موضوع اكثر من رائع من جد الله يحقق أمانينا ويوفقنا الله يجزاكم الف خير ياااااااااارب اقدر أوفريارب

مساء الورد
وين الصبايا ؟؟؟
صبايا طرت ببالي فكره .. بالنسبه للعطور .. ابي نجمع اسماء عطور حلووه ومركزه وثابته .. وتكون اسعارها مابين الـ 60 .. وماتتعدى الـ 150 .. بتضحكون ع 60 .. بقيمة الستين فيه عطور القديمه بس روايحها تكون هاديا وحلوه هذي تصلح للبيت .. لان عندي لازم عطر بعد الشور خاص تكون ريحته نظافه .. وعطر للبيت خاصه بالنهار .. وعطر للسهرات
بس بشرط تكون ثابته وحلووووه هذا اهم شي ... المشكله يابنات انا مو متعوده ع مسك الفلوس والتوفير

عندي عطور ع 600 و 700 .. من النوع اللي احب الغالي .. من قبل اتزوج وانا احب ادلللع عمري وحتي بعد الزواج .. لي سنتين وانا متزوجه ... ودوبي سويت الميزانيه بعد ماشفت انه مايمدينا نتمشى كثيـر ولا نطلع برى .. وماعندنا بيت ً��
واحس نفسيتي تعبااانه يوم سويت ميزانيه وصرت اتقيد فيها .. بس مجبره .. لعل وعسى يتحسن دخلنا
احس ان هالشي مؤقت .. والله العالم لمتى ..
ادري حكيت لكم قصة حياتي[/QUOT
حبيبتي بالنسبه للعطور عندك خيارات كثيره وواسعه راح اقولك طريقتي الي اتبعها حاليا انا اعشق العطورات وما اكتفي بعطر واحد او اثنين واهم شي عندي ثبات العطر
لي سنتين او اكثر اتعامل مع محل عطري الخاص يبيع لك اي عطر فرنسي 50 مل ب 60 ريال وبعضها ب90
اشتري من عطري الخاص عطورات الي استخدمها للدوام والطلعات البسيطه زي اهلي حمولتي وهالفتره اشتريت منهم بربري بودي روعه وعطر الور سانشوال من شانيل
وبعد ماتروش استخدم بودي لوشن او بيبي اويل وتقدرين تستخدمين اي كريم واسعارهم ماتتعدى العشرينات وابخ بعده كلونيا جونسن بالليمون حقت الاطفال خيال الريحه نظافه وانتعاش موب طبيعيه
وبالنسبه للعزايم والمناسبات فعندي عطر ريحته بخور على دهن عود اسمه مكارم اشتريه من الشرهان قيمته 150 ريال لايفوتك اتعب وانا اقول فخم طبعا ابخ منه بختين وبعده ابخ عطر فرنسي وعطري حاليا اسمه انسولانس البنفسجي من قيرلان شريته من محل حياة 220ريال بعد المكاسر ولما سئلت عنه بوجوه قال لي سعره ب 340 :eek:
ممكن تقولين اكيد الي عند حياة موب اصلي اقولك والله العظيم ان الكل يقول لي عطرك فواح ويقعد بلملابس ايام
وغالبا استغل التخفيضات خصوصا الماجد وعبد الصمد القرشي
بالنسبه للماجد اخذ منه معمول وبخور وزيت فواحه وقت التخفيضات اخذ ب ثلاثمية ريال تكفيني من 4 الى 6 شهور وعبد الصمد القرشي لايعلى عليه بدهن العود المعتق اخذ ربع توله استخدها بالزواجات والاعياد والمناسبات
وبالنسبه لاطفالي استخدم لهم كلونية جونسن بالليمون الي استخدمها معهم:icon20:
وبالطالعات استخدم للهم المسك الابيض من بودي شوب الي يجي بعبوه بتفسجيه قوامه زيتي اكثر من رائع قيمته تسعين ريال بس يجلس معك سنه كامله
ذكرت تجربتي بالتفصيل لاني فعلا استفدت اول كنت اشتري عطوراتي من وجوه وفافافوم ودبنهامز وكل عطر من 300 وطالع ومهنا زود وكل شهرين عطر جديد
لكن الحين الحمدلله حتى لوينكسر العطر ما انقهر بصراحه :icon18: وتجلس العطورات فتره طويله وحتى لو مليتي من العطر وحابه تغيرينه ماتتحسفين لان قيمته ٦٠ ريال وممكن كل فتره تغيرين
انصحكم بمحل عطري الخاص اكثر من رائع والروائح ماتفرقينها عن الاصلي والثبات 3 ايام تبقى ثابته على الملابس بضمانة المحل نفسه اكتبو بقوقل عطري الخاص ويطلع لكم موقعهم وشوفو تجارب الزباين

