريت جالون صابون موبي السايل ب 90 ريال 20 ليتر لملابسي انا وعيالي وتلقينه ارخص بس خلك شاطرة بالتدوير
شريت صابون بحر من الثلاجة العالمية 10 كيلو ب 40 ريال للثياب البيضاء ولي شهرين توي انتصف فيه قولو ماشاء الله
جالون واحد ملين ملابس ازرق ب 60 ريال 20 ليتر
شريت كرتون زبالة 60 ريال من منتجات الوطنية والله نسيت اي محل بس هو ارخص واحد
شريت كرتون كيس زبايل صغار اللي لونها ابيض تجنن شبه شفافة
كرتون دجاج
كرتون العملاق الاخضر و الابيض للمواعين يهبل
شبسات وحلويات للاطفال اقفل عليها في مخزن

هذا اغلب استهلاكنا اما المواد الغذائية احب اخذها على حسب احتياجنا كل اسبوعين

يعني كل شهر ااسوي جدول واحط وش راح نطبخ وعلى اساسه اجيب الاغراض بالضبط لا ا ازيد ولا انقص

وفيه احيانا اغراض غالية بس اكتشفت انه اللي ارخص منها والله ماتقدرين تاكلينه فما ابدل مثل زبدة الفول السوداني والتونة

واحاول اسوي اكلات التوفيرية مثلا مب لازم كل يوم دجاج مرة مكرونة صينية بالبيض والخضار ومرة صينية توست بالتونة ومره مسقعة وكذا

ومرة ملوخية بنص دجاجة خلاص موية الدجاج فيها تنفع بعد الله يذكرك بالخير يا يمه هههههههههههه

ومب كل يوم رز لانه اصلا نسوي دايت لاحظنا ماكبر بطوننا الا هو _فصرنا بالغالب ناكل خبز

اما الصغار اسوي كمية رز ابيض واقسمه عقب ما يبرد باكياس وبالفريزر متى ما سويت غدا طلعت كيس على جنب وسخنته بالمكرويف

والحلويات اللي نسويها بالبيت قطعناها هي النزيف للراتب اسويها مره كل اسبوعين لو اشتهيناها او بغيت اجتمع مع احد

الخضار كل شي اقطعة واحط بالفريزر على حسب احتياجي حتى الكزبرة اقطعها وافرزنها باكياس مسطحة كل مابغيت طلعت وكسرت منها

لكن البصل والثوم لا مثل ماهو لانه يبطي ما يخرب



استغل العروض جدا وخاصه للحفايظ
اشتري بامبي اوفر وارخص وتمتص اكثر من بيبي جوي وللنوم اخذ بامبرز كيس صغير ابو 15 ريال يكفيني نص شهر

اصغر عيالي سنة وست شهور خلاص قطعت الحليب البودرة وصرت استخدم حليب طويل الاجل نكهات
وبدل السيريلاك احط له بسكوت بحليب مع سكر
وياكل معنا او افرم له من اكلنا بسم الله عليه وعقبال ما نتخلص من البامبرز

البيض اخذ ارخص شي اكتشفت لانه كله واحد
والنستلة الحليب المركز المكثف اسويه بالبيت

نجي للراتب طبعا انا مالي خص بزوجي ابدا ولا في البيت من ناحية كهربا او لو اخترب شي

يسلمني 5500

فاكون مجهزة ظروفي

اول ظرف كبير داخله ظروف اصغر وهذي لراتبي ال 1000 ريال

حاطه من راتبي ظرف لامي 100 ريال اجمعهم لها وخر السنه اشتري لها شي يفرح قلبها تعليقة ااو ساعة

ولو انها مب محتاجة بس هذا حقها علي اني ادخل لها السرور

حاطه ظرف ترفيه لي 200ريال طبعا مب كل شهر راح اصرفه فيجمع مع اللي بعده

واشتري مكياج ريفلون ومرة في السنة وعطورات نفس الماركة لكن ارخص والتركيز واو ما اقصر على نفسي ولبسه من سيتي ماكس للبيت مب كل شهر


