السلام عليكم انا موضوعي طويل وبحاول اختصره طبعا انا من صغري شفت وتعلمت ان الوحده لازم تصير سنعه وظفره وتهتم بنفسها وبيتها وزوجها وعيالها وخليك سنعه ومن هالكلام لكن لاحظت شي ان اللي كان ينضرب فيهم المثل وانا صغيره مانفعهن سناعتهن وراح ابدا بامي اول وحده كانت ماشاءالله سنعه وتحب تطبخ وتهتم بالنظافه وعيالها من الفجر تقوم قهاوي وكرف وتنظيف بيت وبزران وابوي يبي قهوه واكل يعني قايمه بكل شي ماشاءالله بس كل هذا للاسف مانفعها خلاص امي كبرت شوي وابوي تقاعد وصار فاضي ويشده اي تقصير لها بالبيت والناس عيونها ماترحم اخذت فتره امي ماتدخل المطبخ من بعد عزيمه كبيره سوتها والحاله الثانيهبنت عمي ماشاءالله من وعيت على الدنيا وهي مثل النحله ببيتها والله يابنات بحياتي مادخلت بيتها الا يلمع من النظافه والترتيب وريحته تفتح النفس على ان عيالها على بعض بس مستحيل تدخلين بيتها لو فجاه الا هو نظيف حتى المنديل ماتشوفينه طايح بالارض نظافه نظافه حتى تقولي زوجي اول مايروح للدوام انظف البيت كله طبعا بيتها دورين ثم تروح لغرفة الغسيل بالسطح وتغسل الملابس وتكويها ثم تقوم عيالها الصغار وتفطرهم وتلبسهم قبل ابوهم يجي ثم تجهز القهوه والغدا ثم تلبس الا زوجها جاي والبيت نظيف وعيالها نظاف بتقولون حلو بنت عمي بحملها الاخير جتها دوالي وطلبت زوجها شغاله لان بوقت عيد الاضحى قال ماعندي شي مع انه يقدر يدبرها تقول طول عمري قايمه فيه والا عمري اشتكيت ويوم طحت وتعبت يقول مامعي قال اصلا البيت ماشوف فيه شي وكل ماجيت من الدوام الا انك متبطحه والله ماعندك لاشغل ولاشي تقول هذي مشكلتي كل مايجي يلقا كل شي مجهز ونظيف ماحس بالتعب اللي يجيني والكرف من يوم يروح الدوام وفيه بعد جارتنا الله يذكرها بالخير كانت امي تقول سنعه وكانت تقوم بالضيوف كل اسبوع ذبيحه من كثر ضيوفه مره طبخت قعود وذبيحتين وهي حامل كانت تستحي منه ماتقول لا حتى وهي طالعه من المستشفى والد يستقبلها بذبيحه ويقول الذبيحه. بالمطبخ تحلف ان ماعمره ساعدها بشي مريضه والاحامل والا نفاس بكل حالاتها تطبخ بالاخير جازاها بحرمه ثانيه والله يابنات لو تشوفون كيف مدلعها عمرها ماطبخت ولا ذبيحه خلاص ترك الاولى مع عيالها والذبايح يوديها طباخ والثانيه مايقول لها لا يعني راحت تضحيات الاولى المسكينه
طبعا غيرهم كثير لاحظت كثر السنع يعجز بالوحده بدري ويمكن يعود الرجال ان اللي قدامه اله مو بشر واذ تعبت مايرحمها بالمقابل لاحظت بقريبات لي مشهورات بالرفاله ومع ذلك حياتهن حلوه ومستقره وبعضهن ازواجهن طايرين فيهم مثل مرة عمي وهي نفاس او تعبانه او معها الدوره مستحيل تسوي شي بالبيت خلاص معوده زوجها اكل من برا يجي من دوامه يغير لعياله وينظف البيت حتى قايله له بالنفاس اذ ماهتميت فيني راح يجيني الخو وهذا مو زين للحرمه مع اني ضد اللي تقول لزوجها عن الخرابيط هذي بس والله لو تشوفون عمي مايخليها تلمس شي بالنفاس مره يقول قعدت العصر كله امسح البيت وانظف المطبخ تعرفون المسيكينه نفاس واهلها بيجون مع انه لها شهر يوم يقول لنا يعني تقدر تحرك على خفيف بس ماتبي مع ذلك عمي مدلعها ومايشوف غيرها ماقال رفله ووصخه وماتهتم ومثلها قريبتي البيت دايم حايس والعيال بالشارع وهي كل يوم قهوه عند وحده والزوج طاير فيها ومريحها مافكر لا بنظافه ولا رفاله انا من كلامي هذا ماانصح بالرفاله ولا السناعه لكن الوحده تكون نظيفه لان الاسلام امرنا بذلك وتدلع نفسها وتدلع نفسها وتدلع نفسها الرجال اذ مرضت وطاحت عن حيلها ماراح ينفعها وبيبدلها بوحده يالله طولت عليكم جا هالموضوع ببالي وحبيت افضف
يلزم عليك تسجيل الدخول أولًا لكتابة تعليق.

