بسم الله الرحمن الرحيم
شاخبااااااركم بنات وحوامل امهااااااااات وربي اشتقت لكم كثييييييييير
كيف الحمل معاكن عسى الله يهون عليكم يارب ويقومكم بالسلامه
والله ما انسى دعواتكم لي :)
وهذي قصه ولادتي لعيونكم حبايبي:
رتبت شنطتي وجهزت ملابس البيبي وكل شي حبيت بنتي وولدي
بنتي عمرها 2ونص وولدي 5 سنوات ضميتهم حيييييل حسيت اني ماراح اشوفهم ثاني
بنفس اليوم كان زواج صديقتي واتصلت عليها ابارك لها واودعها بنفس اللحظه وكنت على شوووووووق اشوفها بالفستان الابيض لكن ماقدر الله
قالت لي صديقتي الله يسهل عليك وانتي رايحه للمستشفى تصدقي لعمال اللي يشتغلون بالحر دفعه بلى وعشان ربي يسهل ولادتك
مشينا بالسياره وودعت عيالي لبيت هلي ظليت مع زوجي بالسياره وكل ما نقرب من هندي نعطيه ريال
تصدقنا لحوالي 7 عمال واناعلى امل من رب الرحمن يسهل ولادتي
دخلت المستشفى للاسعاف وقالت لي تنويم ووقعت على الطلق الصناعي والعمليه اذا حصل شي لاسمح الله
ودعت زوجي وقلت له امانه عيالي تنتبه عليهم
دخلوني التنويم وجاتني الدكتوره عملت لي فحوصات وسونار وقالت نسبه الماء قليله لازم ولاده حبيبتي فراح نعطيك طلق صناعي عن طرريق التحاميل
علشان مويه الجنين ماتقل وتجف فنظطر لاجراء عمليه
طبعا انا توكلت على رب العالمين وقريت المعوذات والاذكار
ودخلت الدكتوره :( ومعها التحميله حطتها بس عورتني مرره وصرخت
وراحت وظليت ابكي واللي جنبي متنومين يطالعوني ويقولون الله يسهل عليك يارب
بعد ساعه من التحاميل بدت معي تقلصات بسيطه
وبعد ساعتين زادت وبعد ساعه زادت اكثررررررر
وشوي انادي السستر اقول لها تعالي فيني الم قووي ماقدر
ركبت علي التخطيط والالم ذابحني ولما خلصت منه جاتني وقالت مافيكي ياختي الم طلق قلت ايييييييييييش!!!
وربي اني اتالم حيييل..
بعد 3 ساعات تقريبا من الالم :( جات الدكتوره كشفت علي وانا بمووووووووووووووت من الوجع
قالت نص سانتي مفتوح بس!
هنا صررررخت وقلت حرااااااااااااااام والله الالم قوي يادكتوره ماستحمل هي عاد مارحمتني عطتني التحميله الثانيه ورجيت فيها قسم التنويم بصراخي
حآآآآآآآآآآآآآر تعذبت والله :(
ظليت اطلق 3 ساعات متواصله وبعدها خلااااااااااص خلاص تعبببببببببت
من الالم جلست اضرب الطاوله ورميت المخده واصارخ باي احد يمر علييي آآآآآآه وربي مت مت
جلست ادعي بقوه صوتي يارررررب ارحمني واغفر لي يارب سهل علي ..الخ بس بصوت عالي
جات السستر تكشف وقالت 3 سانتي مفتوح بس
طحت ارجف بالسرير ودمعت عيوني قلت بنفسي خلاص بموت مافيني قوه اصبر واستحمل الى 10 سانتي
جلست اطلق واشهق وابكي واتذكر عيالي وزوجي يالللله ارحمني
ودعيت ( يارب ان كنت تشوف الحياه خير لي فاحييني وان كنت تشوفها شر لي فتوفني)
طحت على بطني بالسرير ورجولي تحته وراسي تحت المخده وجسمي يررررررجف
دخلوا علي السسترات وقالوا خوذي نفس ماما قوم يلالا مافي اجلس كذا
وانا بحال مايعلمه الا الله شالوني وحطوني بالسرير ومشوني لغرفه الولاده ماحسيت بنفسي الا بسرير الولاده والدكتوره تقول 5 سانتي راس تحت في ولاده يلا ادفعي ماما
رجولي راح لونها صارت صفراء وماحس فيها وانا ادفع مع الالللم .. ومع طلعه الراس سبحان الله شفت الدنيا بيضاء والاصوات اختفت
وسحبته مني وحسيت اني رجعت للحياه من جديد يالله شعوور غريب كاني شفت الموت اللهم ارحمنا يارب
وزالت الالامي كلها.. طلع من رحمي وقلت اللهم لك الحمد يارب كما ينبغي لجلال وجهك وعظيم سلطانك
شكرت الله كثييير
عطوني ولدي وقلت له يابابا تعبتني حيل ودوني الانتظار
كانت معي بالشنطه عصاير وفطاير
والفطور لسى علييييه كنت جوعانه ومعي 5 حريم والدين
ناديت السستر وقلت وزعي عليهم كلهم
شكروني ودعوا لي وفطرنا وعطونا المسكن والادويه
ارتحنا ساعتين وبعدين قالت السستر يلا غرفه التنويم
على طلعتنا كانت وحده توها والد وبردانه بسريرها الكل ماعبرها ولا سستر يقولوا هذي بطانياتنا تحملي ماما
وربي ماقدرت اصبر اشوفها كذا :(
قمت من سريري ولحفتها ودعت لي بالخير
وربي احن على غيري اكثر من نفسي ..
والحمدلله
وطلعت من المستشفى بس تعبان فيه بوصفار طلعت عالمسؤليتي لان عنايتهم مو حلوه مرره
والله يجزاها خير اللي تفيدني لان ماودي ارجعه للمستشفى وينومونه :(
بصراحه اصعب ولاده ولادتي الثالثه آآآآآآه طلق صنآعي الله لا يوريكم يارب
ويجعل كل ولاده لكم طبيعيه بدون طلق صناعي ولا غيره..
ودعوآتكم لي احلى هديه وربي ان ماقدرت اردها لكم بالدنيا
اسأل الله ان يجمعني معكم بالاخره اقاسمكم الحسنات يارب
الله يوفقكم
ملاحظه : حبيباااااااااتي لاتخافون ترى الولاده تسهيل من رب العباد
اتمنى محد يخاف وترى الطلق يختلف من وحده لوحده
الله يحفظكم يارب
بسم الله الرحمن الرحيم
شاخبااااااركم بنات وحوامل امهااااااااات وربي اشتقت لكم كثييييييييير
كيف...
روعتونااااااااااااااااااا يابنات الله يعين