هلا قلبو زهره كيفك عيالك تقريبا اعمارهم قريبه من عيالي بس انا 4
شوفي ياقلبي دام زوجك مبذر والمونه عليه فهذا شي حلو وحرام 3 الالاف واشوي تضيع ماتدرين كيف ولا وين راحت
نجي حبه حبه اول شي البقاله قولي لاابوهم يعطيك 100 ريال كل شهر لخرابيط البقاله من شبسات وحلويات هو ملزوم بهم عياله << بدا التحريش
لا والله يازهره اتكلم جد وفكري بكلامي هو كذا كذا مدلعهم ويبذر وهم اطفال مايفهمون وانتي تبين تتوفرين ولو مشيتي وراهم والله ماراح توفرين ولا ريال
خذي منه 100 للعيال وزيديها 80 من عندك مهما صار انتي امهم بعد وعلشان لايكره توفيرك او حتى ينتقدك علشان تقولين له انا اصرف بحدود بس انا ضد اللعب والتبذير انت تبي تبذر براحتك انت وعيالك بس انا لا وتوفيري مايمنع اساعدك المهم واصرفي ال 180 ريالات وقسميها كل طفل له 60 لان 30×2=60
60×3 =180
انتي كذا الى الان ماصرفتي الا80
وقولي له يقول للهندي مايعطي العيال الا بالفلوس الي معاهم لو اعطاهم باكثر مالكم شغل ولا راح تدفعون له خلي زوجك يكلمه جاد واذا ماكلمه قسي قلبك ولاتدفعين صدقيني بيتورط مع الهندي وبيكلمه او يدفعها هو
لان الهندي هو الكسبان يسلف العيال ويشترون وتقولون له لا يعطيهم ويعطيهم وبالاخير تدفعون له وش يبي اكثر
وقولي للعيال بعد كل واحد له ريالين كل يوم لاتقولين 60 علشان مايقولون لك نبيها كلها وماعاد نطلب منك اطفال هم يصرفون وبكره يبكون
المهم قوليهم لكل واحد ريالين ولو تشتروون بريال راح يصير معاكم فلوس لاسافرنا عند اهلي لان عند اهلي مافي ولاريال لان بحط فلوس بالاستراحه وغير فلوس التذاكر ومن هالكلام طبعا مستحيل بس انتي ماتعطينهم ولاريال وفيه اطفال بس قولي لهم كذا وانتي بتقدرين فعلا تتحكمين بانهم مايشترون كثير علشان ابوهم مو موجود الي مدلعهم ويلهون يمكن مع اهلك او هم يشترون لهم موكل مرره انتي اما الطفل او 3 سنوات خليه يشتري بريال وحطي له ريال على جنب وخلي اخوانه يشوفون اخوهم كيف كل يوم يوفر ريال يمكن يتحمسون ومع الوقت لو استمريتي كذا بيتربون على التوفير والله لو اقولك شي ماتصدقين راتب زوجي 10 الاف والفين مصروف لي مع المونه انا وعيالي ان لي اسبوع مامعي ولاريال ولا مع زوجي ريال وشديت على عيالي ومشو على طريقتي واول هالاسبوع ارسلت خالتي 150 ويبون يشترون بس حزمت معهم واقولهم لا يبكون بس التبذيرحرام وهم يضيعون مع ان توفيري يفيدهم

نجي للبن والخبز البنات حطو له ميزانيه 150 خذي ال 150 بالنص بينك وبين زوجك يعني75 عليك والباقي عليه يصير كذا صرفتي انتي على البقاله 155 بدال 300 تقريبا وفرتي النص
خليك اهم شي جاده وحازمه
كذا تقريبا باقي من راتبك 3 الاف وخمس واربعين
وتقولين معك من الجمعيه 15 الف زيدي عليها ال 3 الاف تصير 18 الف مبلغ حرام يضيع صح علشان مصاريف مالها داعي
فاول ماتستلمين الجمعيه حطيها مع ال 3 الاف لاتقولين 15 لا قولي 18 علشان تحسين ان نقص مبلغ من الجمعيه
وبعدين طلعي ال 3 على جنب وخذي ال 15 حطيها بالبنك بدون بطاقه صرافه ولو وديعه كان افضل بس اتوقع الوديعه اقل شي 50 الف مدري اسالي اذا فيه وديعه افضل علشان حتى لو حاولتي تسحبنها ماتقدرين

