وعجبني لما قلنا لهم هذي هدايا
عطونا مثل الحافظات تحط فيها الشوكولاته
علشان ما تتعرض للحرارة وأنت في الطريق ..
صراحة وحنا رايحين للمصنع في الطريق
كنت أقول الله يستر بعد هالمشوار
إن شاءالله يكون حلو ،
لكن الحمدلله انبسطنا كثير ويستاهل العنوه
على فكرة المصنع يقفل الساعة 6 م
ولا يستقبلون أحد بعد 5 م ..
وهذا رقم التلفون للمصنع لو حبيتوا تستفسرون عن شي
5960 921 26 (0) 41+
طلعنا من المصنع وركبنا سيارتنا راجعين لزيورخ ،
بعدما وصلنا الفندق وصلينا وريحنا
طلعنا نتعشى في ماكدونالدز القريب من الفندق
ثم التجهيز لرحلة الغد الى مدينة روست الألمانية
لزيارة أكبر مدينة ملاهي في أوروبا (Europa-Park ) و قمة الإثارة والمتعة ..
تابعوني..
الشؤون المالية:
التكاليف الخاصة بمدينة زيورخ (لشخصين) لمدة (4) أيام :
غرفة مزدوجة بقيمة 165 فرنك لمدة 4 أيام =2320 ريال
+
إيجار السيارة 500 ريال= 2000 ريال
+
بنزين للسيارة =400 ريال
+
السيرك 84 فرنك = 294 ريال
+
زيارة مصنع النشوكولاته 20 فرنك = 70 ريال
+
مصاريف يومية مثل مطاعم وسوبر ماركت 200 =800 ريال
المجموع للشخصين=5884 ريال
بمعدل الشخص الواحد=2942 ريال
(الجزء العاشر)
~ ~ هُنَا يَفِيضُ الإِحْسَاس وَ تُشْبَعُ الحَوَاسْ ~ ~
(اليوم العاشر) السبت (24-7) ..
هاهي سـاعةُ التوديـع حلـت ........ ورُبّانُ النّوى نَشَرَ الشراعــــا
وتمتمتِ الشفاهُ ولستُ أدري ........ أقلتُ إلى اللقـــــاءِ ! أم الوداعاً !
اليوم بإذن الله بنودع زيورخ الممطرة والأراضي السويسرية
متجهين إلى ألمانيا ،
فيه شغله كنت بقولها لكم عن زيورخ ..
قريت بعض الآراء عنها أنها مدينة ماتنفع للسياحة
وهي مدينة صناعية فقط ،
وترددت كثير قبل وضعها في الخطة
حتى أول ماوصلنا قلت شكلها مملة
ياليتني ماحطيتها في الخطة..
بس سبحان الله بالعكس إنبسطنا فيها كثير وحبيناها
فأخذتها قاعدة مفروض الواحد مايحكم عالبلد لما يشوفها ..
يالله بسم الله شدينا الرحال
وإنطلقنا بعون الله الى مدينة روست (Rust) الألمانية
حيث وجهتنا (Europa park)
أكبر مدينة ملاهي في أوروبا
الطريق حوالي ساعتين من زيورخ ،
مرينا محطة عالطريق نعبي البنزين
وناكل شي خفيف
وأكيد القهوة علشان نصحصح ..
مين يبي؟؟
وصلنا لمدينة روست عالساعة 4 العصر تقريباً ودخلنا الفندق ..
على فكرة بين الدولتين مافيه تفتيش أو حدود ،
يعني عرفنا إننا دخلنا ألمانيا لأن شكل الشوارع والمباني تغيرت ..
زيارتنا لمدينة روست ماكانت علشان ندخل البارك وبس
ولكن نتعرف على هذه المدينة وأيضاً حماسنا نسكن في فندق (colosseo)
الذي صمم على الطراز الروماني بكل تفاصيله حتى المدرج الروماني..
الفندق هذا من أحلى الفنادق الي زرتها بحياتي،
بطابعه واطلالته على مدينة الملاهي
التي كنت أتمنى زيارتها من مدة طويلة،
بالاضافه الى الجو الجميل في مدينة روست الألمانية ..
