مرحبا خواتي ... بحكي لكن تجربتي بالسفر
واللي صار لها مثل موقفي تقول تجربتها
انا 😍😍من يومين رجعت من السفر قضيتها مابين البوسنه وطرابزون
كانت الرحله مع زوجي العزيز ♥️.. عساني ما خلى منه وللعلم انا الزوجة الثانيه ..
المهم قررنا نروح البوسنه ايام ومن ثم نطير الى طرابزون بتركيا .. وقبل السفر زوجي كل مره يقول مابي تبويز وزعل وغيره ( عارف طبعي) .. طبعا قلت له اوكي .. اهم شيء اسافر😂😂😂
ومن ثاني يوم بدأ ت المشاكل .. لما طلعنا منطقه بعيده عن العاصمة سراييفو
وانا طبعا قاعده بالخلف عندي التموين ( الشاي والقهوة ومعمول الكرامه .. .، الخ ) وكنت اعطيهم هو والسايق كل شوي
وكانت الاجواء خيال.. اتينن 😍
قال السايق (وليته ماسأل كل واسكت ): انه المعمول لذيذ وحلو
فرد عليه زوجي المحترم بأنه زوجته الاولى تجيد عمل المعمول ويمدح فيها .. لا أخفي عليكم دخلتني الغيره ولكن قلت بسكت لسبيين :-
الاول : لانها زوجته وام عياله وامرأه طيبه
والثاني لاني مابي اخرب سفرتي واستمتع بكل لحظة .
ولما وصل الليل رجعنا الشقه نصلي المغرب والعشاء ونطلع السوق .. سويت لهم روب رمان وبروح اتجهز للطلعه .. قال زوجي بفكاهه انا ماحب روب الرمان ومايعجبني تبين تموتييني ترا عندي عيال في البلد اذا انتي ماعندج عيال .. هالكلمه اثرت فيني وايد وقلت له شكرا ع التجريح ورحت الغرفه وبكيت
بعدها حس فيني ولحقني قالي تجهزتي بنطلع ،، رديت عليه: لا .. مب طالعه مكان ، تعبانه ..
وبدأ الهواش لدرجه ضربني خفيف وقال : تبين تكبرين السالفه وتسوين مشاكل وموشرط اكل الرمان .. غصب ! 😔 ويالله نطلع
وانا اخاف منه لما يعصب ولبست وطلعنا وياشينها من طلعه كل حد بروحه هو يكلم السايق وانا اكلم سيراميك الممشى
ولما رجعنا الشقه تمنيته يبادر يقول كلمه .. وانا دموعي تنزل
ولا قال شيء بالعكس راح ينام
وقمت اعتذرت له ولو اني احس مو غلطانه وقلت له انا انسانه احس بالغيره عندما تمدح الاولى امامي وتردني انا .. احس فرق بالمعامله
فقال انتن الحريم مشكله .. ولما وصلنا طرابزون كان بعض الخلاف البسيط من الغيره لانه البنات حلوات بكثر وهو يطالع .
والخلاف الاكبر عندما كنا راجعين للبلد من طرابزون كان الترانزيت في اسطنبول 6 ساعات خططت نروح السلطان احمد وميدان تقسيم وياليتنا مارحنا
لما دخلنا المترو رايحين تقسيم كان القطار مليان وزوجي بدوي مايحب الزحمه طووول .. زعل وسكت ولكن نظراته لي تقتل .. والمشكله ضعنا شوي بالمحطات
ولما وصلنا تقسيم بعدنا مادخلنا الممشى قام يصارخ فيني يالله رجعنا المطار والغلط مب منج منا انا اللي طاوعتج
واخذنا اقرب تاكسي
وكملها راعي التاكسي قال يمكن ماتلحقون ع الطايره .. وتعالو استلمو من زوجي مسكني بالسيارة وانا بغيت ااصيح .. ويسمعني كلام ..مثل : اخر مره اسافر وياج .. وانا الغلطان خليتج على هواج
وتقسيم وتقسيم .. شو فيه تقسيم اوادم تمشي 😄.. العقل ناقص ..
المهم وااااايد كلام سمعت . ولحقنا ع الطايره ولما وصلنا قال غسلي ايدج نسافر برع .. حدج دبي 🙈
خمائل ورد @khmayl_ord_1
عضوة جديدة
يلزم عليك تسجيل الدخول أولًا لكتابة تعليق.
•°جورجيو ارماني°•
•
بعذره
مناريتا
•
اهم شي سافرتي واستانستي وغلطتك انك كبرتي بعض الامور التافهه وهو زوجك كمان الله يهديه زودها حبتين بذات في سالفة تقسيم ان شالله السفره الثانيه احلى من غير مناقرات 🤕😌
تعليقاً على الغيره من الاولى:
تقهرر الزوجه الثانيه اذا غارت من الاولى 😕
اتمنى ان يتزوج زوجك بالثالثه عشان تعرفين احساس الاولى مزبووط🤗
تقهرر الزوجه الثانيه اذا غارت من الاولى 😕
اتمنى ان يتزوج زوجك بالثالثه عشان تعرفين احساس الاولى مزبووط🤗
الله يعينك بعض الرجال يعدد وهو مايعرف يراعي نفسية الحريم
لا ماعليك بيسفرك مره ثانيه ان شاءالله بس اصبري لين ينسى خخخخخ
الله يسخرلك ويرزقك بالذريه الصالحه
لا ماعليك بيسفرك مره ثانيه ان شاءالله بس اصبري لين ينسى خخخخخ
الله يسخرلك ويرزقك بالذريه الصالحه
الصفحة الأخيرة