نظامنا في بيت اهلي كويس والحمد لله وماشين عليه
و في بيت زوجي غير موب راضي يقول كثير علي وعليك هالشي انا
معه بس بنفس الوقت ابي نوفر ونبني بسرعه

في بيت اهلي المقاضي كل اسبوعين
في بدايه كل شهر ( رز - سكر - مكرونه )
كل اسبوعين (طماطم - بصل - جبن)
الفواكهه ناخذ بالكيلو عشان مايخرب
الورقيات عشان تجلس اسبوع ونص تقريبا
جيبي خيشه رز وغسليها و نشفيها و اول
ما تشترين الورقيات فكيها عن كيس البلاستيك
ولفيها بالخيشه وخصصي لها رف او درج بالثلاجه و
لاتركمينها وتكدسين خلي مكان للهواء يدخل
اذا ماعندك خيشه تقدرين تستبدلينها بورق جرايد
قبل لا تلفينه في الجريده فكي من كيس البلاستيك
ولفيه بمناديل رول وحطيه \
النعناع و الحبق نفكه من الكيس و نورقه ونفرش بوكس
بلاستيك مناديل رول ونحطه وعلى الفريزر
هالاشياء اساسيه ونظيف عليها الي محتاجينه والناقص
لمده اسبوعين و فيه نقطه مرره حلوه اسجل في ورقه
كل الي احتاجه واحلف اول ما ادخل ما اشتري شي من
خارجها لان الاشياء الي تشوفينها غالبا ماتكون اساسيه وبنفس
الوقت تهد الميزانيه مثل اغراض الحلا و بعض انواع الشوكلات والاشياء المستودره
يعني بس على الحاجه

بالنسبه لادوات النظافه اشتريها من الصناعات تجلس شهرين تقريبا
تكلف كلها اقل من ١٥٠٠
كيس صابون كبير
جالون لينور
جالون كلوركس
جالون شمبو عبايات
وعلى حسب الاحتياج من ( بخاخات التنظيف - فيري - قصدير - بلاستيك - سفره )

ليه نشتريها من هناك لان لاحجام الي في السوبر ماركت صغيره وغاليه
و لو شرينها من محلات البلاستيك باحجام كبيره راح ياخذون نسبه واغلى
فنشريها من الوكيل نفسه

تخفيضات الملابس تبدا ايام الاختبارات او قبلها ب اسبوع
نصيحه مو تشوفين السعر مخفض و تقولين كان ب ٣٠٠ وصار ب ١٠٠
تشرينه غلط لان مره اكتشف سعر شنطه شاريتها ب ١٢٠ وكاتبين قبل ٣٠٠ وبعد التخفيض ١٠٠
شايفين كيف الغش خوذي بالسعر الى يناسبك لا يحمسك سعرها قبل كله غش

