هوسسسسسسسسسسس الماركات

صح لسانك

حبيبتي بالنسبه لهوس الماركات هذا مرض الله لايبلانا
يعني تحط في بالها انو الشي اذا كان ماركه هذا حلو
واذا كان تقليد او من محل عادي وعععععع
شوفي عشان ما أكون مثاليه أنا أشتري ماركات وبأسعار مرتفعه
لكن اهم ضابطين عندي اول شي الصدقه وثاني شي انو ما اضغط على زوجي
والا الحمدلله اللي عنده فلوس يحطها في شي يستاهل
اما بنعمة ربك فحدث
يعني الله اعطاني اروح اشتري من الاسواق العاديه ليه؟
مادام اقدر والحمدلله اتصدق مايحكمني اي شي

صدقتي اختي

وجزاك الله كل خير على التنبيه

والله لايحرمنا النعمة

اول مرا اسمع انو فيه ملابس مستعمله للبيع
اصلا قرف كيف ترضى تشتري عقب احد

شوفي غاليتي..

المسألة أولا وأخيرا ترجع للإمكانيات والمبادئ..

بمعنى :

اللي ربي معطيها ومنعم عليها ليه نستكثر عليها تشتري ماركات أو غالي بشكل عام..

أو حتى اللي حالها متوسط ليه نستكثر عليها من فتره لفترة مادامت تأدي حق ربها و وتتصدق وماتتسلف عشان تشتري..

هذا من ناحية الإمكانيات..

أما المبدأ..

أنا مااطيق ومااداني اللي تجي وتتفلسف حرام تبذرون فلوسكم وتشترون شنط ماركات..وهي نجسه وخبيثه ومن تحت لتحت وراعية غيبة ونميمة
من الأولى تعالج نفسها من هالذنوب اللي ماتقارن بالماركات وهوسها !!

و اللي تجي وتقول حرام تبذرونها بماركات..

وهي تشتري لك عشر شنط تجيب البلا بقيمة شنطة تهبل !!

أو تشتري كومة خلاقين بقيمة قطعة حلوة وفخمة ممكن تكتفي فيها وتكشخ بها.

وليه اذا جينا نتكلم عن الماركات نستكثر على بنت شنطه بـ 10 الاف ونقول اشتري شنطة بـ 100 مثلا
ومانستكثر على الرجال انهم يشترون سيارات تطق 500 الف..

طيب هذي اهتمامات الرجال

للحرمه بعد اهتماماتها ورغباتها..

وانا بصراحة وجهة نظر شخصية جدااا جدااا ومهوب قصدي أجرح أحد بس من جد..

أي ووحده تعلق على لبس أو شنطة ماركة بتعليق سيء أفسره على طول إنه غيرة..

والعيب بنظري إني ما أملك شي يخليني أجاري المجتمع المخملي إن جازت التسمية وبالتالي أنعزل !!

هذا العيب لأن الإنسان بالنهاية بمعدنه..

لكن والله إذا ربي معطي الوحده خير ليه تحرم روحها وتظهر بهيئة أقل من غيرها..