اريج اللافندر :

حكايات عالميه ...بالنسبه لتجربتي بتوفير الكهرباء اول شي مافي الا انا وزوجي ... 1- ماخلي شي شغال الا المكان اللي نجلس فيه يعني لمبات الصاله + المكيف 2-من اخرج من المطبخ اطفي اللمبات والمروحه وكل شي .. الله يكرمگ دورة المياه برضگ ما اخلي الا مروحة الطرد بس هي اللي شغاله واللمبه اطفيها .. 2- عندي ممر بالصاله + مدخل البيت وحده منهم هي اللي اخلي لمباتها شغاله بس لان گـٌـٌ ̯͡ـلْ وحده تغني عن الثانيه يعني لو اشغل الثنتين يصير فيه نور زياده فاستغني عن وحده منهم + لمبه عند باب الشقه برا اخليها شغاله يعني الاماكن الضروريه اشغلها بس .  3- اي توصيله او فيش كهرب ماتحتاجينه افصليه من الجدر دااايركت لانه يقولون يسحب كهربا حتي لو ماتستخدمينه .. مثلا عندك شاحن مشبوك بس مو خاطه فيه جوال بيسحب كهرب ع طول افصليه او اي توصيله مشبوكه كذا بالفاضي افصليها .. المهم ما اخلي شي مشبوك الا شي احتاجه بوقته مثل اشحن جوالي .. اذا خرجت من البيت اشغل بس لمبه وحده جوة البيت واللمبه بس البي عند باب الشقه برا لاني ماحب الظلام الزايد عااد ..  ولا تشغلون من اللمبات او المكيفات الا اللي انتوا تستخدمونه بنفس الوقت كذا اوفر .. هذا اللي اقدر افيدك فيه  صبايا ابي اقترح عليكم .. ايش رايكم هالحين بما اننا تقريبا عرفنا التقسيمات الاساسيه للراتب وكل بند كم نحط له .. ايش رايكم ننتقل للمرحله الثانيه اللي هي : 1- اسعار المنتجات والمواد الغذائيه الاستهلاكيه المجربه" البان -اجبان -معلبات -  منظفات - منتجات بلاستيكه مثل السفر والصحون البلاستيك الاكياس - الاسفنج ......الخ" .. نقارن بين الماركه الفلانيه والفلانيه وايش الارخص بس كمان ماتفقد الجوده لانه ضروري عندي الجوده .. ونحدد السوبر الماركت الافضل بالاسعار بس تكون محلات مشتركه مثل "بنده /العثيم /الثلاجه العالميه" .... انا عملت مقارنه بسيطه لبعض المنتجات وان شاء الله بانزل موضوع عنها .. 2- نذكر اصناف اكلات و حلى حلوه لاهل البيت و للضيوف و تواجه باقل تكلفه للمنتجات المستهلكه بالطبخه + كتابة البدائل للمقادير المكلفه مثل " استبدال الكيري بجبنة مثلثات ".. - اسماء عطور رخيصه بس حلوه وثابته ومركزه ونذكر اسماء المحلات اللي اشتريناها منها  اهم شي تكون المحلات مشتركه باغلب المدن مثل " درعه / اجمل / بودي شوب / زهور الريف ....الخ " بس عادي اذا مثلا المحل اللي تشتري منه الوحده ومايكون موجود باغلب المناطق تذكره عشان تفيد بنات منطقتها .. وانا جمعت من النت اسماء عطور وان شاء الله بانزل اسماءها لكم .. - گل عضوه شافت انها انجزت من مبلغ التوفير حاجه مثل " اشترت سياره او ارض او بيت " ياريت تذكر تجربتها ڤِـ?َّ خلال كم جلست تجمع المبلغ .. ايش الشغلات اللي تنازلت عنها عشان توفر .. لان هالنقطه بالنسبه لي صارت تسبب لي ازمه .. اي مبلغ اوفره خلال شهرين بس اسافر او بالصيف اطيره من دون تفكير 😔 .. للحين انا ماوصلت لمرحلة توفير مبلغ واني احطه ع جنب من دون ما المسه .. يادوب قدرت اصرف الراتب لاخر الشهر ... - اللي انا جالسه اخطط له الحين اننا نتملك شقه ع قدنا .. وطبعا بتكون بقرض وتسديد القرض ح يكون ع 5 سنوات .. يعني بعد 5 سنين يكون عندي شقه نعمه من الله احنا لسي ماقررتا بس هذي من ضمن الخطه بس ربي ييسرها لنا .. وبعدها نبدا نفكر بشي اكبر وشي ثانوي  هذا اللي يحظرني الحين .. بس بليز صبايا نبي الموضوع ياخذ اقصااااااااه من الفائده  وخلااص بلاش كسل ونوم .. صحصحوا وارجعوا لنشاطكم الاول 

حكايات عالميه ...بالنسبه لتجربتي بتوفير الكهرباء اول شي مافي الا انا وزوجي ... 1- ماخلي شي شغال...

تغرريد :

تذكرت بعد انا اول ماتزوجت كان عندي 5000 انا خذيتهن وحطيتهن بحصاله وكل بعد شهر شهرين احط عليهن 500 او الف ..طبعآ مر علي سنتين وانا احط. عليهن ..خخ ماتحملت وفتحت الحصاله لقيت 13000..فكرت مالقيت غير الذهب رحت وشريت اسواره 3800..طبعا مافيها فصوص والوان ولاشي ذهب لحاله..بعد فتره فتحته وشريت سلسال بدون حلق ولا خاتم ب3200..طبعا كان الذهب نااار بس مادري شسوي..وبرمضان شريت خاتم 750 ..بسم الله ماشاء الله علي ..بقي الححين 5000..بس استغربت من الردود ...الذهب تروح نص قيمته وكذا ..وايش السبيكه ..يعني اشريها ..ابي احد يفهمني .... بعد انا وزوجي خاطرنا ببيت ... والله يوفق ويسعد كل من افادتنا ويرزقها من حيث لاتحتسب

تذكرت بعد انا اول ماتزوجت كان عندي 5000 انا خذيتهن وحطيتهن بحصاله وكل بعد شهر شهرين احط عليهن 500...