السلام عليكم ورحمه الله وبركاته
قال الله سبحانه وتعالى :
" إِن اللَّه لاَ يُغير ما بِقوْمٍ حتى يغَيرواْ ما بأَنفسهِم "
لما تبدا بدايه الدراسه كلنا نقوم بحماس فضيع , وان شاء الله هالسنه غير عن اللي قبل
هالمره معدل تراكمي , هالمره تخرج , وكلن على حسب حاله .
تعرفون الايه اللي فوق توصف حياتنا بكل اشكالها !
لما الشخص يبغى يغير من حياته ويقعد على نفس الجلسه ماراح يتغير من وضعه ابداً
هالايام سمعت محاضره لمحمد العريفي يقول فيها :
اضعف الايمان , تخيلو معي اضــــعفه انك تدعي ربك لتغيير , وهذا سبب بسيط من اسباب التغير
لما يكون في حياتي هم وغم ومشاكل كثيره اضعف الايمان اني ادعي ربي واعمل بالاسباب
لاتقولون احنا بالدنيا مسيرين مو مخيرين هالكلام هذا كله غلط ومافيه من الصحه ولا نقطه .
احيانا المصائب تبعد عنك وتتخطاك بسبب عمل صغير عملته لتغير من نفسك مثلاً صدقه , دعاء , عمل خير , اجتهاد شخصي لتغير .
الله سبحانه وتعالى يقول : وقل اعملوا فسيرى الله عملكم ورسوله والمؤمنون .
نعمل ونحاول التغير ومع شويه دعاء يصير اللي نبغى بأذن الله .
في فرنسا ومن سنين طويله كان فيه رجال كبير بالعمر اسمه ابراهيم و له محل صغير في عماره
العماره هذي تسكنها عائله يهوديه لهم طفل صغير اسمه جاد .
جاد هذا يشتري يومياً من ابراهيم وكان دائماً يصرق من المحل قطعه شوكولاته .
وابراهيم يعرف انه يصرق وساكت لانه طفل وصغير .
بيوم من الايام نسى جاد يصرق شوكولاته , ناداه ابراهيم وقال : نسيت الشوكولاته .
خاف جاد وقال لشيخ : انت تعرف اني اصرق منك ؟ هل بتعاقبني ؟
قال ابراهيم : نعم اعرف وماراح اعاقبك بس بشرط انك ماتصرق واذهب ولك مني اعطيك كل يوم شوكولاته
طلع الطفل واحب ابراهيم وتعلق فيه ومرت السنين وكبر الطفل وصار شاب وكان يشتكي دائم الى الشيخ ابراهيم مشاكله
كان ابراهيم يعطي جاد كتاب ويقول افتح الصفحه الفلانيه ونلقى الحل .
كان جاد متعجب من الكتاب وكميه الحلول الموجوده فيه , مرت الايام وتوفي ابراهيم و وصى اولاده على صندوق كله كتب يعطونه جاد .
مرت على جاد مشكله فتح الكتاب وطلع لشاب عربي وقال ترجم لي , وسبحان الله وجد الحل وبكى وسال الشاب ماهذا الكتاب قال :
هذا الــقــران الــكــريـــم
اسلم جاد وتعلم الاسلام وخلال سنوات اسلم على يده في اوربا 6 الاف واحد
كان من ضمن الاوراق في الصندوق ورقه كتب عليها :
قل هذه سبيلي أدعو إلى الله على بصيرة أنا ومن اتبعني وسبحان الله ومآ أنا من المشركين .
قرر جاد ان يسافر الى افريقيا و قعد هناك 30 سنه اسلم عليه ملايين و سمى نفسه جاد الله القراني , وتوفي عام 2003 م
في عام 2005 اسلمت امه اليهوديه المتعصبه على يد من ؟
على يد ولدها جاد الله القراني
وبسبب من ؟
بسبب ابراهيم , كله بسبب اخلاق هذا الرجل الكبير .
