ليالي يسلمووو قلبي

بس انا ابي استفسر عن احسن كوفيرا هناك تصبغ وتقص

سلام عليكم
ليالى اوعى تسجلينى غياب انا موجودة من الصبح ههههه اخاف موت من العصا
فتافت نورتى اشتقنالك بس المهم انك بخير الله يطمنا عليكى دايما
عارفة فكرة الخصل الؤقتة جربتها النهاردة لون جميل بس كل ايدى ما تلمس شعرى يتوسخ
مش عارفة لما اغسلها هيحصل ايه بس تغيير
ليالى شجعتينى اشترى باراشوت وانا كنت بعمل زيك واضيف زيت للكريم لحد شعرى ما بقى دهنى جدا خليها كل اسبوع احسن
اليوم حطيت السدر وبكرة ان شاء الله احكيلكوا حاجة جديدة جربتها
اروح انام سلام عليكم

هلا ام ناصر
وينك ما شفناك اليوم ماهي عوايدك ما شاء الله انتي حضور دائم الله يخليك
انا والله اشوفه حلو بس الريحه هي المشككه فيها خايفه تضر في المستقبل بس بكمل العلبه واشوف اخاف من التقصف
نوم العوافي حبيبتي

هلا يابنوتات ياحلوات وهلا فيك يافتافت نورتي وعذرك معك ياقمر وهلا بضيفتنا فديت أمي ماشاء الله عليك مواضيعك حلوه ... وعندي لك اسئله عن الحنا بس استني لين يجي الوقت المسموح لي بالحنا اذا الله كتبلنا عمر ان شاء الله .......
ليالي .. والله طريقتك في حمام الزيت بإذن الله راح اعتمدها واسويها كل اسبوع مره عشان ترطب هالكشه بس حبيت اسألك يصلح احط معهم زيت القطران لاني ناويه استخدمه بس مدري وش احطه معه ؟.. وثاني شي اذا خلطت الفاشكول مع الزيوت بتطلع الكميه كثيره وانا شعري قصير فيزيد يصلح احتفظ بالباقي او اقلل الكميه ؟ اما بالنسبه لنوع حمام الزيت انا ماناسبني الا فاشكول جربت فاتيكا وبانويل ماحسيت بأي تحسن يعني عادي ..... وبغيت بعد اسأل فتافت انتي لحد الان مستمره على الترمس لاني ان شاء الله بستخدمه وهل حسيت بشي ؟ آسفه كثرت اسئله وبتقولون هيون مشفوحه كل شي تبغى تستخدمه بس لاتلوموني واذا طريقتي فيها اي شي خطا ياليت تنبهوني ترانا خوات ومالمجاملات مهيب بينا ......

كيفكم يأخوات ....اسمحولي أتكلم وافضفض واحكيلكم حكاية ((( كان فية وحدة قصت شعرها من وراء امها مع انهامتزوجة(يعني حرة في أمرها) وشعرها ماهو مره طويل بس امها تحب الشعر الطويل _سبحان الله لما درت أن امها زعلت ماحبت القصة الي سوتها مع أنها حلوة -وكانت كل ما تجي عند أمها تلم شعرها وأخواتها يموتوا ويشوفوها بس ماترضى تخاف أن أمها تتكدر _وطبعا الام فهمت وما سألت بنتها ....وبعد مرور فترة بسيطة طال شعرها ما كملت سنة الا وهو تحت ظهرها ((وهو كان فوق كتفها ورقبتها تبان )) والآن بعد مرور أقل من ثلاث سنوات واصل لنص فخذها بدون مبالغة ماشاء الله جدا ناعم وكثير )))هذي البنت أختي الي أصغر مني وانا ساكنة في مدينة ثانية وكل ماجيت اهلي شفتها وما شاء الله عليها شئ خيال وبصراحة كل أخواتي مثلها بس هي بزيادة ويضرب فيها المثل....طبعا أنا عمري ما فكرت أسألها ايش تسوي ..........لاهية بلقصات والصبغات الي عدمت شعري وامي خلاص ما عاد كلمتني لانها يأست (((وانا والله ما اسوي شي الا ارضيها وتدعيلي حتى وانا بعيدة عنها لازم أقولها وتوافق)) ...المهم لما دق نا قوس الخطر وشعري اعلنها ما عاد أتحمل أكثر من كذا ...بديت أحاول بكل مأقدر أني اعالجه استخدمت زيوت غالية ورخيصة من كل شي ..وأنا عندي صبر ترى أقعد على الوصفة واسويها بحذافيرها لو كان يوميا ...بس خسارة والله مالقيت فائدة أبدا ..وباقي اجرب وادور لعلى وعسى ... ،ارجع لحكاية أختي طبعا أنا سألتها ويش تسوين قالتلي والله ما استخدمت شئ في البداية جابت بعض الزيوت العادية وما انتظمت عليها وتركتها وبس ما استخدمت شئ...وفي مره كنت اتكلم مع أمي وجات سيرت اختي وقلتلها ..سبحان الله كيف طول شعرها بهذي السرعة,,وعلى طول أمي قالت :

الله يوفقها ويخليلها اولادها هذي رضية في- عمرها مازعلتني ولا كدرت خاطري...والله أني ما شفت شعرها لما قصته حتى أني ماني مصدقة انها قصته كل هذا عشان ماتزعلني ))) وكانت امي دائما تدعيلها ...الآن عرفت سر طول شعرها ... الحمدلله رب العالمين الله يبارك لها ولنا في شعورنا ويجعلها ستر لنا دنيا وآخرة

حبت أقول لكم هذي الحكاية والله صارت مع أختي ولا تحسبوا أن شعرها عادي والله أنها تظفره دائما ولما تفكه لا فيه ثنية ولا شئ غزير وكثير ومرة ناعم ماشاء الله لازيوت ولا خلطات ولاشئ
طبعا أناماخليت دعوة ما قلت لامي أدعيلي فيها ...وانا الآن أدور وابحث على شئ يناسب شعري الله يوفق من تدلني وتساعدني

وسلامتكم