" بسم الله .. ما شاء الله تبارك الله "
" السلام عليكم يأ احلى كرووووشااااااااات والله يتمم حملكم ويسهل ولادتكم يارب "
انا من ايام كنت مثلكم كروشه والحين رشيقه يارب لك الحمد ولك الشكر ..
حبيت قبل ما ابداء قصتي اشكر كل بنات تجمعي لانهم وقفوا معاي وساندوني وكنا على قلب واحد الحمدالله وحبيت اشكر كل من بارك لي وتحمد لي با السلامه واقولهم جزاكم الله كل خير عز الله ماقصرتوا ..
قصتي سلمكم الله انا يابنات كان موعد ولادتي 19-12 بس الحمدالله ولدت قبل موعدي بـ أسبوع ولدت تاريخ 14-12
في يوم السبت تاريخ 12-12 رحت انا وبناتي للالعاب في المجمع العبهم واغير لهم جو رحت والحمدالله لعبتهم و وديتهم كارفور وخليتهم يشترون الي يبون منه كأني عارفه ان وقت ولادتي قريب عشان كذا مدلعتهم المهم يوم خلصنا طلعت للبيت و رحت وجلست مع اهل زوجي في الصاله واتقهوى واسولف وياهم وكنت احس في شد من اسف بطني بس ماعطيته اهميه وصارت مفأجاه ماكانت لا عا البال ولا عا الخاطر انكب الماي عندي حريم خوان زوجي وبنت خالتي بعد موجوده انا اختبصت وصااار وجهي عفيسه ورحت لغرفتي بدلت ورجعت ما ابيهم يلاحظون لانه انكب شوي صدق بلل ملابسي بس محد لاحظ الحمدالله والكرسي الحمدالله كان غامق ومابين فيه شي يوم رجعت جلست جنب مكاني عشان محد يجلس عليه وفجأه بعد انكبت مره ثانيه والحمدالله بعد محد لاحظ لان كان فيه مطر قوي والكل قايم عند الدريشه يشوفون المطر وسحبت نفسي ورحت الغرفه وارسلت مسج لوحده من حريم خوان زوجي الي هي ام شهد1 الي بشرت تجمعي بولادتي قلت لها تشيل المرتبه الي على الكرسي عشان محد يجلس عليها وخلاص معاد طلعت من غرفتي جلست فيها وكل شوي ينكب الماي ومعاه الم بس خفيف جدا قلت بصبر لين يحمى الطلق واروح المستشفى وصبرت وصبرت وصبرت وجاء الصبح وهو على نفس الم بس زاد شوي حبتين اتحمله يعني وقالت لي خالتي خلنا نروح لعياده خاصه نشوف الوضع قبل مانروح للمستشفى الي بولد فيه ويمسكوني ويلعبون فيني قلت اوكي المهم رحنا ع الساعه 12 الظهر الاحد انا عندهم وكشفت علي قالت انا انصحك تطلعين من عندي وسيده ع المستشفى الولاده لانه الماي خف كثير عند البيبي ونخاف يصير شي فا الاحسن تكونين عندهم يراقبون الوضع قلت خلاص بروح لهم بس اهم شي مايصير في البيبي شي ورحت للمستشفى على طول يعني الساعه 1 كنت عندهم وكشفو علي قالو 3 سانتي يعني بينوموني عندهم لين ينفتح 4 ينزلوني ع الولاده المهم ودوني غرفه وخالتي معي ومره الالم يقوى شوي ومره يصير الالم عادي يعني كله بعد اتحمله وجابو التخطيط يراقبون وضع البيبي وخذو تحاليل وجابو لي الملين قلت خلاص انتوا عطيتوني لعبت عليهم لان خالتي قالت بيلعب فيك الم طلق والم الملين بيذبحك على ان الطلق بيحمى وعلى ها الحال لا حمى ولا شي وكل شوي يجون يقسون ويحصلونه 3 يوم جات الساعه 12 الليل قاسو حصلوه 4 ونفس الالم ماتغير اقدر اتحمله يعني المهم قالو خلاص بنزلك تحت للولاده انا فرحت قلت الفرج قرب الحمدالله نزلوني والطلق لاحمى ولاشي ولا انفتح اكثر المهم قلت لهم عطوني طلق صناعي في