بسبب تغير بسيط في اخلاق الشيخ ابراهيم , اسلم ملايين في مشارق الارض ومغاربها
شيخ الاسلام ابن تيميه سجن 7 مرات متتاليه في خمس سنوات فقط والاسباب كلها في علم الغيب
وهدِّد بالقتل فقال كلمته المشهورة :
إن قتلت كانت لي شهادة ، وإن نفوني كانت لي هجرة ، ولو نفوني إلى قبرص دعوتُ أهلها إلى الله فأجابوني ، وإن حبسوني كان لي معبداً ، وأنا مثل الغنمة كيفما تقلبت تقلبت على صوف
فلنجعلها مشرقه
لنجعل حياتنا مشرقه بالاسلام , بالايمان , بالخلق الحسن .
فلنجعلها مشرقه
مثل ماجعلها جاد وابن تيميه .
هنا بنتكلم عن اشراقات حياتنا , أي كانت الاشراقات هذي بسيطه او كبيره ؟!
حتى بقرارك تشتري سيارهـ بمبلغ معين وبسيط وجمعت وحاولت و وصلت للمبلغ هذي تعتبر اشراقه ومرحله تغير في حياتك .
قررتي تطولين شعرك وتعالجينه وصبرتي واشتغلتي عليه مده معينه 3 او 4 شهور هذي اشراقه ونقطه تحاول في حياتك .
للأسف فيه كثير من الناس يحط حواجز بنفسه لكل شيء يمر فيه وما يلتفت للأشياء البسيطة والمريحة بحياته ..
ترى الحياة سهله وميسره على اللي يسرها و العكس صحيح ..
ندري أنه في الحياة كثير منغصات ومشاكل ولكن مو شرط تكون مبسوط إذا انحلت وزالت ..
حاول تعايش وتكيف معها لان نظرتك للحياة هي اللي تحدد وتحول الالآمك لآمال ..
سعادتنا مو باللي مو عندنا ونشتهيه ، سعادتنا بأننا نستمتع باللي عندنا بالفعل ...
كلنا نعرف مانديلا اللي عاش 28 سنة في السجن وكان يطمع بالحرية والنجاح
حتى وهو بالسجن حتى طلعه الحاكم غصباً عليه من السجن ...
وبعد أيام صار مانديلا هو الحاكم ،
عيبنا أننا نستعجل ( خُلق الإنسان من عجل ) ونحكم على الشيء من ظاهره ( لا تحسبوه شراً لكم )
واغلب احكامنا تكون غلط ونبني عليها أشياء وتصورات مو في مكانها ..
يعني جد وش بتكفي عقولنا إذا أشغلناها بالتوافه وهالصغائر مو لازم تكون مساحة هالشيء من عقولنا للأمور المهمة والعظيمة ..
ليش ما نشوف الجانب المشرق ياللي يمر فينا وكيف نستفيد منه !
التعقل وبُعد النظر يساعدنا على التصرف الصحيح .. يمكن هالأمور اللي أزمتنا هي نفسها اللي ساعدتنا على الانطلاق ..
مش دايم الحلول المعقدة هي الصحيحة ..
ماأخذنا من الدنيا عهد على أنها تصفى لنا ومابينا وبينها ميثاق على داوم الرخا
لأن المشاكل والأزمات ملازمة للأنسان ( لقد خلقنا الأنسان في كبد )
بس يبقى الأمل بالله شمس لنا ما تغيب ..
مو لازم تجربة سيئة مرينا فيها تأثر فينا بشكل مبالغ فيه نجلس نتكلم فيها لشهور
ويمكن سنين هذا غير التفكير المستمر فيها ..
وكم من مشكلة مالها وجود أساساً وإحنا اللي كبرّناها وعاشت في خيالنا من لاشيء ..
فيه حكمة في الثقافة الصينية تقول أن اللي مايحس بمتاعب الحياة مب رجاّل
واللي ما يحتملها برضو مب رجاّل
ويقولك بعد أن الإنسان القوي السعيد ما يستسلم لمشكلات حياته ..
