هيثة القروض والاسكان للمواطنين...الامارات

اختي انت طلع لج القرض والا لا ؟ لانه لو ما طلعلج فاسمحيلي ما في اي اجراءات تسوينها غير الانتظار لين اجتماع اللجنة وصدور الاسماء اما اذا طلع فانا بخبرج سو تسوين بالتفصيل الممل ....

بااااااااي

حياج اختي ام سيف...وبارك الله فيج على الاهتمام والرد

بالنسبه لي...طلعت لنا ارض...اسمنا بالقرض ان شاء الله بيكون نازل في قائمه شهر 12....حبيت اسأل شو الاجراءات...أو شو لازم اسوي عشان ما اعطل نفسي بالنسبه للبنيان...فيه صديقة لي يلست تقريبا اكثر من سنه عشان التصاميم والخرايط....و6 شهور ثانيه في ما ادري شو بعد...يعني يلست سنه ونص بدون ما تبني

ودي اعرف شو المطلوب...يعني كيفيه الاختيار او التعامل مع المهندسين...شو احسن...اشوف فله جاهزه...ولا اطلب خريطه يديده ...بصراحه ما ادري اتأخر في اي نوع من انواع الاجراءات....

بعد صديقتي تقول ان قيمه القرض ممكن التفاوض فيه مع الشركه الي بتبني...يعني اطلب منهم خصم قيمه الاقفال والابواب والارضيات واشتريها انا واوفر على نفسي قيتمها في اشياء ثانيه تستوي في البيت....

موضوع حلو ومفيد لنا..............

هلا اختي ظبيانيه يالله تلاحقي عمرج لانه مشوار البنيان طويييييييييييييييييييييييل :time:

اول شئ سيري انت وريلج وخذوا كاميرا ديجيتال وتموا لفوا على البيوت اليديدة اللي في مرحلة التشطيب وصوروا اي شئ يعيبكم مثل السيراميك والحمامات عزج الله والمطبخ وافكار الديكور في المجلس وغرف النوم والابواب والاصباغ عندج منطقة المزهر والورقاء والمحيصنة والبرشاء كلها فلل يديدة اذا انت من دبي او الشارجة سيري صوب المطار ترى الفلل تينن :23:

ثاني شئ دوريلج تصميم فيلا من الفلل يكون عايبنج ومقتنعة فيه وشايفتنه في مكان او مثلا فكرة في بالج وحابة تسوينها في بيتج وخبريها للاستشاري وخليه ينفذها وبعدين عدلي عليها وكل مرة بيعطيج مخطط يديد لين ما تقتنعين وهاي المرحله وايد صعبة وطويله يعني ممكن تاخذ 5 شهور ولا تستحين من الاستشاري ترى بياخذ فلوس لين يقول بس يعني طلعي عيونه :23:

واذا تبين استشاريين بطرشلج عالخاص اوكي

ثالث شئ وبعد ما تخلصين التصميم بعد لفي عالبيوت الحلوة واللي بنيانها مضبوط وخذي اسم المقاول وقدميه للاستشاري علشان يسوي مناقصة وكل مقاول بيعرض سعره وانتوا اختاروا افضل العروض والاسعار والاستشاري في هاي المرحلة بيساعدكم في الاختيار ولا تنسين تستخيرين وتتوكلين على الله لانه المقاول اهم شئ في الموضوع

واذا تبين اسامي مقاولين ثقه خبريني


اهم شئ تبدين من الحين ترى والله يلست انا وريلي 8 شهور بس فس هاي الاجراءات وما بغينا نخلص غير بعد اختيار المقاول اجراءات البلدية وفحص التربة ومادري شو الله يعينكم بس

اذا تبين اي شئ بعد لا تترددين وان شاء الله اكون افدتج

والسموحة

تسلمين اختي وبارك الله فيكي....فعلا شكله مشوار طويل....ممكن ترسلين لي اسم الاستشاري والمقاول على الخاص ما عليج امر

انا من بوظبي....وان شاء الله بشوف الفلل الي عندنا في بوظبي