اهلين بنات رجعت لكم مرة ثانيه علشان اكمل معكم رحله هوسي بالتنظيف والتنظيم ..وبصراحه تفاعلكم وتبادلكم الافكارمعي في الجزء الاول وهذا الرابط للي يبي يطلع على الجزء الاول(مطبخي )
http://forum.hawaaworld.com/showthread.php?t=2229063
واللي يبي يطلع على موضوعي (لعيون عالم حواء (بفتح خزائن مطبخي واشاركم طرقي في التقديم )هذا الرابط
http://forum.hawaaworld.com/showthread.php?t=2193340
كل هذا شجعني اكمل الجزء الثاني (عالم بناتي )..
طبعا الاطفال اغراضهم كثيرة وصعبه التنظيم ..وانا وزوجي هوسنا هالبنات نحاول نوفر لهم بيئه تعليميه وترفيهيه بنفس الوقت تعرفون على زمنا كنا نكتسب مهاراتنا ونمارس هواياتنا والعابنا برع بس الحين تخاف على ابنك من كل شي انا حتى قدام الباب ما اقدر اطلعهم واذكر ايامنا كانت امي اذا رجعنا قبل اذان المغرب تصارخ علينا ..الحين مساكين اطفالنا ما يعيشوا طفولتهم واحنا ننلام ونعذر ايش نسوي هالعالم صار يخوف ..
طبعا يمكن تقولوا العاب اطفالنا مبالغ فيها بس انا بناتي من النوع اللي يحافظ على اغراضه او بالاصح انا وراهم على طول فعلشان كذيه الالعاب تطول معنا شوي خاصه بنتي الكبيرة محافظه وفيه معنا العاب من عمرها تقريبا صار لها 7 سنوات يعني الالعاب اللي بتشوفوها تجميع ل7 سنوات منها القديم ومنها الجديد ..
وبصراحه يمكن انا احس انه غرفه العاب بناتي مش بترتيب مطبخي وللاسف بعدها ما ترضيني بس لضيق المساحه وما عندي اماكن للتخزين كبيرة الاغراض مبهدله شوي خاصه انه الغرفه لعده استعمالات مش للالعاب فقط وفيه دولابين بالغرفه انا مخصصتنهم لاغراض الشغالات (وان شاء الله ناوين مستقبلا نضيف غرفه بالبنت هاوس للشغالات والكوي وبتفضى الدواليب وبقدر ارتب الاغراض اكثر..
على العموم يمكن لما اعرضهم تساعدوني وتعطني افكاركم الحلوة ..
وللعلم انا فكرت بعده تسميات قلت حضانه بناتي ومرة فكرت بمدرسه بناتي لاني احاول اوفر لهم كل الاشياء التعليميه والترفيهيه بنفس الوقت فلقيت عالم بناتي هو الانسب ..
سمحولي طولت عليكم بس بغيت اوفر عليكم وتوقعت بعض الملاحظات فحبيت اوضح من البدايه ...
ف بسم الله وما شاء الله خلونا نبدأ ...:27:
