السلام عليكم ورحمه الله وبركاته
اهلين بنات رجعت لكم مرة ثانيه اكمل معكم رحله هوسي بالتنظيف والتنظيم واسمحولي على التاخير بس مشغوله بامتحانات بنتي ..
وفي البدايه كما تعودنا نذكر بروابط المواضيع السابقه للي ما تابع معنا الرحله ..
هوسي بالتنظيف والتنظيم (الجزء الاول المطبخ )
http://forum.hawaaworld.com/showthread.php?t=2229063
هوسي بالتنظيف والتنظيم (الجزء الثاني عالم بناتي )
http://forum.hawaaworld.com/showthread.php?t=2232355
واللي حاب يشوف مواعين مطبخي يتابع هالرابط ..
http://forum.hawaaworld.com/showthread.php?t=2193340
وقبل ما ابدأ بغيت اوضح انا بيتي دورين وخصصت ادوات تنظيف خاصه لكل طابق ..وكان معي شغالتين ..الاولى خاصه للغسيل والكوي والاهتمام بالبنات وعليها تنظيف الطابق الثاني ..والثانيه للطبخ وعليها تنظيف الطابق الاول ..والحوش مشترك بين الاثنتين ..وكل شغاله مسوؤله عن اغراضها للتنظيف ..
والحين خلونا نبدأ
الجزء الثالث (ادوات التنظيف )
بسم الله وماشاء الله
اولا: الفرش والمب
انا علقتهم بعلاق بالحوش الخلفي ..طالع شكلهم انظم شوي وسهل على تجفيفهم ...ومثل ما تشوفوا اللي على اليمين هذا لتنظيف ارضيات البيت بس القطعه الخاصه فيه مطلعتنها للغسيل ..
ثانيا : البكت او الزيل (ما اعرف ايش تسموهم )
حطيتهم بمكان جنب الغاز ,,ويمكن تستغربوا من عددهم بس انا مقسمتنهم ..الصفراء لارضيات البيت ..الزرقاء للحمامات ..الخضراء للمطبخ ..الحمراء للحوش ..
حطيت ارفف لاغراض الحوش ..وهذه الفرش اللي بالرف الاول لتنظيف الحوش ..
ثالثا :ادوات تنظيف الغرف والحمامات
انا حاطه اغراض التنظيف بسله خاصه ..وكل طابق له سله خاصه .. الطابق الاول حاطه سلته بدولاب المغسله اللي تخدم الصاله ..والطابق الثاني حاطه سلته بدولاب مغسله البانتري ..
والحين خلونا نشوف ايش داخل هالسله ..
مثل ما تشوفوا فرشاتين وحده خشنه لتنظيف السجاد والثانيه ناعمه لتنظيف الرخام والسراميك (طبعا انا استخدم ممسحه من القماش اللي شفتها معلقه برع وقطعتها بالغسي بس الفرشاة للم البقايا )..وهذول للتنظيف اليومي والاسبوعي يكون بالمكنسه الكهربائيه ..
شامبو السجاد مع مله واسفنجه خاصه له ..هذه لتنظيف البقع اللي بالسجاد ..
بودرة معطر السجاد ..هذه استخدمها للتنظيف الاسبوعي ارشها قبل استخدام المكنسه الكهربائيه ..
منظف الزجاج مع الفوط الخاصه له للنوافذ والمرايا ..
ادوات تنظيف الحمام
مثل ما تشوفوا ديتول(مهوسه بريحه الديتول اذا ما شميتها بالحمام كانه ما تنظف ) مع صابون البودر و الجل الاخضر اخلطهم في المله مع بعض لتنظيف اطقم الحمام ...والارضيات لها نوعين من التنظيف يومي انظفها بالماء والديتول والجل واستخدم لها المف الخاص بالحمام ( اللي شفتوه سابقا ) يكفي بدون رش للماي ..وهذه كل علشان احافظ على الابواب الخشبيه ( الشغالات ما مقصرات الماي في كل الحمام والابواب خرب صبغها ) وتنظيف اسبوعي يكون بالصابون والديتول واستخدم له الفرشاة لتنظيف الارضيات وتشطف بعدها بالماي و بالوايبر ..وفيه تنظيف شهري ..كل شهر تضيف الشغاله فلاش او كلوركس للصابون علشان الخطوط اللي بين السراميك..
فوطه الارضيات
هذه عبارة عن قطعه قماش استخدمها لتجفيف الحمام بعد التنظيف وبعد كل استعمال الشغاله تغسلها وتنشفها ..وانا حاطه بدل واحيانا استخدم فوط الاستحمام القديمه ..
هنا ديتول سبري لرش الاسطح ..بف باف في حاله حشرات ونمل او بعوض ..اكياس زباله لسلات الحمام والغرف ..وقفاز لحمايه اليد من المنظفات ..
هذا طبعا محتوى كل من السلتين اللي تحت واللي فوق ..وفيه نفس هالاغراض تقريبا تحت دولاب مغسله المطبخ ايضا لتنظيف المطبخ ..وهناك اضع بعد الاحتياطي من المنظفات تعرفون الشغالات ما تقول خلص الا اذا شافت اخر قطرة وانا ما احب كذيه فمعوتنهن اي وحده تاخذ اخر حبه تكتب في قائمه المشتريات ..