هو صاحي ولا انجن صايره تصرفاته ابد مو طبيعيه

السلام عليكم
اخواتي تقريبا لي من تركت حبوب منع الحمل ٨ شهور وربي ماكتب حمل
رغم انه التبويض طبيعي وزوجي حلل الحيوانات المنويه طبيعيه
طبعا زوجي متحمس مره يبيني احمل رغم عندي٣ اطفال اصغرهم ٥ سنوات
كل شهر نحاول ونفشل راحت العامله وبيتي كبير ٣ ادوار وقدمت ثانيه بتجي بعد العيد
قلت اصبر تاخذ بريك الكم شهر هذي لانه ماعندي عامله وحمل وشغل بيت قال لا خلينا عادي ومره رفض انا طنشته قلت ان شاءالله ربي يختارلي الخيره المباركة ماراح اعاند زوجي واكبر راسي ومشيت الوضع طبيعي
جتني الدوره قبل اسبوع وعلمت زوجي انجن وعصب وانا خلاص عارف انه انتي متعنيه تكرفين بالبيت عشان ماتحملين بس انا اعلمك
شغاله بكنسلها وحمل مابي وخلي كرفك بالبيت ينفعك قلت يافلان صعبه اترك المرعى ترعى لازم اكنس انظف اغسل الملابس جبلي عاملات بالساعات وابشر احط رجل على رجل قال عادي البيت خليه يغبر والملابس اوديهم برى واكل اطلبي من المطاعم كلها شهرين وتجيك شغاله ثانيه وانتي لاتتحركين خلك دايم جالسه او منسدحه عشان اذا ربي اراد وحملتي ماينزل الحمل من الشغل
قلت له يافلان الان انا مو حامل وصعبه بهمل البيت والاطفال وانسدح على امل انه يصير حمل صاحي انت لازم بتحرك اذا حملت بنتبه النفسي لكن مو حامل وعايشه جو الحامل سلامات صاحي انت الحمل اذا بيصير يصير بشغل ولا بدون
قال الشغاله بكنسلها ولا تحملين ولا ابي منك بزران واكرفي ونظفي ومسحي وكنسي عيشي حياتك
وزعل مني ولا يكلمني له اسبوع على هالحال
صعبه ياناس بطنش بيتي اطفالي وانسدح وانا مو حامل لو كنت حامل اكيد بنتبه النفسي لكن مو حامل وجالسه لا انظف ولا اطبخ ولا اقوم في امور بيتي وين مستحيل والله تجيني كئابه مقدر الله يعطينا الصحه والعافيه
وزوجي مطنش ولا يكلمني ولا ادري كيف اتصرف معاه
يقول شغلك في بيتك ياثر على تلقيح البويضه بالحيوان المنوي مو صاحي ذا الرجال مستحيل بهمل اطفالي وبيتي وبس منسدحه ٢٤ ساعه عشان على امل تتلقح البويضه هههههه
كيف اتصرف معاه شلون أفهمه بهذلتني جنني في سالفه ذا الحمل
المشكله زعلان ولايكلمني حتى الأكل ماياكل يجي يلبس ويطلع واذا كلمته قلت الى متى رد علي مافيه شي عادي انا طبيعي
طيب طبيعي ليش ماتجلس ليش ماتسولف قال خلاص لاتطولينها مالي خلقك طيب نتناقش مافيه شي نتناقش فيه الى متى؟ وانت مكتم ماني مكتم وعلى ذا الحاله لنا اسبوع الوضع مزعج