هي تعتبر صديقة ؟

مرحبا
كان في الي صديقة للاسف
رح قلكم واحكمو معي حق ولا كيف
طليقي وزوجته اذوني كثير عملو معي فصول اليهود بيخجلو يعملوها
وبيساندوهم كم واحد هنة ونسوانهم حكو علي وعلى عرضي وعلى شرفي وشرف اخواتي بكل قعدة وجمعة مع النسوان ماعندهم غير انا
وانا صابرة ومحتسبة
كنت متعرفة على جماعة اغنياء كثير وكنت ازورهم ويزورني
فجأة صارو يكرهوني ينغزوني بالكلام
طلع اخوهم ومرتو متعرفين على طليقي ومرتو بعد مارجعو للبلد وصارو صحبة كثير مع بعضهم وقلعوني بمعنى الكلمة بعد ما زوجة طليقي قعدت تشوه فيني
انا بعترف اني لما بسمع بسيرة طليقي ومرتو او جماعتهم واهلهم جسمي بيصير يرجف وصدري بيضيق لانهم ناس مابيخافو الله
وحدة من اخوات رفيق طليقي كانت صاحبتي على اساس
فجأة تغيرت لما اجت لمنطقتنا زارتني مرتين بعدين تزور مع نسوان اخواتها مرت طليقي وهالجماعة وصارو شلة
انا ماعندي مشكلة ومابدقق ومابيهمني
لكن هي الصديقة قررت اقطع علاقتي فيها بسبب انها صرت احس مابتتصل علي الا لحتى تستفزني بس
بتحكيلي عن طليقي وعن اهله وعن مرتو واديشهم اغنياء وانهم بتزورهم وبيطلعو معها وبيجتمعو كل خميس بالمزرعة مع الجماعة لي كنت اشتغل معهم وبيطلعو للمطاعم
وشي بتقلي اشترى سيارة جديدة وشي اشترى ل ابنو لي عمرو بلاي ستيشن جديد وبيتهم قصر ومرتو معها ٣ كيلو دهب وبيصرفو بلاوي وكل يوم بمطاعم
يعني صرت احسها تتعمد بس بدها تغيظني بسيرتهم حتى لما احاول غير الموضوع بترجع الهم بس غيظ الي واستفزاز
جد صارت تقهرني كثير وماعدت طقتها تضرب الصداقة اذا هيك
والله العظيم ساعدتها كثير ووقفت معها بمحنها ومصايبها بعكس هدول لي بدها تغيظني فيهم كل مصيبة بيشمتو فيها وبيحكو عليها ونسوان اخوانها علنا بيحكو عليها وبيشوهو بسيرتها
بس ليش تعاملني بهي الطريقة
مبارح اتصلت علي نفس الشي وبلشتلي انو زرت مرت طليقك وقعدت وتغدينا واثاث بيتهم افخم شي وعندهم كل شي قفلت التليفون بوجهها وعطيتها حظر لاني خلص كرهتها
اكثر من مرة بنبه عليها سيرة الجماعة هدول ماتجيبوها والا هي مصممة تجيبهم
انا مابتضايق من شي لما بتحكي بس بتحسر على ابني لي ابوه مابيسأل عليه ابدا