هوايتي واراء الي حولي تحسسني اني مسكينه

عندي هوايتين مفضله جددا القراءه وشغل البيت 
ايه شغل البيت هو هوايتي الي استمتع فيها 
اسمتتع وانا ارتب الغرف واكنسها وامسح الطوالات ... واااو شعور حلووو 
اشغل لي انشوده بايفوني واحط السماعات ع اذني وابدا امارس هوايتي اكنس امسح ارتب اغسل اكوي واااو واطبخ ... واصور الي طبخت 
وطبعا اذا حسيت بارهقاق ارتااااح 
والحمد لله معتنيه ببشرتي ونفسي ودااايم ارطب ايديني عندي مرطب ع الكمدينا كل ما مريت رطبت ايديني .. ومو بين علي ابدا لا اني تعبانهبالعكس عندي وقت طووويل اقراء فيه والعب مع عيالي واقعد مع زوجي واطلع .... طيب بتقولو كل شي تمام ... صح بس ... الي حولي دااااايم يقولو لي 
مسسسسكينه الله يعينك 
الله يكون بعونك 
تتعبين الله يعينك 
لو عندك شغاله كان ارتحتي 
جيبي شغاله باليوم وارتاحي 
الي ماعندها شغاله ما تحلق ع شي 
..... الخ من العبارات الي دااايم تردد 
انا احسع عااادي احس الشغل وناسه وشي اشغله به وقتي 
واحرك جسمي وهذا شغل الانثى الاساسي 
وما احسه ماثر ع حياتي اطلاقا
بس من كلامهم بديت اتاثر 
فيه وحده مثلي 
تشتغل في مملكتها وهي حابه 
ما ابي الي تشتغل وهي كارهه 
ابي الي تشتغل بروووواق وحب واستمتاع وهدوء 
فيه احد زي 
وهل اثر عليه كلام الناس 
للمعلوميه حتى القراءه يحسسوني اني ماني مستمتعه في الحياه لاني عاقله بزياده في نظرهم
مع اني احس حالي عاديه
يعني لازم استهبل عشان اكون عايشه الحياه صح
واضحك لين اطيح عشان اكون فلاويه وفالتها
مع اني جدااا مرحه واحب الطلعات والتماشي 
بس صرت احس نفسي مسكينه وبحاجه للشغاله
مع اني احس لو جبت شغاله راح تاخذ من هواتي 
وانا اقعد فاااضيه ...
عمري 26 سنه وصرت احس من كلامهم اني لازم اتغير عشان استمتع بشبابي
مع اني احس اني مستمتعه
يمكن الاستهبال والخمول الدائم هوايه عند البعض ممكن ليش لااا الناس يختلفون
انا اجد متعه في الترتيب والتعطير والطبخ هوايه ممتعه اجد نفسي فيها
وهي في الواقع ما تاخذ من يومي الا ساعتين وان زادت ثلاث


احبكم
جموول