هوس التجميل !!

بنات تحسون وضعي طبيعي ؟ انا مب راعية فيلر وغيره مع اني مب حلوه وغير ان ماعندي ماده كل شوي اسوي بالالوف انا احس اهم شي بالبنت الترتيب والنظافه والاناقه هذا اللي يجذب حتى لو انك مو حلوه لكن مرتبه هالشي يكفي لكن اشوف اللي حولي صديقاتي اقاربي اقسم بالله يابنات ملكات جمال جمالهم فضيع مع كل هذا مو مقتنعين باشكالهم لعبو بوجيههم لعب بالفيلر والبوتكس وغير والحين من شدة هوس التجميل صار ودهم اجسامهم وخشومهم يسون لدرجه وحده تقولي يوه انتي قديمه ماسويتي ولا شي بنفسك ووحده من قريباتي ماشاء الله جميله جميله بس طاحت بالفيلر وكذا صار زي الادمان كل شوي تزيد فيلر كل شوي بمكان بوجهها والمصيبه توهم صغار اعمارهم 25 وومكن اصغر
لدرجه مره سالت وحده قالت انتي سوي مره وحده شي بوجهك بتصيرين مثلنا بدون شعور ودك
تسوين كل شوي شغله يصير فيك زي الهوس
اعرف وحده تدخل جمعيات
عشان بس تسوي فيلر بوجهها
غير كذا انا بالسناب عادي اصور شكلي احيانا على الطبيعه بدون فلاتر او بفلتر بسيط اختي تجلس تضحك تقول يفشل شكلك عدلي عليه!! الحين الحلوات مايحطون صورهم بدون فلتر ىتعديل فوتو وبرامج تصغر خشم وتكبر عين وتعرض وجه وتصغر فم وانتي تحطين شكلك الحقيقي!! قبل كنت انسانه طبيعيه
صح اعرف اني مب حلوه بس قنوعه
اني اترتب وكذا لكن لما شفت ملكات جمال
مو عاجبها شكلها وحتى اذا صورت صوره
بفلتر مستحيل تنزلها لما تسوي تعديل عليها
يعني انصدمت من ناس اعرفهم كنت
بالسناب كنت اقول ليش انا كذا شكلي وهم كذا فجاه شفتهم ع الواقع صح حلوين لكن مب مثل صور السناب ابد ولا لم صورهم اللي ينزلونها لامن ناحية بشره ولا صغر خشم او فم
ولا شي
يعني احس ماحد صار قنوع بشكله حتى اللي كانت قنوعه بشكلها تكرهه نفسها اذا شافت اللي حولها
اخير بنات سوال
هل صدق ان الزواج يعتمد على شكلك؟
اذا انتي حلوه بتحصلين نفس اللي تبين يقولون
ونفس الشخص اللي ببالك بيجيك عشان
جمالك والعكس اذا مافيك جمال ماحد يبيك