في بيت زوجي
- هالحركه صرت اسويها في بيت زوجي مو كل طبخه بـ لحوم مثلا لحم او دجاج او سمك
صرت اكبس رز ابيض و اشتري اكياس الفرن واحط فيها خضار وابهره او احط تونه بالرز
او طاجن مغربي بخضار
طبعا في بيت زوجي المقاضي في الويك اند وحق الطبخ الي راح اسويه يعني ٢٠٠ ريال
كل اسبوع وغالبا تكون نواشف
مشكلتنا مو هنا مشكلتنا
هو يجي من الدوام ولا يبي غدا او يكون شبعان خصوصا اذا مثقل في
الفطور مع اصحابه انا اكل ساندوتش جبن او اي شي مو كل اليوم الطبخ
بس الي هاد الميزانيه كلها اذا قام يبي ياكل وهو يقدس الفاست فود بشكل مجنون
لو سويت له في البيت قال مو نفس الي بره و طبعا احسبو٤ الى٥مرات في الاسبوع
تقريبا ٤٠ ريال كل يوم مهما حاولت اخفف تعبت منه و برضو هو مدمن كوفيات
وراعي مزاجوالكوب ب ١٢ اقل شي
يعني احس خراب الميزانيه كلها هو طريقه اكله جبت بكت النسكافيه ومافاد يقولي مو نفسه
واخر الشهر اعزم نفسي في بيت اهلي لانه مفلس
قريت رد لوحده هنا تقول اني اعطي زوجي مصروفه ٣٠ ريال في اليوم
قلت له وقوم الدنيا ولا قعدها اقوله في بيت اهلي كنت ماسكتها جرب قال انتي
في بيت زوجك الحين ما مليت عيونك ولا مو شايفتني رجال

صبااح الووورد انا يبقي من راتب زوجي 4 الاف بس يارب اطرح فيهم البركه ايجار 1400غير فاتوره جوال 300 ريال وانا اشحن تكفووون بنااات ربي يجزاها الجنه الي تسااعدني كيف اقسمه ابي اوفر منه وباقي ماعندنا اطفال خااصه زوجي ماايمسك يده من النوع الي يصرف كثير يجي نص الشهر مايبقي مصروووف علموني كيف اوفر من الراتب

مساء الخير لكل الغوالي

الله يجزاكي خير بنوته في الجامعه على هذ الموضوع الي اصبح شاغل
لأغلب البيوت

والشكر موصول لأم حديجان ولكل الأخوات الي اثرو هذا الموضوع

اما عني فأنا للاسف ماأعرف امسك الفلوس اسرااااف في كل بنود الحياه

لبس اكل ضيافه موعين نثريات قطيات كل شئ

لأكن من سنه وانا افكر في هذا الموضوع ونا رغم كل هذي السنين رصيدي صفر

والي غيري ماشاء الله عندهم مبلغ سواء كثير او متوسط بس هم في نفس

ضروفي بس لأنهم مدبرات طبعان انا ماراح اتطرق للبخيلات وهذولي موجودات بكثره الله لايبلنا

كونت فكره بسيطه عن التوفير وراح اقولكم عليها بس فعاله

وبقولكم عن اسواء العادات الي بتخلا عنها بأذن الله

اولاً / فتح حساب بلبقاله واشتري على الأحساب احيان يكون مامعي فلوس واحيان اطلب من السواق يروح مباشره يجيب وعلى الحساب
واذا جات الفاتوره الله لايوريكم وش المبلغ وكل مره اقول توبه بس ارجع اسوي نفس الحركه بس ان شاء الله معاكم بتغير بأذن الله


ثانياً / اذا رحت السوبر ماركت بشتري اغراض ماالتزم بالقائمه اذ شفت شئ يعجبن قلت يمكن احتاجه ولا اقول بسوي هذيك الشغله الي يخرب الغرض وانا ماسويتها وارميها ولا اتوووب

ثالثاً / اجدد في موعيني بأدمان شديد ترا انا اعني كلمه ادماااان على شراء المواعين

ربعاً / عندي دوريات اهلي وصديقاتي ثنتين كل وحده لحاله هذي دوريات شهريه
واهل زوجي كل ثلاث شهور تقريباً ياصلني الدور وانا مشكلتي ما اعرف احط شئ بسيط احب احط شئ جديد وراهي