أخليكم مع الصور بعدها أقولكم بالتفصيل عن هذا الفندق ..
ألحين نروح نشوف الغرفة الثانية
مطل الغرف
ومن هنا نشوف البارك
وصوره من أعلى المدرج على الجهة الأخرى من الفندق المسبح و الحديقة
اسم الفندق: (colosseo) تابع لمدينة الملاهي (Europa park)
شاهدت الفندق عن طريق موقع :
Europa-Park - Hotel Colosseo
والأسعار موجودة بالتفصيل
وفي على يمين الصفحة مكتوب 360ْ
تقدر تتفرج على الفندق من داخله وكأنك تمشي في ممراته ..
للأسف تاريخ زيارتنا كان مافيه إمكانيه
حاولت عن طريق booking.com ونفس الشي
لكن فيه موقع يتبع لليوروب بارك
يتم الحجز عن طريقه ولكن المبلغ غير مسترجع
وبما أننا كنا متحمسين للفندق جازفنا ودفعنا االمبلغ قبل السفر
والحمدلله الأمور مشت تمام ..
الموقع اسمه : www.dertour.de
رقمهم للاستفسار :872839 5 180 49 +
ويتم ارسال رقم الفيزا والاسم ومعلومات الاتصال والتاريخ عن طريق الايميل:
service@dertour.de
الأسعار:
سعر الغرف (3 ليال) : غرفة مزدوجة + غرفة 4 أشخاص = 1330 يورو
على فكره في 4 فنادق تتبع لليوروبارك ولكن (colosseo) الأفضل من وجهة نظري ..
لما خلصنا إجراءات الفندق طلعنا ناخذ جولة في المدينة
لأننا مخططين ندخل البارك بكره الصباح ان شاءالله ..
بالنسبة لمدينة روست هي مدينة صغيرة ولكن اشتهرت بسبب البارك
طلعنا على أساس ندور مطاعم أو أسواق ممكن ناكل فيها ونتمشى
لكن موظف الاستقبال في الفندق قال مافيه هنا الا ماكدونالدز قريب
او المطعم الي موجود في الفندق
أما اذا كنتوا تبون مطاعم ايطالية وعربية ووجبات سريعة
مالكم الا مدينة فرايبورغ (Freiburg) تبعد حوالي 30 دقيقة عن روست
توكلنا على الله
منها نحصل مطاعم ومنها نتعرف على مدينة جديدة..
وصلنا فرايبورغ
وإستغربت بعدد الشباب من البنات والاولاد فيها
تكاد تخلو من الأطفال وكبار السن،
وأتوقع السبب أن فيها الكثير من المدارس والجامعات
يجون أغلب الطلبة من أرجاء اوروبا والعالم ليدرسوا فيها..
المدينة شكلها من الطراز القديم شوارعها مبانيها
ولكن فيها أغلب المطاعم والأسواق الجديدة ..
لقينا مطعم تركي اخذنا منه شاورما وفلافل ،
تمشينا شوي وجلسنا في ستاربكس الى مغيب الشمس
وبعدها رجعنا أدراجنا الى روست ..
على فكرة حصلنا ناس كثير خليجين ساكنين في هالمدينة
علشان يزورون اليوروب بارك
لأنهم ماحصلوا حجز في فنادق اليوروب بارك
وصلنا الفندق
وكانوا مشغلين النوافير في الليل
شكلها جميل
والمطاعم والمقاهي حواليها
والمدرج الضخم أمامها
والجو كان بارد
وهذه بعض الصور..
الصفحة الأخيرة
وأحلى أحلى شي غرفة التذوق ..
يعرضون لك كل الأصناف التي يقدمها المصنع وأنت تذوووق لما تشبع
وبعد غرفة التذوق تطلع للصالة الخارجية وفيها المعروضات
شرينا من الشوكولاته كل واحد الأنواع الي عجبته
والهدايا طبعاً ..