هو زين والا شين والله مدري ؟؟بنات حواء مايقصرن

هي اشياء تافهه وماتسوى ولافيها شيء لو طلبتها بالتلميح او التصريح

واللي بيطلب عيوني فدووه لعيونه

اللي ابي اقوله هل هو زين انك تعودينهم على هذا الشيء والا ؟؟


علاقتي باهل زوجي علاقه رسميه عاااديه جدا كلها احترام


اذا وحده من اخوات زوجك عجبها شيء من حاجياتك وسالتك من وين وكذا يعني اعجبتها القطعه ايا كانت بلوزه شنطه اللي هي
وهم دايم يسالوني وتلقينها نفس القطعه وكل وحده تسالني وماتدري ان ذيك سالتني عنها بعد هههههه


هل الافضل تقولين لها اعجبتك تبين تغيرين فيها عاادي اذا بغيتي اطلبيها مني..؟؟؟اولا <<<جاوبوني على هذي النقطه بالذات
اللي خلاني اسال موقفين..
الاول اخت زوجي اعجبتها بلوزتي مررره وهي متزوجه جيت بقول تبين تغيرين فيها اعطيك اياها وهوونت هههههههه مدر ي وش الزين
والموقف الثاني كان علي لبسه وكم مره البسها عندهم وقالت لي وحده من بناتهم دوورتها بالسوق الفلاني ومالقيتها من وين جايبتها قلت من السوق الفلاني قالت زين بروح ادورها قالت الثانيه الا اخذيها وسوي عليها هنا ماقدرت اسكت انحرجت قلت زين اذا تبين تاخذينها وتسوين عليها اعطيك اياها قالت خلاص بنتصل عليك اذا بغيناها



لانه انا كذا مع اخواتي وبنات اخواتي ناخذ من بعض لان الناس اللي عند هذي يختلفون عن ناس هذي
يعني ناخذ من بعض ونغير عند اهل ازواجنا وبنات اختي ياخذون ويغيرون عند عمانهم نشوف انه عادي ومافيها شيء



ههههههههههههههههههه والله يابنات ان ردووودكم عسل
استحيت من اللي قالت راس مالها بلوزه ..هههههههههههههه
واللي يقولون اذا كانوا زينين معك عااادي <<هنا المشكله يازين الرسميه ما بي الميانه وكل يوم والثاني ناطات عطينا وعطينا وابلش عااد اذا بغيت حاجتي وهي عندهم وش يرجعها استحي اقول ابيها ورجعوها مو من طبيعي ابد

وللعلم هم اذا بغوا شيء من بيتي يطلبونه من ولدهم وهو يجي يقول عطيني كذا اهلي يبونه اي شيء من المطبخ مثلا طقم ملاعق لعزيمه اي شيء فهمتوني وانا اقول بصرهم هذا بيت ولدهم وحلال ولدهم لكن اغراضي الخاصه تبون الحقيقه ماودي انه يكون بيني وبينهم هذا الشيء ياخذون ويرجعون وفي نفس الوقت افكر واقول عااادي