هي بيرفكت وممتازه لكن!!😢

السلام عليكم
اليوم بستشيركم في موضوع حبيبات قلبي الله يسعدكم
انا عندي عامله طيبه حبيبه ممتازه شغيله
بعد خمس تجارب لي مع العاملات هذي تقريبًا افضلهم من ناحية نفسيتها الحلوه أمانتها بالعمل لكن!!
ااه من لكن
لكن ماتحب تخرج من المنزل تحب يكون شغلها فقط محصور على المنزل
انا بالاول ماعندي إشكالية ابدا لانه ماكنت احتاجها برى
لكن الان بعد ما ابني صار عمره قريب السنه وتعرفون ذا العمر
يحبي ويتحرك ويبيله من يقابله خصوصًا اذا بطلع اهلي او اهل زوجي او جمعات الاستراحات مع الاهل
والله يصلحها العامله ترفض تخرج معاي واذا قلت عشان بيبي قالت خلي بيبي عندي انتبه له وبيت كلو كميرا تقصد انه تطمني وكذا
لكن انا ماش ابي وليدي معاي مابي احبسه يصيح اذا شافنا نطلع وودي هي الله لايهينها تطلع معاي تساعدني لكن مره عجزت عنها واذا اجبرتها طلعت منفسه وماساعدتي زي العالم والناس
المشكله هي تقول انه شارطه من المكتب انه ماتطلع من البيت ولا تسافر مع العائله
باقي لها عندي سنه وتخلص عقدها وتكمل سنتين
احترت والله مرات اهوجس اتنازل عنها واجيب بديله واشرط انه تساعد بالبيبي تمشي وراه تقوم فيه ومرات اقول خلها تخلص ذا السنتين وبعدين يحلها ربي
والله في الطلعات اتنكد من ولدي ودي تساعدني فيه الله يهديها
انا قلت اشاوركم وعطوني رايكم
طبعا العامله ماتخرج معاي اي مكان الا اذا فيه مصلحه لها نفس سوبر ماركت تبي اغراض او صيدليه او مول تبي تتسوق يعني اذا لها غرض اما لو بقولها تساعديني في البيبي تعالي معاي مول وهي مالها حاجه بالمول ترفض تخرج تقول اجلس وخلي البيبي معاي حتى اهلي ترفض تقول اذا بيبي تعبك حطي عندي وروحي اهلك شي مو طبيعي تقهرني مره 🥺لا وانحرج اذا طلعت اهلي وازعجني ولدي ثم امي قالت عندك شغاله مريحتها في بيتك وانتي مغلبه نفسك مع الولد 😂 قصف جبهات الوالده.. هل تأيدون انه اتنازل عنها واشوف لي بديله ولالا انتظر آرائكم ؟؟