تعرفون أجاثا كريستي .. تراها كانت تعاني وهي صغيرة من مشاكل في فهم قواعد اللغة
وكانت يالله يالله تتهجىء الحروف لكن سبحان مغير الأحوال بتفأؤلها وكم كلمة تشجيع من أهلها تجاوزت هالمشكلة
وشوفو الحين شلون صارت ووصلت انه يطبع لها سنوياً 500 مليون نسحة من رواياتها وقصصها حول العالم .
واخييراً ، سألو شايب عمره 78 .. هل قلقت يوم من شيء ؟ قال : لا ،
لأني أعرف أن ربي سبحانه قادر على تصريف الأمور
وأنه تعالى ما يحتاج نصيحة مني وعشان كذا تركت له تصريف أموري بحكمته جلّ شانه
ومضه *
الصلاة تراح بها النفوس المتعبه ، بها تعود أسراب الأرواح المنهكة إلى أعشاشها ..
يالهفة المشتاق ويارحمة البائس الكئيب ويا قبلة البائس المهموم ..
الصلاة شفاء القلوب .. الصلاة دواء لمرضى النفوس والإجساد !
ستمتع بحياتك / د.محمد العريفي
فجر طاقاتك الكامنة في الأوقات الصعبه / ديفيد فيسكوت
افتح النافذة ثمّة ضوء ! / د. خالد المنيف
موعد مع الحياة / د . خالد المنيف
متفائلون / عبدالكريم القصّير
حبايب قلبي احنا نشوف الحين الدنيا وش هي عليه ، أغلبها أحزان أغلبها شقا
يمكن او غالباً مايكون له داعي الحزن لكن الانسان نفسه هو الي خلا نفسه حزين
وهو بإيده يقدر يفرح ويقدر يسعد روحه
يقدر يملك الكون كله بسعاده وفرح لكن متى ؟
إذا قرر في قرار ذاته انه راح يكون سعيد
وراح يقلب كل الاحزان لأفراح اذا قرر يقول ماراح افتح للحزن مجال راح أقدر أفرح راح اقدر اكون سعيد
نقدر نحول كل الاشياء الي تحيط بنا لـ سعاده وكل هذا بيدينا
خلونا نتفق مع بعض انه خلاص مانعطي الحزن مجال ماراح نفتح له باب
وبنسكر كل الابواب بوجه الحزن مهما كان
صحيح نحس صحيح وصحيح لكن مو شرط نحسس الي حولنا بهالحزن الي احنا عايشينه
لأن لو بتلنا نفكر في الضيقه ونقول للي حولنا عنها ، راح تكبر اكبر من ماهي عليه
عشان كذا خلونا نبدأ بدايه مع انفسنا نتغلب فيها على كل شقا هالدنيا ونتناسا اي شي يشقينا ،
ونشوف جوانب الفرررح
ونعيش الدنيا بسعااااده
ومافيه سعاده بهالكون كله الا لما تكون لرضى الله سبحانه وتعالى
سعادتنا / بطاعته سُبحانه ، بكتابه ، بطاعة نبينا ، بر الدينا ، بالتفاؤل
ووش احلى من كذا ؟
*ووش احلى من كذا ؟
يااااااه لو نفتح عيونا الصباح ونقول يالله الحمدلله انك احيتني
ونبتسم ابتسامه كلها رضا وكلها سعااااده ،
ويكون بداية يومنا سعيد وبيضل سعيد بإذن الله
لننادي في الدنيا ونقول لـ نجعلها مُشرقه
انتهى
منقول لروعته
جزاك الله خير ايتها الغدي الأجمل
تم حفظه في مفضلتي للعوده له دائما
ففيه من الخيرات العميمه
ماستجعل الفكر يعود الى التفكير بآخرته
مع الإستمتاع بحياته