هلا والله بوسام
عوضي شعرك بكره باذن الله
اهم شئالطلعه ما تفوتك ياعسل

يااااااااااحبي لك والله
طيب بسألكم

أقصى مدة لوضع الحنة على الشعر كم سااااااااااعة ...

صباح الخير جميع ..

اخباركم حبيباتي ..

وحشتوووووووووووووووووووووني موت والله ..

تسلمين ياليالي من جد منك مقصره مع احد الله يجزاك الخير ولا يحرمك من الأجر ..

وحيالله البنات الجدد ويارب تستفيدوا من التجمع وتستانسوا وتشوفوا احلى نتائج في شعوركم .. طول كثافه و نعومة ..

والف سلامة على بنتك يا ام الناصر وماتشوف شر ياقلبي .. بالنسبة للعنقز او الجدري المائي اهم شيء الدواء الي بينحط على الحبوب وكمان ابعديها عن الموية يعني لا تروشيها فتره اقل شي اسبوع عشان ماتنتشر حبوب اكثر شعرها سرحيه بس مو من الجذور ابعدي مسافة وسرحيه لها اما ابوهم فيه ابره يروح للمستوصف وبيعطوه اياها اما الصغار خليهم لو اخذوا العدوى افضل عشان مايتعبوا لمن يكبروا انا اقلك حكايتي معاها من يومي صغيرة كان اهل عمارتنا كلهم جاهم عنقز الا انا ولمن تخرجت من الثنوي كنا بالصيف واختي وعيالها عندنا وجاهم عنقز اختي واثنين من اولادها وبعدهم اخوي الصغير وانا ماجاني وبعدها انعدوا عيال اخواني وبعد ما انتهت العدوى يعني على آخر الصيف انعديت بعد تعب يعني كنت ابغا انعدي عشان ارتاح منه قبل ماتبدى الكلية بس ياتعبت تعب مو طبيعي الحبوب التهبت وكثيرة بس كنت شاطرة ما احكها وعلى طول المروحة الصغيرة شغاله عشان تبرد والحمد لله عدت على خير ..
والله يشفيها ..

هيووووووووون ياقلبي وحشتينا واخيرا رجعتي يللا شدي حيلك وخليك معانا يوميا مثل اول .. والله احس ليالي مسكينة فقدتنا لازم نونسها مسكينة ونرجع التجمع مثل اول واحسن ..

انا لا تخافون مازلت مواصله على الجدول ماعدا الحناء لأني خرجت من بيت اختي الثلاثاء بالليل يادوب رتبت بيتي وغسلت الملابس عشان بسافر لأهلي اودي بزورتي والحين انا عندهم وبرجع بكرة الجمعة لوحدي من دون الصغار لازم احد يعتني فيهم مساكين وبعد بكرة الساعة 11 ونص حسوي العملية ..

اما جدولي الاسبوع الاخير كل يومين او يوم بعد يوم زيت بقدونس مخلوط مع زيت بذر القطونا مع ملعقة قطران واوقات اسوي زبادي مع نفس الزيوت وهكذا الين اقوم ان شاء الله بالسلامة ..

اليوم يمكن اقص شعري بس مو قصير لا على نفس طوله راح اساويه واشيل التدريج الي فيه بس لو لقيت عند اهلي كوفيرة شاطرة منها اغير وافجئ زوجي ومنها عشان ارفع معنوياتي واغير وافتح نفسي اكثر للعناية بيه ..

وسبحان الله يا بنات صارت العناية بشعري اساسية معد اقدر اقعد كذا من دون مهتم بيه واليوم الي فرضا انسى اني احط شيء احس اني قلقانه الين ما احط خلطتي ومرتاحه كذا والشعر الحمد لله كل ماله يتعدل ..
وابشركم الوالد الله يخليه لي جابلي جالون كبير قطران :p قلي هذا يكفيك سنة واتركي قطران العطارين وغشهم .. جابه من الجنوب .. وتصدقون عند اختي قطران زي الي جابه لي الوالد جابه لها زوجها استخدمته معاها مره لمن كنت عندها والله مفعوله اقوى واحلى من الي عندي وماصدقت جابلي الوالد وبستخدمه واشوف الشهر هذا ايش حيصير ..

وبكرة ان شاء الله حكون مخلصه 6 شهور كاملة عناية بشعري وحبتدي بالشهر السابع والله يطول ببالي اكثر واكثر الين ماشوف شعري طويل وكثير وقطعه وحده ..

والله يرزقنا كلنا بالشعور الي نتمناها ولا يضيع علينا تعب ..

بنات ايه فايدة زيت البقدونس في بنات بتشتري الزيت نفسه من العطار وبيخلطوه بزيوت تانيه وبيقولوا بيطول الشعر ؟؟؟؟؟؟؟؟؟؟

انا امبارح روحت من الشغل وعملت حمام زيت ( خروع - صبار - نخاع - حبة البركة - لوز حلو ) عملته وغطيت شعري بكيس وعليه طرحة وسبته تلات ساعات وغسلت شعري بشامبو فاتيكا بالحنه وبعدها دهنت شعري مسحه كده زيت براشوت الذهبي وعليه نقطتيين زيت خردل وربنا يكرم يا بنات