سماهر الشهري
•
اخت طليقي نفس اللشي والله العظيم ان كلامي بدون مبالغه تخيلي هو بالدوام هي تطبخ وتآكل عيالها وتتحمم ويجي هي كاشخه وحاطه له الاكل ولها ولولدها الكبير تخيلي يومممممياا اقسم بالله كذا الحلى كل مغرب عوائدهم من هذا اللشي ومن ذاك اللشي و الإبداع بالترتيب تخيلي 18 سنه بالنهايه راح اخذ عليها وحده وهي تغيرت تقول اهمللللللتتتتتتهه سويت وتعبت وبالنهاية يجازيني ب شريكه الحين ندمااااان وباين الندم بوجهه وتخيلي من كمل شهر ع الثانيه سافر لدوله عربيه مرغوبه للرجال وراح تزوج هناك خلاص صار حاااايس بالنهايه اعترف لها انه ضاع بعدها وهي اعطته أشكل وعايشه حياتها طول وعرض وقالت له متنازله عن يومي لهم

جمشت
•
ياقلبي ان شاء الله ان امهاتنا مأجورات كلهم كذا
بس والله الرفله تحوم الكبد
يعني على ماقلتي الوسط زين
بس انا اشوف ان السنعه لها احترام والناس تخاف من
النظيفه اذا دخلت بيوتهم يعملون لها حساب
ويجي لها سمعه حلوه واهتمام وممكن توصل للغيره
يغارون منها الحريم
بس ترى انتي صادقه
مثل الطيب مهضوم حقه
والقوي الاقشر ياخذ حقه
لكن ترى الطيب نيته ترجع عليه وما عليه خوف ربي
متكفل به وله اجر بعد
يعني اللي طيبه لا يضيق صدرها شطحت شوي
وبالنهايه ترى السناعه طبع يعني اللي سنعه ما
تتحمل تصير رفلا
والرفلا ما تقدر تصير سنعه ولو حاولت الا ما ترجع
لرفالتها
بس والله الرفله تحوم الكبد
يعني على ماقلتي الوسط زين
بس انا اشوف ان السنعه لها احترام والناس تخاف من
النظيفه اذا دخلت بيوتهم يعملون لها حساب
ويجي لها سمعه حلوه واهتمام وممكن توصل للغيره
يغارون منها الحريم
بس ترى انتي صادقه
مثل الطيب مهضوم حقه
والقوي الاقشر ياخذ حقه
لكن ترى الطيب نيته ترجع عليه وما عليه خوف ربي
متكفل به وله اجر بعد
يعني اللي طيبه لا يضيق صدرها شطحت شوي
وبالنهايه ترى السناعه طبع يعني اللي سنعه ما
تتحمل تصير رفلا
والرفلا ما تقدر تصير سنعه ولو حاولت الا ما ترجع
لرفالتها

