خلي الاكل 1000 ريال
ومصروف يومي 300 ريال لو تقسمي 30/300يوم يطلع باليوم 10 ريال حق خبز بريالين ولب ب6 ريال
500 خليها لملابس اطفالك تخليها كل شهر اذ حابة تشتري كل شهر ولا جمعيها لهم لاعياد او تشتري لهم فيها اي شي يحبونه
500 مصروفك انتي
و200 تخليها لادوات النظافة كل شهر حتى لو شريتي شهر والشهر الثاني مااحتجتي ادوات نظافة خلي الزائد بصندوق التوفير يعني توفر من ميزانية ادوات النظافة مبلغ وكل مايزيد مبلغ من اي مصروف حطيه بصندوق التوفير
300 مصروف العيال اذ كانو بالمدرسه مثلا مصروف كل واحد 5 ريال باليوم واحنا عندنا 20 يوم دراسة وهم 3 اطفال نضرب 20x15= 300
و200 طلبات المدارس
ويبقى عندك 500 خليها بصندوق الادخار
شوفي انا سويت حسبه بس انتي ماعطيتينا معلومات فقلت اكتب هالميزانية يستفيد منها الباقي
عطيني مصروفاتك كلها واتمنى اكون ساعدتك

السلام عليكم
أول شيء أشكر أختي صاحبة الموضوع وأدعيلها من كل قلبي
ثانيًا بحكي لكم قصتي وأقسم بالله إن كل شيء سأكتبه صار معي
أنا كنت مدرسة بدار تحفيظ لمدة 9 سنوات ورواتب التحافيظ قليلة بس والله فيها بركة مقارنة بالعمل الحر فكنت أبيع خلطات للشعر تجنن وكمان اشتغلت مندوبة بشركة للمنتجات الطبيعية المهم حسيت لما دخلت الشركة بالخوف من أن الفلوس فيها شبهة ةاستمريت أبحث عن مصادر الشركة وأخيرًا قررت أتركها وكان علي ديون + إني العائل لأهلي والحمدلله
عوضني ربي خير وارتفع راتبي شوي وتخيلوا طول هذيك السنين ماجمعت إلا مبلغ بسيط اشتريت فيه لاب توب بالتقسيط
ومرت الأيام وأنا أشوف زميلاتي يشتروا جوالات أخر موديل ولاب توبات وأجهزة مفيدة وأنا أغني هندي ( هههه) ودخلوا الجامعة برواتبهم وقتها فتح علي ربي وقلت : ليس ماأسوي زيهم لكن جاني الشيطان وقال: ياحسرة قد لش راتبك ؟ شوفي كم رسوم الجامعة !! ولاتنسي إنك تصرفي على أهلك ياشيخة بطلي تحلمي وأنت كمان يدك مخروقة مايبقى فيها ريال !!!!!!!!!!!!؟؟؟؟
لما سمعت ذا الكلام قررت أتغير وأحسن نفسي و أرتقي ودخلت الجامعة بالدين والحمدلله أنا الآن بالسنة الثانية ورزقني الله وتزوجت رجل يحمل عني هم التكاليف وبكذا خلصنا
ومرة جالسة أقرا في هذا المنتدى الرائع فتحت موضوع لأخت - جزاها ربي الفردوس- تتكلم عن التوفير بس ماأذكر اسمها بس أذكر إنها اشترت ساعة بــ30000 - الله يبارك لها - وماتصدقوا ياأخوات كيف قلب هذا الموضوع حياتي وغيرني لدرجة إني مو مصدقة . المهم جلست أعيد في موضوعها وأزيد وحسيت بأني أقدر أصير إجابية وموفرة بس أقول يارب
فسويت حصالتين : حصالة لزوجي يحط 100ريال يوميا حتى لو يستلف وأنا لي حصالة صغيرة أجمع فيها النقود المعدنية والريالات وماأفتحها أبدًا بس بصراحة ماقدرت وكمان زوجي يعطيني كل يومين أو ثلاثة 50 ريال
هذي الخمسين قال : اشتري فيها أغراض للبيت ولنفسي اللي أبغاه لكن ماعجبتني الفكرة وطلبت منه يساعدني في مشروعي التوفيري ونشتري أشياء من الجملة والخضار من الحلقة لكنه رفض وقال: ماأقدر أعطيك مبلغ كبير لذي الأشياء لكني مااستسلمت تدينت مبلغ واشتريت أدوات النظافة وهو دفع فلوس الخضار وبعض الفواكه اللي كلفت 140تقريبًا وتصدوقوا جلس معاي البطاطس والبصل شهرين والثوم إلى الأن ماخلص وأدوات النظافة لساها بالنص أو أكثر وصرت مبسوطة بالمرة وحتى الكهرباء صرت أطفي الأنوار ماعدا غرفتي ومكيفها وصرت أسوي الأكل في البيت حتى لو خرجنا نتمشى وزوجي عطار وعليه ديـــــــــــــــــــــــــن حوالي ثلاثة وستين ألف ونص ودفعنا منها وباقي 50 تقريبًا والحمدلله وأبشركم
صرت أبيع لأهلي حتى التمور وكمان لأي أحد بجدة والتوصيل بالمجان وماشي الحال ونفسي دحين أبيع زيوت للشعر من خلطاتي هنا في المنتدى بس ما أدري كيف ؟؟
الله يكرمنا ويرزقنا الذرية الطيبة والمال اللي مايطغينا.

هنالك مقولة قرأتها لوحدة من الأخوات في هذا المنتدى تقول(ابذل اقصى ماتملك وستذهل نفسك حقاً )سوي كل اللي تقدرين عليه ولا تصرفين الا في الضرورياااااااااااات فقط وب المبلغ المعقول وقتها شوفي كم بتوفرين ب الشهر مؤ بس في مصاريف بيتك أيضاً في كل هدف تبين تحققينه اسألي نفسك هل انا بالفعل بذلت اقصى ما املك من قدرات من خطط وتنفيذها من مشورة اصحاب الخبرة من مجهود من صبر من أشياء كثيره علشان إحقق هدفي وبها لطريقة راح تدربين نفسك بالتدريج وكل مره حسيتي بالخيبة قولي لازم هال مره اكون جادة اكثر وحازمة اكثر لازم أوفر لازم اسدد ديوني لازم أساعد زوجي لازم ولازم ولازم. والله يحقق أمانينا واهدافنا

حبيبتي انا قمر الله يرزقك الجنة على المساعدة

صراااحة يبيلكم اسعاف
مصروف الاطفال من حقايظ وحليب 500
حاولوا توفرون وخذوا لكم سيارة نظيفة ماتحتاج كثرة صيانة
يبغالك تكونين مثابرة وعندك عزيمة
أول شي يبغالكم شقة أرخص بعدين تبأون توفرون لأن نص راتبكم في الايجار وهذا غلط