حلوة ام حديجان

بس النشاء مب نعمه!

ماانوقع يجوز نتروش فيه ويروح بالحمام

باستا خضار ماتكلف كثير
الخضار الموجوده مع زيتون ودره حب
وانا اسوي بصله كبيره وفص ثوم وفليفله وزيتون شرايح ودرة وجزره وحده وكوسه وحده واحمرها ع النار مع خل وزيت قليل وبس تدبل اضيفها على المعكرونة المسلوقه ثلث كيس تقريبا لشخصين
والصلصه الحمراء عندي بالفريز اكياس صغار فيها طماطم مع كزبره مفرومين ادوبهم بالمكرويف واضيف ملعقتين كاتشب او صلصل عادي
والصلصه البيضاء كاس حليب وملعقتين طحين وملعقتين مايونيز وملعقتين قشطة وملعقتين جبن اغليهم لين تكثف شوي
واحط الصلصتين على المعكرونه مع بهارات وخلاص
ماتكلف ابد وسريعه مره

سندويش كرسبي دجاج
اجيب صدور الدجاج الجاهزة واقطعها مثل الاصابع واضيف لها خل وثوم وليمونه وبهارات ازيد الفلفل الحار وبيضه وحده وملح والطماطم مع البقدونس المفرومين الي بالفريزر وملعقتين كتشب
واخليهم من الظهر الى الليل كده يعني من وقت ماسوي الغداء اجهزهم او يعني ربع ساعه كفايه
وقت مابقليهم اضيف بيكنج بودر واخلط ثم اشيل قطعه قطعه في كيس فيه طحين واخلطهم بالكيس واقليهم
واحطهم بسندويش مع خس وكاتشب ومايونيز وع حسب الرغبه
طبعا كل سندويش بحط فيه ثنتين ثلاث قطع بس
يعني انت وزوجك افتراضا يكفي 10 قطع عرض الصبع
وارخص من تشتريهم من برى الزنجر ولذيذ جدا ونظيف

فتة بادنجان بالطحينية رووعه ومغديه
قطع صغيره بادنجان وبطاطا مشوية او مقليه والمشوية احلى
بقدونس مفروم
حمص حب 4 ملاعق
نخلطهم مع بعض
الصوص على الوجه 1 زبادي +ثوم مدقوق +ملعقتين كبيره طحينية سائله +ملعقة مايونيز
يزين بالخبز المقطع مربعات ومحمر وحبات حمص وسماق ووبقدونس

فاهيتا الدجاج
قطع صدور دجاج مربعات مع شرايح بصل وفص ثوم نشوحها مع زيت وخل ونضيف ليها فليفله ونقلب لين تدبل الخضار ننزل النار وناخد كاس نصفه ماء ومكعب ماجي خضار وملعقة صلصل ادا تحبوه مع الفاهيتا وبهارات ولاتحطو ملح يكفي الماجي
ادا نضج الدجاج ونشفت المويه نضيف شرايح زيتون ودره ونحطه بساندويشات مع جبن سلايس وكتشب وخس وشطه والمتوفر يعني
هنا نفس الي مابتحتاجي دجاج كثير بس اهم شي احشي السندويشة بالخس يشبع وصحي

صينية البطاطا بالخضار
اقلي البطاطا مربعات او طوال احلى
وشوحي بالمقلى بصل وثوم وفليفله وجزر وكل الخضار الي تبيها او خضار مشكلة مثلجه براحتش مع بقدوونس
وجيبي صينيه خلطي البطاط والخضار وحطي عليها قشطه وملعقتين جبن ومايوزنيز او جبن سلايز او موزريلا بس الي متوفر عندك ومع الخبز او بدون رووعه

لاتدكرت رجعت
وايد استفدت منكم الله يحفظكم

برجر غير
برجر يقلى ويقطع اصابع
يفرش صحن بسلطة ويصف عليه اصابع الهمبرجر ونسوي خطوط بالمايونيز والطحينة والشطه ونقطع جبن سلايز عليه وندوبه بالماكرويف ومع الخبز

طيب ماتنزلين غير منطقتكم يعني زياره بين كم شهر ؟؟؟؟؟؟؟؟
ادا تقدري حلووو
روحي محلات ابو 5 ورامز وكده وقضي لسنة المنظفات وهالشغلات يعني
وحاولي تقتصدي بالسكر احس تصرفي كثير 5 كيلو وانت وزوجك وابنك انتبهي لصحتكم انا وزوجي يكفنا ال5 كيلو تقريبا شهرين او 3 احيانا
حتى الحلى ادا سويت اقلل السكر

يعني نفس سالفتي :32:

بنات اقتصدوو بالحلى قد ماتقدرو لانها اسرااااااااف ويهلك صحتكموحاولو تسووه بين كم يوم وشغلات السكر قليل فيها
او كل خميس وجمعه بس لمن في ضيووف او بتروحو لحد