الوريد وفكوني وابي ابره ظهر لاني خفت من الطلق الصناعي لانه يقولون انه حامي ويذبح قالو خلاص بنعطيك طلق بس الابره احنا ماننصحك وكلام كثير انه مايأيدوني فيها وانا مصره عليها ابيها قلت انتوا ماعليكم مني انتوا نادوا الدكتور الي بيعطيني الابره وانا بكلمه وهو بيفهمني المهم قالو خلاص براحتك بس مراح نعطيك الابره الا لما يبداء فيك الطلق الصناعي صدمه لي يعني بحس في الطلق الصناعي قلت اوكي بس اهم شي ما احس فيه كامل بدايه بس قالو خلاص وجابو الطلق الساعه 1 وحطوه مع المغذي ونصف ساعه بداء يبين فيني اول مابداء قلت يلا حطو الابره خلاص بداء قالو اصبري قلت مابي اصبر الحين تنادون الدكتور انتوا ماعليكم مني نادوووووووه الحين قالو اوكي وجاني الدكتور وجلس ينصحني قلت انت يادكتور عطيت كم حرمه فيه حد منهم تضرر قال لا الحمدالله قلت توكل على الله اجل وانا متوكله على ربي والي بيصير بيصير سميت بسم الله وتوكلت على ربي وضربني با الابره الساعه 2 وربع تقريبا جلس فيني يمكن 8 الى 10 دقايق من تعقيم وتنظيف المكان وضرب الابره والله توقعت تألم طلعت عاديه كأن ضاربك ابره عاديه وقالي بعد ربع ساعه مراح تحسين في شي وفعلا 2 ونصف اختفى الم نهايئا وخالتي جنبي تقول اشوف التخطيط الطلق ضارب عندك فوووق وانتي عادي تسولفين وتنامين ولاكان فيك شي المهم جات الساعه 3 واحس فيه شي يدفع من تحت قلت حق النيرس قالت لا عادي قلت شوفي اكشفي قالت يلا يوم كشفت حصلته ماشاء االله تبارك من 4 صار 8 الحمدالله فرحت قالت خلاص ساعه وحده وتخلصين ان شاء الله وجلست احس با الدفع لين 3 ونصف وكشفت قالت 9 ماشاء الله وجهزت كل شي وطلعت خالتي برا وكسرت الكرسي ورفعت رجولي وقالت لي اول ما اقولك ادفعي ادفعي يعني اذا جاتك الطلقه تدفعين قلت ما احس انا قالت انا بقولك قلت اوكي ودفعه ورا دفعه ورا دفعه جاء فهودي يارب لك الحمد الساعه 4 الفجر ..
نصيحه يابنات :
الي طلقها بارد وطولت في الولاده تاخذ صناعي بسرعه يخلصك والله بعد الله طبعا
والي تخاف تاخذ ابره ظهر لاتخافين والله انها ابره عاديه جدا وتريح صدق انها نعمه من الله للي بتولد
واخر شي :
اتمنى من الله ان الله يرزق كل محرومه با الحمل السليم يارب ويتممه لها و يهون ويسهل على كل وحده حامل وتفرحهم بشوفة اطفالهم يارب ويعوض كل من فقدت جنينها يارب با الحمل السليم عاجلا غير اجل
:)
ام ملاك15 @am_mlak15
محررة فضية
هذا الموضوع مغلق.
تاريخ ولادتك نفسي وولدت بتاريخ 21 - 12 وجببت بنوته وكان عندي طلق قبلها باسبوعين والرحم مفتوح واحد سانتي بس الحمد لله ولدت بالسلامه والف الف ميروووووووووووووووووووووووووووك والحمدلله على السلامه انتي وفهودي ويتربى بعزكم
ر ا م
•
الحمــــــــــد الله على سلامتك وسلامة فهـــــــــــودي
يتربى في عزكم إن شـــــــــــــــــــــــاء الله
والله يهون علي وعلى كل الحوامــــــــــــــل يارب
يتربى في عزكم إن شـــــــــــــــــــــــاء الله
والله يهون علي وعلى كل الحوامــــــــــــــل يارب
الصفحة الأخيرة
والله يخليلك فهودي ويرزقك بررررره ..