ايه صح نسيت اقولكم عن يومياتي ,, الاربعاء كان عندنا زواره وكان موعدي مع حمام الزيت بس قمت بالصبح مثل الشاطرات وسويت حمام الزيت بعدين استشورت شعري ولفيته والله ماكان ودي بس صعبه ناس وعالم مع العلم ان آخر مره استشورت ولفيت يوم العيد ومثل بكره غسلته ,, الخميس المفروض ازيت شعري بس كان عندنا عزيمه لكن اليوم الجمعة بإذن الله راح ازيته .. وش بعد بقولكم ايه فيه تغيير في الجدول والخلطات السدر زي ماهو مره وحده في الاسبوع والزيت راح اخليه ثلاث مرات وبحذف حمام الزيت اللي هو ماكسام مع نواة التمر وراح اضيف نواة التمر مع خلطة الزيوت وبستخدم خلطة حور الجنان حقت التقصف لانه ذبحني وان شاء لله هذا الجدول راح اعتمده على طول وش رايكم كذا احسن والا ؟

ياقلبي انتي معاك مثل ماقالت اختي هيون تكسر بالشعر مو تساقط والشعره الي تشوفيها مقسومة نصين هذا تقصف ..
بالنسبة للتكسر ماعندي فيه خبره بس انا قبل كم يوم اشتريت شامبو برت بلس للتساقط ولمن قريت المعلومات طلع شامبو للتساقط الناتج عن التكسر يعني للي شعرهم يتكسر وهو بخلاصة الصبار اشتريه يالغلا يمكن يساعدك طبعا انا برجع اشتري شامبو ثاني لأني ابغا شيء للتساقط مو التكسر ..

الشيء الثاني بالنسبة للتقصف اذا كان كثير وتحسيه بيطلع لفوق وياخذ مكان اكثر قصيه قبل مايعدم شعرك كله ولو خفيف جربي ادهني التقصف بسمن بري قد سمعت وحده هنا بالمنتدى تقول انه السمن البري يبعد التقصف والله اعلم وكمان سمعت العسل يعالج الشعر بصفه عامه .. وان لقيت اي معلومة تخص شعرك راح ارجع واكتبلك ..



هلا نجمة اخبارك .. والحمد لله انك وصلتي لنتائج وعقبال ماتشوفيه طوييييييييييييييل وكثيف ..


الله يسلمك ويحميك حبيبتي ويلا شدي الهمة ..




ياقلبي خذي اي شيء يناسبك انا ماعندي اي مشكله ولو مابغا استفيد وافيد كان احتفظ فيها وماقولها بس عشاني ابغا الفائدة لنا جميعا بس هاه الي مايناسبها الي يناسبني ماتدعي علي :44:
ياعمري ومبروك النتيجة الي وصلتي لها عقبال ماتشوفين الشعر الي نفسك فيه من طول وكثافة ..
والله يصلح لك بنتك ويهديها شكلها بيبي جديدة عشان كذا مغلبتك ..
ونوم العوافي ياقمر ..





انا بجاوب عن شامبو ميتال لأني استخدمته اسمحيلي ع اللقافه وان جات لا تنسى تذكر تجربتها هي كمان ..
انا نوعية شعري الاساسية دهني من الجذور وعادي وثقيل باقي الشعر بس لمن تساقط وانعدم صار عادي وشوي خفيف والأطراف شوي خشنة مو كثير .. والشعرة صارت مره رمه رقيقة ..
استخدم شامبو ميتال في البداية سبب جفاف خفيف واستمريت عليه ما يئست بس كنت ارطبه اوقات بحمام زيت بالصبار واوقات ببلسم بخلاصة اللوز المهم كان ماشي حاله وحبة حبه تعود شعري عليه وحاليا اكتفي بوضع كريم ومن فين لفين احط بلسم اذا عندي مناسبة او شيء يهمني ..
بس اضنه هو ماينشف يمكن يسمك الشعره شوي عشان كذا نحسبها تخشن ما ادري صراحة ..
وانا لي من آخر رمضان استخدمه لليوم وماراح ابطل منه احسه ناسب شعري بس انا حاطه معاه ملعقتين عسل وبكت جيلاتين ..
هذي تجربتي بميتال ..

شوفي يالغلا بالنسبة ياقلبي لخلطاتك حلوه فكرتك بس ياريت ماتلغي حمام الزيت لأنه راح يرطب شعرك خصوصا معاك تقصف بس عندي لك فكره لحمام الكريم ليه ماتضيفين له ملعقتين كبار عسل لأنه علاج للشعر ومنعم اسئليني حطيته مره وماراح ابطل احطه .. وتضيفي معاها بن لأنه ينعم الشعر ونواة التمر ممتاز كمان لكثرة الشعر .. اما الزيت خليه مثلي كل يومين الثالث زيت وهكذا يصير لا ضرر ولا ضرار يعني اعتدال حلو ..
وحطي رابط حور تبع التقصف عشان نشوفه .. ويستفيدوا البنات المتقصفه شعرها ..
ويارب تشوفي شعرك احلى شعر يالغلا ..

هيونه ..× فتفوووته..×

يسعدكم رٍبي..ويرزقكم إللي تتمنونه عاجلا غير أجل
والله فرحتوني بإهتمامكم وردكم ..جزاكم رٍبي خير..
ووفقكم وسدد خطاكم..

وانا عن نفسي زيت شعري امس وجلست اربع ساعات
بعدها تروشت وحطيت كريم طبيب الشعر..اووف منه على
كل ما أرطبه ما ينفع فيه

امس مسكته وقلت له بقصك بس اصبر علي خخخخخخخخخخ

ياقلبي انتبهي طبيب الشعر بالنسبة لحالتك لوحده ماينفع لأنه صح يهجد الشعر بس يخليه ناشف وواقف مفعوله مثل الجل يعني ينشف الشعر وانتي منتي ناقصه فهمتي
حطي كريم مرطب حطي تونك فازلين خاصه وهوه مبلول حطي كريم مكسام كمان يرطب بس طبيب الشعر لوحده بالنسبة لشعرك راح يكسره نصيحة من اختك اذا ماتستغني عن طبيب الشعر عشانه مثل ماسمعت يطول الشعر اشتري كريم مكسام ياقلبي واخلطي ربع علبة من كريم طبيب الشعر مع نص علبة مكسام والله يوفقك ..

هلا والله ياعسل ردودك تبرد القلب الله يجزاك كل خير ويعطيك ماتمنين ,, حمام الزيت اللي اقولك بحذفه هو عباره عن كريم ماكسام ونواة التمر وزبادي وعسل وهذي المكونات استخدمها في خلطة السدر فقلت الغيه واستخدم شي للتقصف احسن انا بعد خلطة السدر استخدم حمام الزيت فاشكول بالثوم لكن راح اضيف زي ماقلتي ملعقتين عسل بس بغيت اسألك العسل عند كل استخدام والا اخلطه مع علبه فاشكول مايخرب يعني ؟ والشامبو الي تقولين عليه شكلي بستخدمه يمكن يساعد شوي اما نواة التمر حطيتها مع الزيت عشان بستخدم خلطة التقصف وماابغى اجهد فروة شعري .. ومشكوره ياعمري على ردك على ميتال ولا لقافه ولاشي انتي اخت واحنا مجتمعين عشان نفيد بعض .......

هذا الرابط خلطة التقصف ...http://forum.hawaaworld.com/showthread.php?t=1482577