السلام عليكم ورحمة الله وبركاته
من فترة وانأ حابه اعلم عيالي الصغار وهم بعمر السنة والسنتين ..
ففكرت وطلعت بفكرة ..
كنت حابه أزيد من عدد المفردات اللي عندهم ...
فسويت عروض فيديو لمساعدتهم لزيادة مفرداتهم ...
وقسمته لعدة أقسام :
الأعداد
الحشرات
طعام
جسم الإنسان
حيوانات أليفة
المواصلات
حيوانات برية
الملفات عبارة عن صورة وصوت ...
فمثلا تظهر صورة الكلب ومعه صوت يذكر اسمه وبذلك يربط الطفل الاسم بالصورة ...
أتمنى تستفيدوا منها مثل ما استفادوا منها عيالي ...
لأنه ولدي اللي بعمر السنتين كان عنيد وما يحب يتعلم والحين ما شاء الله عليه عارف كل المفردات الموجودة وبنتي الصغيرة حفظت بعض المفردات ..
وأتمنى كل وحدة عندها فكرة لتعليم الأطفال بهذي السن تضع فكرتها هنا عشان الكل يستفيد ...
وأتمنى نذكر في الملف كيف استفادوا عيالك من هذي الأفكار ..
أنا بنتي عمرها سنة، يمكن لسى بدري إنها تتعلم الأعداد والحشرات والأشياء هذي،
بس ما يمنع إني أحفظها عندي وأبدا أعلمها من عمر السنة ونص..
مشكورة بلوفوكس،،
والله يخليك لعيالك ويخليهم لك.