ظرف لبس لمناسبة عيد مرة بالسنة 200 ريال

ظرف لشنطة غالية او ساعة مرة بالسنة 200 ريال

ظرف ادخار انساه مدى عمري 300 ريال لتحقيق هدف باذن الله ادعوا لي يتحقق



نجي لتوزيع ظروف باقي المصروف


الخدامة اسلمها راتبها على طول مع التوقيع انها استلمت وتبصم 700 ريال

ظرف مصروف 3 اطفال 500 ريال <<<< طبعا ماكلين شاربين مافيه شي يحتاجونه الا الملابس من سيتي ماكس والهرم


ظرف ترفيه 200 ريال لو اشتهينا من مطعم وقليل ما ناكل اغلب شي نسوي بالبيت نقلي بوب كورن او ذرة او نجت او نطلع مول مرة في الشهر


اما باقي الترفيه فيكون بحديقة عامة او بر او بحر على حسب

ظرف صدقة 100 ريال الله يتقبلها اجمعها وعقب نعطيها احد محتاج جدا ام ايتام او كذا ولا تنسون الاقربون اولى بالمعروف

ظرف مصروف البيت 800 ريال لكل اسبوع 200 ريال وهذي للاغراض الخفيفة من خبز ولبن وكذا

اما المقاضي انا انزل اتقضى كل اسبوعين ولحاجاتنا الضرورية جدا وعلى حسب الجدول واخذ الحجم الكبير او العائلي يطول معك شهور من معاجين اسنان او شامبوات

فاصرف شهر 1000 ريال اشتري كل الالتزامات وشهر لا 500 ريال الباقية هذي من الشهر اللي بعده

احطها بظرف اكتب عليه ادخار للبيت اشتري فيه جهاز او غسالة شي محتاجينه للبيت ضروري

ظرف لجوالي 200 ريال ومب كل شهر ادفعها لانه الحين صارت المحادثات ببلاش فما استخدمه الا للضرورة

طبعا حاطه للاطفال 3 اظرف ادخار لهم لاكبروا ان شاء الله

ظرف لكل طفل ادخار 200 ريال

ظرف للطواري 400 ريال لاي شي طارئ جدا مب خرابيط

وعلى فكرة انا وزوجي ما نتعشى نشرب شاهي او بدون والحمدلله

بجد الاكل بالليل مو زين مب علشان التوفير والله قبل كنت مافيه طبخة مانسويها وخفايف بس المعدة ماصارت مثل اول قولون وماتقدرين تنامين من الاكل



طلبتكم ادعوا لي بصلاح ذريتي والله يجعلهم قرة عين لي ولابوهم ويسخر لي اياه

لكل من استفادت من توزيعي

هذا اللي يحضرني الحين وان صار فيه اضافة ماراح اقصر والله حاسة فيكم

ياحبيلك ابعلمك بطريقتي للباميا اقطعها واحطها باكياس نايلون وافرزنها وتقعد بالشهور بالفريزر ماتتغير اطلع منها واسوي فيه مرق مايتغير كانه طازج ..


وبالعافيه

حتى الحبحر الكبير اغسله وانشفة بمناديل

واحطه بكيس نايلون واحاول ادخل معه هواء يصير الكيس مثل البالون

واحطه بالفريزر وكل ما احتجت لطبخه احصله كل وحدة بلحالها ويطلع كنه فرش بالطبخ لا يغرك لونه بالفريزر

واللحم اخذ كتف خروف باكستاني او هندي واقطعه وسط واوزعه باكياس ماناكل لحم كثير

واي بواقي اكل ارفعها بالفريزر اخليها لعشاء يوم من الايام وازيد عليها شي او طبق ثاني والله تطلع كنها فرش



صح تذكرت المناديل لفات المطبخ لقيت مره عند على كيفك 3 لفات كبار ب 18 ريال والله تجنن قشيت منها

راتب زوجي 8400 القرض مع الايجار 3000
مع الفواتير الكهرب والجوال 500 يعني الباقي من الراتب 4900 ودخلنا جمعيه با 1000
يعني 3900 تهقون اقدر اوفر منها مره حاولت ووفرت بس 100
احد يساعدني ويحط لي جدول ابي اوفر لو 500