بنات بسالكم. ازواجكم. لما يعطونكم مصروف شهري شخصي 500او 1000
يكون. لإيش يصرف
لان انا من تزوجت ماعمري قلت لزوجي ابي مصروف
لاني مدري وين اوديه
هو لما ابغى شي يعطيني
وبنفسي صراحه اكون زي الحريم لهن مصروف.

حكايات عالميه .. بصراحه مو گـٌـٌ ̯͡ـلْ شي بالثلاجه زين
بس عجبتني اسعار بعض المنتجات المعروفه عندهم " وهذا انا اقول بعضها " اشوف ان سعرها مقبول ..

ابي اسال من وين تاخذون جوالين المنعم و جوالين الصابون السايل !!!؟؟؟
هذي ماقد شفتها ابد ابد الا ابو ٣ لتر


بصمه .. انتي علمينا كم عددكم وطبيعة عيشتكم ومصاريفكم والاجار والاقساط ووووو عشان نقدر نساعدك

عاشقة الاوراكيد .. عني انا ما اخذ مصروف جربت اخذته كم شهر حسيت انه مايفرق عن لو هو يصرف علي اذا احتجت .. يعني مو شرطً تاخذين دام هو مو مقصر معك وبعض الحريم ماتعجبهم هالحركه .. جربي انتي كم شهر وشوفي ادا عجبتك استمري

ينآت انآ وزوجي الرآتب 9200
طبعآ مآ عندنآ أولآد
أحسبو 2800بنك
1500 أجآر الشقه
الفآتتوره تبع الكهربآ مآتعدي الميه كل شهر

يصرف ع والدته 500 ريال
مع ذلك مآيجي نص الشهر أو أحيآنآ تمر 10 أيآم إلا وقد فلسننآ
:(

حآولننآ نوفر بس فشلت كل الحلول
يآريت اللي عندهآ حل تعطيننني

иǿŌǿиέ

خيتو ..
ماشالله تبارك الله الله يزيدكم من خيره ..
وبعدين 9200 ماشالله حلو نفس راتب زوجي ..

انا بديت ارتب المصروف من شهرين تقريبا ..لان مايبقى من الراتب الا 1900 بس ..

انتو ماشالله يبقى 4300..

حاولي انو مصروف البيت ومقاضي البيت ماتتعدى ال 600 اقصى حد...خصوصا انكم لحالكم ماعندكم عيال ...قضيها بكميه تكفيك شهرين او ثلاثه..عالم التوفير كثير يمدحونه ...والثلاجه العالميه ..خصوصا للاشيا اللي ما يبيلها محلات غاليه ...مثل المنضفات والرز والسكر..

يبقى 3700..
عاد انتي ومعرفتك حطي منها مصروف فواتير الجوال ..ونفرض انها ب 200..جوالك وجوال زوجك..
و 500حطيها للحالات الطارئه ..
ضيوف..مستشفى لاسمح الله ...عطال سياره ..

حطي كمان مصروف للسياره ..البنزين والزيت والخرابيط ذي ..
نفرض 300..

الباقي 2700..
200..حطيها في حصاله ع طول ..وانسيها نسيان لك وللزمن و 500 مصروف لك ..والباقي تهنو فيه بس بحدود..



واذا انتي وزوجك من الناس اللي تطير منكم الفلوس من غير ماتحسو مثل حكايتي ..اشتركي ف جمعيه لو ب 500 الشهر والله تنفع ..

طبعا كلها فرضيات بس لانو انتي ادرى بوضعك ..حبيت بس اوضح لك ..

انا اشتركت قبل حملي ..وحملت والحين بتجيني الجمعيه ع وقت ولادتي ..منها بولد بمستشفى خاص ومنها بجهز لنونو بسلامته ..

بس لولا الله ثم ه الجمعيه..ماولدت الا بمستشفى عبدالعزيز ب الطايف ..يجيب المرض ويرفع الضغط..


الله ييسر للجميع ..ويسهل لي ولادتي

طيب طالما ماتحتاجين مصروف وماتدرين وين تصرفينه مو لازم تطلبين
يمكن انتي من النوع اللي تنزلين للسوق وزوجك معك وبحاسب على اغراضك ملابس وعطور وجزم ومكياج وماتطلعين الا معاه فماتحتاجين المصروف
بالنسبة لي اجمعه كم شهر وعقب انزل السوق واشتري عطر بجاما لبس طلعة ممكن جزمة او مكياج حسب احتاجي
لو طلعت اي مكان مع اهلي او صديقاتي او اهل زوجي حديقة ملاهي وحبيت اشتري شيبس او شوكولاته او موية ادفع من مصروفي طبعا
لو فيه طلعة استراحة حريم وفيها قطة فالقطة من مصروفي طبعا ولو باخذ معي شئ من برا خلى او معجنات طبعا من منه ايضا
بغيت اهدي اي احد فالهدية من مصروفي
بغيت اغراض من الصيدلية كريمات او فوط صحية مزيل عرق
اجتمعنا انا وخواتي في بيت اهلي وبغينا نطلب عشاء من برا وغالبا يكون قطة فادفع من مصروفي
ياكثر الشغلات اللي احتاجها له بس عساه يكفي :07:
بس طالما انك ما تحتاجينه خليك على وضعك دم زوجك مو مقصر معك


تلقينها عند محلات الجملة زوجي يبها من محلات الجملة اللي بسوق الخضار الكبير