السلام عليكم
أبي رأيكم بمشكلة صديقتي ما أدري وش أنصحها
هي ما شاء الله ملكة جمال بمعنى الكلمة
تقدم لها واحد أخلاقه عالية و شغله و راتبه زين بس المشكلة إنه غير وسيم
مب شين .... بس مرررة عادي شكله
و أقصر منها بشوي أمكن ثلاث أربع سنتيمترات ..
و هي ما شاء الله طولها 175
بنات قولو ما شاء الله كل شي في شخصيته زين و شايلها على كفوفه إلي تبيه يصير و شاريها
يحبها مووت ميت فيها ما شاء الله و مدلعه آخر دلع
و أمه و أخواته يحبونها و أمه طيبه مرة
يعني بتعيش معاه مرتاحة إذا ما تغير طبعا ...
بس هي خايفة تتزوج و تندم... تقول خايفة أبقى طول عمري حاسة بالحسرة خاصة إنها كانت متوقعة بتتزوج ملك جمال و واحد طويل مرة زيها
وش أقول لها ؟ انا شايفة الشكل صحيح مو مهم بس معاها حق في النقطة هذي إنها ممكن تقعد طول عمرها تتحسر لما تشوف واحد وسيم
و هي صغيرة عمرها 23
كسر خاطري هو مرة أخلاقه عالية أنا أعرفه و أعرف أهله زين
بس هي بعد قلبها طيب و أنا فاهمتها و حاسة باللي تحس فيه خاصة مسألة الطول
أكثر شي مخوفها نظرة الناس لأنهم كلهم متوقعين إنها بتتزوج واحد يدوخ من جماله
وش رايكم بنات ؟
sososayma @sososayma
عضوة فعالة
يلزم عليك تسجيل الدخول أولًا لكتابة تعليق.
ابي اصير بيضاء
•
مدري بس الله يكتب لها اللي فيه الخير يارب
دامها حاطه ف بالها واحد مزيون لا توافق وتظلم نفسها ولد الناس
اعرف وحده كانت كذا وقالو لها اهم شي الاخلاق وبعد الزواج ندمت
صارت كل ماتشوف واحد مزيون تتحسر ع عمرها وسبحان الله عيالها كلهم طلعو لابوهم واهله ماحد اخذ جمالها
اعرف وحده كانت كذا وقالو لها اهم شي الاخلاق وبعد الزواج ندمت
صارت كل ماتشوف واحد مزيون تتحسر ع عمرها وسبحان الله عيالها كلهم طلعو لابوهم واهله ماحد اخذ جمالها
والله المزيون عيونه زايغه وميعجبه شي لكن هاذا يصير تحت امره واحسن لها تاخذ الي يحبها ونصيحه ماهي لاقيه احسن منه لان الفرصه تجي مره وحده بالعمر واهم شي تستخير لابكره يخطبها مزيون يطلعون عيونها 😕
يأختي عمر الجمال ماكان مقياس للرجل اللي نعرفه انه للبنت وش مو مقتنعه فيه لانه مو حلووووو ههههههه استغفر الله بس الرجال يقاس بدينة برجولته بأخلاقه ودام يحبها ويبيها ومدلعها وش تبي اكثر وبالنسبة للطول مو عائق .... ياربي ياهالبنات الى متى تفكيرهم سطحي بهالشكل الله يصلحها وقليلها تحمد ربها وإلا تتركه وتدور المزيون بس يمكن تطول ههههههه الله يسهلها ويستر عليها
الصفحة الأخيرة