هههههه زوجي غير الأسم والنغمة....تعحبوني يابنات حواء...

كيفكم ياحلوات,,,,,,
ابشركم زوجي غير اسمي والنغمة ههههههههههههههههههه
اول مارجع اليوم مالسفر طبعا سافر ورجع اليوم عشان موضوع جارتنا اللي طرحتها لكم واللي كانت متابعتها ابشركم رجعت بس مع بداية الدراسة الله يجمع بينهم على خير...
طبعا استقلبته احلى استقبال...كاشخة ومجهزت له القهوة والشاي وحلا واخذ دش وجلس...
المهم قالي وش سوى.... وانه انتهى الموضوع اكيد بعد ماشرح لي التفاصيل....
وهذا الحوار اللي دار بيننا..
انا: ترى نزلت موضوع الأسم والنغمة فالمنتدى...
هو: افا لية...
انا:بصراحة لك شهرين ماغيرت النغمه قلت ابشوف الحل يمكن احد بساعدني
هو: ههههه لا واضح انها قضية شائكة!!يالخبلا حاطها استهبال وامزح معاك لاتصدقين انك مسوية ثورة بعدين لية ماحطيتك ثورة تونس والا اليمن والا سوريا...
انا: مدري عنك؟؟
هو: سميتك ثورة 25 يناير عشان انها ثورة مصر ومصر اسمها (ام الدنيا) وانتي ام الدنيا بالنسبة لي:icon28::icon28::icon28:عشان كذا سميتك ها فهمتي
طبعا حسيت على راسي ريشة هههه
انا: طيب والنغمة!!!!
هو: اصلا غيرتها الأسبوع اللي فات وانا فالمحكمة ونسيت اقولك ياقلق! دقيتي وانا واقف عند كاتب العدل وانحرجت احراج طالع فيني بنطرة و**** اني استحيت...
انا : الحمدللة .... بس غير الأسم احسن
هو: اكيد راح اغيره مادام انك نزلتيها وسويتي ثورة فالمنتدى هههههه خلاص باسميك (مصدر ابتساماتي) هههه بس جيبي اللاب خليني اشوف الردود ياشطووورة
انا:لا لا لا منتدى حريم..
هو: اصلا ماقد دخلت على منتدياتكم اصلا انتي منتدى لحالك جيبه جيبه
قمت وجبت له اللاب ودخل وشاف الموضوع والردود
شوي وفي رد زعله اللي تقول(تفو عليك وعلى عرفني عليك)؟!!!
وشوي ضحك على اللي تقول حطي نغمة انتم انتم!! وقال الحمد للة انك مني زيها ههه
بعدها فطسسسسسسسسسس :42:ضحك على اللي تقول البسي شرشف هههههههههههه قال هذا الرد والا بلاش...
بعدها قال بدل ماتطرحين مواضيع زي كذا وش رايك تنزلين مواضيع مفيدة شوي!!
قلت :زي ايه!!
قال: انا يوم اشتغلت في مستشفى الأدمان قبل خمس سنوات (طبعا كان يطبق اخصائي اجتماعي)...شفت اكثر الحريم مايدرون عن اولادهم وازواجهم ومايعرفون المتعاطي وادواتهم....؟
قلت حلووووو خلاص بس متى؟؟؟
قال :اذا فضيت؟؟؟؟
طبعا هو كسووول بس انتظروووووني...
ومرسي اووووووووووووي عللى اللي شاركتني...