نجي لـ 3 الالاف الشغاله كم ناويه تعطينها لملابسها؟200 او 300 او 500 المهم لاتتعداها وانا اشوف 300 لشغاله مرره زين لانها لاتتزين لا احد ولا تطلع كاشه لااحد يعني كم قميص بيت على ملابس داخليه وبخنق اذا مرره كثرت عبايه على الكتف ولاعاد تشتري بعدين الا السنه الجايه مايخالف تخلي العبايه وقميص واحد او اثنين للعيد
انتي حطي لك تقريبا 400 لان راح تقضين للعيد لنفسك معليش قلبو قصري على عمرك اشوي علشان تحققين حلمك اشوي اشوي بتتعودين
كذا صرفتي 700 ريال صار باقي معك الفين وثلاث ميه
400 لااستراحه اخوك
500مصاريف يمكن تحتاجون شي او ينقص عليك شي بس لاتتعدين ال 500 ابد لان التذاكر دفعتيها قبل وشو له
كذا صار باقي من الفلوس 1400 مو انجاز<< انتي كذا قولي لنفسك وافتخري بهالشي وخلي هالشي يعطيك دافع انك تكملين
مدري ياقلبي قدرت اساعدك ولالا بس والله هذاالي قدرت عليه واذا عندك اي سؤال انا حاضره

قلبو بدور فديتك على كلامك والله يكثر من امثالك فعلاالصدقه مهمه جدا وحنا ننساها للاسف
بس هي قالت لااهلها 1500 والاقربون اولى بالمعروف بالذات لاصارومحتاجين فاعتبرنا صرفها على اهلها بر وصدقه

هلا حياتو عاشقة زوجها مرررة طريقتك حلوة بس افكر اشتري لي ملابس لدوام من راتب شهر ثمانيه حوالي 1000ريال من ضمنها ملابس العيد عشان اصلا ف العيد ماروح نزور احد غير عمتي وراح الملاهي فقط وابي افصل للعيال ثياب لمدرسة ابوهم ماعنده الا 1000 ريال ويروح ف المونة البيت والكهربا حاول قلل من ملابس الدوام
وراح اسوي طريقتك مع العيال هم عند أهلي مايروحو البقالة لان ابوي الله يخليه موفر لهم كل شي ييخاف ع الصغار من اصحاب البقالة وهم يخافون من ابوي وأخواني
ان شاء الله أقدر اوفر مع اني ماأحب التبذير والله قبل ماأشتري شي اشوف اي شي ارخص ويوفي بغرض بس وين تروح الفلوس حتى متسلفه من أختي 1000 ريال ماقدرت ارجعها عطاني زوجي 500 عشان اسدد اختي وطارت مني وهاوش قال راتبي اقل من راتبك وكل شي علي حتى ماأقدر افصل لي ثوب وانت وين يروح راتبك يليت تشترين لنفسك عطر انا اشتريه لك حسيتها قووووية ف حقي
الله يعين ان شاء الله تشورين ع ادخل جمعية ب 1000 أخذها 30000 ريال تبدأ شهر شوال والاولى تنتهي ف شهر واحد
الله يوفقك ويسعدك ويحقق الله أحلامك

هلا ياعمري بدور الوحده الله يجزاك خير ع التذكير بالخير بس الصدقة شي بين وبين الله اعلم
حتى زوجي مسوي استقطاع من راتبه صدقة الله يبارك فيه
اما أهلي حتى اذاكانو مو محتاجين لازم اعطيهم لان لهم افضل بعد الله للي انا فيه ومجرد شي بسيط من رد الجميل
طبعا الفلاح يزرع ف ارض بذرة وكل اليوم يسقيها عشان يشوفها تكبر ولما تكبير وتورق وتكون خضراء يطير من الفرحة وينتظر ثمرها ومجرد مايقطف ثمرها ويأكلها يتذكر ان تعبه ماراح هدر كذلك الاهل يفرحو بتربيتهم اعطيهم من دون مايطلبون حتى افكر مجرد ماأخلص الجمعية راح ازيد ف المصروف أهلي مع انهم ف خير ونعمة وكل أخواتي يعطونهم مصروف الله يحفظ امي وأبوي ويبارك ف أعمارهم

حبيبتي انا مو ضد انك تعطينهم لكن الاولى. هو البيت لك ولعيالك لو صار لكم شي بعد عمر طويل يكون عندك بيت ماااحد يقدر يخرجك منه يعني سددو قرض للسياره اول وتضامنو واشترو بيت ساعتها راح يروح عنكم هم الإيجار وراح تقدرين تعطينهم كل الي نفسك فيه لو باقي على القرض عشرين ثلاثين اجمعوها وبعدين تضامنو عشان البيت وبكذا تكونون ارتحتو وضمنتي مكان لك ولعيالك وتقدرين فلوسك بعد كذا تسوين فيها اللي تبغين