اه نسيت اسالكم عن الكثيرة فيه حد جربها للتكثيف
ونتايجها ايه وطريقة استخدامهاوجزاكم الله كل الخير

هلا وغلا بيلسان .. بالنسبة للترمس ايوه من عند العطار وهو قاسي مثل الذرة ولونه بيج وحباته اكبر من الذرة انا طريقتي اجرشه يعني اطحنه الين يصير شيء ناعم وشي مكسر عرفتي عشان ينقع بسهولة وتطلع كل فوائدة .. بالنسبة للريحة ما ادري صراحة فصرت اشطف شعري بنسكافة وترمس وبديت امس عشان الريحة والطول ..



ياقلبي لا تنسى والله ماتدرين قد ايش وحشتني سواليفك ولسانك الي ينقط عسل وهذي وردة لك مني :26:

وممتاز انك رجعتي لزيوت خلاص بلاش ندلع اخذنا اجازة واستانسنا فلازم نرجع والهمة دبل ولا مو :27:



هلا وغلا بصديقتي من ايام التجمع لحوامل مايو والله لك وحشة يالغلا .. تعالي شاركينا ومو لازم حنا عشان البرد مو زين بس سويلك جدول وتعالي شاركينا ..ونورتي التجمع ..



هلا ساسا انا زمان جربت الكثيرا والترمس كنت انقع الكثيرا من الليل مع موية ساخنة وبالصبح احطها ساعتين على كل الشعر واغطيه وبعد ساعتين اغسله من شعري واشطفه بمنقوع الترمس عشان يطول والترمس كمان كنت انقعه من الليل ..
بس للأمانه انا استعملتها شهر بس حتى موو كامل بس عشرة ايام يعني كنت احطها يوم ويومين لا وهكذا والله شعري ما شاء الله تعدل وطول والحمد لله بس صار فيه حاجة وحده الخصل الي كنت مخصلتها صارت تتكسر وتنمط مثل المطاط بس ماخربت شكل شعري لأنه ماكان بكمية كثيرة .. بس انتبهي بالنسبة للكثيرة فيه نوعين اسود او على بني وهذا يعدم الشعر وفيه الابيض وشكله مثل الاظافر هذا الزين والله يوفقك ..



واحنا كمان نحبك بس سالفة مافي حماس لا فيه وبدأ يرجع بس انتي كمان همتك معانا يعني من امس لليوم صفحتين ما شاء الله شدي حيلك ..





شكرا ياعسل على رفع المعنويات .. انا جربتها عشرة ايام يعني يومين ماحطها ويوم احطها ولمدة ساعتين وكنت انقعها من الليل بموية حارة والصبح تصير مثل الجل واحطها على شعري اغطيه تمام وبعدين اشطفها .. بس اقلك الصراحة انا شعري ايامها تعدل بس كان شعري اصلا كثير فما ادري كثرته ولا لا بس الحين انا راجعتلها واشوف ايش يصير .. بس عشان الطول كنت اشطف شعري بمنقوع الترمس في اخر شطفه فشعري ايامها ما شاء الله مشي بس مدري من الكثيراء ولا الترمس والله مدري بس الي اعرفه الترمس يطول والله يوفقك ..

بنات انا بالنسبة لي ان شاء الله اليوم نازلة اشتري الكثيراء وبشتري ترمس كمان من عند العطار لأنه الترمس الي عندي طحنته امس واحسه قليل ..

وامس زيت شعري مثل ماقلت لكم ما شاء الله شعري ماطاح كثير يعني طاح بشكل معقول ولله الحمد الشيء الثاني شعري حسيته لمن نشف مو مره طايح وميت لا حسيته صار واقف ويابس يعني حسيته حيوي وحلو بس للأمانه حسيت بزيت المعاصر فرق بينها وبين الزيوت المعلبة لدرجة انه الزيت الي حطيته نفس الكمية الي احطها دايم بس مدري ليه امس بس تسيل من تحت الغطاء كأني كبيت جركل زيت على راسي تخيلوا يعني بعد بكرة ان شاء الله راح انقص الكمية للنص والله يكتب الي فيه الخير ..

مبروك حبيبتي الملف وابي اشارك معكو بمعلوماتي وتجاربي المتواضعه ارجو قبولي معكما

انا بقلكم تجاربي اول شي جميع الزيوت مفيده الا ماقد ندر بسبب الاضافات ثاني شي عدم استعمال الزيوت المحتويه على الحنا لانها تعيق الصبغ فيما بعد ثالثا استعمال الزيوت الطبيعيه واستعمالها مرتين بالشهر تدليك فروة الشعر وعمل مساج لاطالته التركيز على عدم الكثار من العمليات الكيماويه بعد الحمام اريحي شعرك قليلا ثم سريحيه بمشط خاص بالشنيور استعملي مايناسب شعرك فبعض الزيوت تقوم بتغميق لون الشعر هذه معومات درسته وجربتها بنفسي شعري طويل ناعم وكثيف