fofo85
•
ياختي ليش نقول صيروا رفلات ومدري ايش نقول للوحده سوي اللي تشوفينه صح واللي يريحك ولاتحملين نفسك فوق طاقتها
وهالشي اللي انا اطبقه بحياتي من تزوجت للحين يعني مارهق نفسي عشان والله بس يقال عني سنعه او بس عشان يحبني زوجي اسوي اللي انا شايفته صح
يعني مريضه ماقوم بالقوه او ازحف عشان اصل المطبخ واطبخ بس عشان لايجي زوجي من الدوام وانا ماطبخت اتصل عليه واقول الله لايهينك اليوم تعبانه جيب معك غدا
ولا اقوم اغسل واطبخ واكنس وانا تعبانه عشان يجي زوجي ويلقى البيت مرتب وريحة بخور اللي اصلا انا اذا تعبت اكره ريحته وامنعه من البيت لين اتشافى
بالمقابل الحمدلله اليوم نشيطه اقوم اسوي غدا انظف تنظيف عميق او سطحي البس اولادي امشط شعورهم ابخر واعطر وممكن استقبل زوجي عند الباب يعني اسوي شغلي اللي متعوده عليه مو اللي مجبوره عليه
وهالشي اللي انا اطبقه بحياتي من تزوجت للحين يعني مارهق نفسي عشان والله بس يقال عني سنعه او بس عشان يحبني زوجي اسوي اللي انا شايفته صح
يعني مريضه ماقوم بالقوه او ازحف عشان اصل المطبخ واطبخ بس عشان لايجي زوجي من الدوام وانا ماطبخت اتصل عليه واقول الله لايهينك اليوم تعبانه جيب معك غدا
ولا اقوم اغسل واطبخ واكنس وانا تعبانه عشان يجي زوجي ويلقى البيت مرتب وريحة بخور اللي اصلا انا اذا تعبت اكره ريحته وامنعه من البيت لين اتشافى
بالمقابل الحمدلله اليوم نشيطه اقوم اسوي غدا انظف تنظيف عميق او سطحي البس اولادي امشط شعورهم ابخر واعطر وممكن استقبل زوجي عند الباب يعني اسوي شغلي اللي متعوده عليه مو اللي مجبوره عليه

lolo 110
•
ببساطه لان الرجال ما يهمه.ترتيب البيت كثرنا نحن الحريم...المهم بيت بظاهره كل شي مرتب وخلاص ليش تتعبون اعماركم بالتعزيل الي ماينتهي عشان ترضون ازواجكم؟او عشان انفسكم؟تبغين تعزلين دارك فلنفسك...تبغين تطبخين فلنفسك...هون مشكلتكم بتعتبروا كلشي بتعملوا ارضا للزوج فقط....وتحملوه.جميله تعبكم وشغلكم مع انه.ماحد جابركم على هالشقا...الرجال يهمه حرمه نااار عالفراش وتعاملها حلو معه ومحترمته...اما تقولين ترتيب وطبخ وعزايم....فهاد انتو الي اشقيتوا نفسكم بنفسكم....وسلامتكم...

هذا مو مقياس انو السنعة حياتها
تعيسة و أعسر
والرفلة سعيدة وذات حظ أوفر
الفرق بينهما هو الذكاء وبعض الكيد الأنثوي
فالسنعة جد متفانية وتضحي بصحتها
وبكل وقتها ف سبيل راحة المحيطين بها
أما الرفلة ، هدفها الاول هو راحة نفسها وبدنها
والتدلل واستغلال كل الوسائل المتوفرة
لمزيد من الرفاهية و الانتعاش ...
والاجمل منهما هي السنعة من غير مبالغة
حتى لا تصدم في قابل أيامها
بمن تفانت في خدمتهم
وحتى لا تخسر صحتها ولن تجد بعدها
من يشفق عليها ويرحم حالها وقت شدتها
وحاجتها للعون
تعيسة و أعسر
والرفلة سعيدة وذات حظ أوفر
الفرق بينهما هو الذكاء وبعض الكيد الأنثوي
فالسنعة جد متفانية وتضحي بصحتها
وبكل وقتها ف سبيل راحة المحيطين بها
أما الرفلة ، هدفها الاول هو راحة نفسها وبدنها
والتدلل واستغلال كل الوسائل المتوفرة
لمزيد من الرفاهية و الانتعاش ...
والاجمل منهما هي السنعة من غير مبالغة
حتى لا تصدم في قابل أيامها
بمن تفانت في خدمتهم
وحتى لا تخسر صحتها ولن تجد بعدها
من يشفق عليها ويرحم حالها وقت شدتها
وحاجتها للعون
الصفحة الأخيرة