هي عين منها

السلام عليكم
كيف حالكم بنات
كنت راجعة مشي رفقة ابني من بيت اهل زوجي
على بعد مسافة قريبة من بيتي تقابلت مع حرمة اعرفها تكون ام سلفتي كانت طالعة من بيت الجيران
ابني كمل طريقه للبيت
سلمت وقعدت تسولف شوي بعدين لفت على ابني وبدت تسولف
يشبه ابوه كثير لا يشبه عمه
ولدك حليو كثير وماذكرت اسم الله عليه ومشت
ما ابغى اظلمها بس من يومها ولدي تغير حاله
بدأت انه فقد توازنه وكان بيطيح من الدرج فجأة بسم الله عليه
بعدها الولد ياكل كل ضربة ولا اقوى من الثانية مرة يصقع راسه بقوة بدون ماينتبه وينزل الدم ابوه اخذه للمستوصف
مرة يطيح وهو يتروش
صار جليس غرفته مافي طاقة حتى يمشي كل ما اطلب منه طلب قالي تعبان متعود يطلع مع اصحابه يلعبون كورة يتمشون يروحون الصالة كل هذا تركه كل مايجون قالهم مالي خلق بس قاعد وقالي احس في شي ثقيل على قلبي مايعطيه طاقة اخذته عند جدته رقته وقرأت عليه مالاحظت شي
انتقل لمرحلة ثانية له مرتين مكررها يجيه غثيان بدون سبب يبغى يرجع عشان يرتاح سهرنا انا وابوه معاه
ابوه ماتحمله عقله وداه مستشفى وف*** مافي شي الولد سليم معافى
واخرها ضربتين على كعب رجله خلوه يصرخ صراخ من الوجع
ما ابغى اظلمها او اتسبب عليها بس مخلوقة ربي من يوم ماشافت الولد وهو حالته تدهورت
هي عين يابنات ؟
جربت معاه يسمع قرآن ويقرأ سورة البقرة ماجابت نتيجة الولد يشهد الله وضعه اختلف حتى تقاسيم وجهه واضحة انه تعبان